Ayupu nirya, mikip arye nyapse bukni, sikce na nyapse yupu kekena pia kumce, ‘Allah arye nyapsilye yupu kum wininamabeʼ tenen, nati bataknike. Winipnyopura, anggun kan-kan noutam arye, tonoknye babye, sikce si erelamik isa si, patung-patung pia malye winilamik ning ara, kum batikik. Tonda, sikce, ‘Aisa si erenamapʼ tenen, kanye deibuka, delilamik patung-patung nirya babye, pia kum batakamik. Sikce Mesir mutuku noutam ulamik talak arye, isa mer si erelamik ning, el si berhala-hala nirya ara, kum batakamik. Atalye ning kum batakamika ati, narye, ‘Ura, sik Mesir mutuku noutam tuba unmak talak ara, narye sik Israel yala nang wenebuka, pia ikin ning, sik nong deice deipnamne. Sik malye wininyak ning ati, na yu weik unilye ning ara, sik nong deice deipnirye, sikti, weik tonun wenepnamne,’ tenipsirye kintinip deiamse.
Yehezkiel 8:9 - Eipomek9 Eipsiba, Allah arye nyapnuke. “Wini talak ara, anda abisik bublan wekuka bimince, sik Israel nang arye, pia malye weik wininyak ning, wininmakiba eipnulyame. Aning ara, pia malye-malye winin ninguk wininyaka ara, narye, ‘Aning ara pia na like,’ tenenune,” nyapdeipnukba, kekepse. အခန်းကိုကြည့်ပါ။ |
Yehezkiel 8:9
4 ပူးပေါင်းရင်းမြစ်များ
Nyapnukba, narye abisik bublan binuka, weksirye eipse. Asukum ara, tonok aik pum tam ara, anyaik abilinga piamik ning nirya ara, ninye arye gambar puturubuka sekamik ning weik eipse. Eipse ning ara, Allah arye, ‘Akam ning yala-yala nirya ara, pia na like,’ akunum nyapdeiamnuk bukni, ninye arye, aning urasin atonun akunum memebuka deiamik. Ara, yata ning do nirya, sik mun ap, yan ap deice arye, tuku butbuta noutamak balamle kam ning urasin atonun sekdeibik ning ara, bal ap, tonda Allah arye, ‘Akam ning ara, na lik ati, anggunce aning ara, dina pia meme,’ nyapdeipsuk ning, abapye eipse. Tonda, sik Israel nang arye, ‘Nun ni koproba ara aniʼ tenen, talye isa mer si eren ati, aning urasin atonun puturubuka, abilinga deice sekuka deiamik ning ton eipse.
Aning eipsopura, Allah arye nati nyapnuke, “Se, anda ninye arye deipkiknye, ance dinmalamba, yatato ning unmoba eipmalam do? Anda sik Israel nang arye, pia malye weik ning wininmakba eilinmalam ning ara, pia malye-malye winin ninguk unyake. Wininyaka deice arye, nara, na si eren aik noutam arye, kutukuka yukak pere sukum bindopnyopura, anyaik tuba ton ap kum bitinye! Aning kum bukni, na ap, an ap, bobikinirye, sik yuk pia malye weik unmakce ning ton, bobikiniba, eipnulame. Asukum arye eipmalam ning ara, mitikto malye unmak bukni, aminyan eipnalam ning ara, pia malye weik winipmakce ning eipnalame,” nyapdeipnukba, kekepse.