Yehezkiel 8:7 - Eipomek

⁷ Nyapnukce, na adiparyuk bobuka, Allah el si eren aik bai tam bukni, anyaik dam bublan wekelbanak, bai tam anyaik dam bobinukba eipse. Winipnukce, keil arye deibuka domik poka, dipdesiba, mitikto bisik botopdeiamikak eipse. ‘Apoka otam upmal ning eipnunʼ tenen, apoka bisik kin-kin tonok botopsirye, otam dinmase. Dinmasiba, otam uamuk bublan bisik tonok ton eipse.

Yehezkiel 8:7 ပူးပေါင်းရင်းမြစ်များ

1 Raja-Raja 7:12

Ninye deiyoknye Raja, el aik dam tuku dana-dana dolamik keil poka ap, tonda Allah ap, ninye ap ansinilidana ati, el si eren aik noutam dolamik keil poka ap, tonda, Allah el si eren aik bai tam bukni, anyak urasin tam dolamik keil poka ap, aning nirya ara, cang weik teleb keil arye memepdeiamik. Ara, keil abilinga ati, weik keil arye, talang winilye deiamikak ara, anoutam ton, Libanon cemara yo tonok arye, taplak deibikce dolamik. Aning atonun, anyaik winilye dam tam, keil poka nirya babye, yuk-yuk bukni, aning urasin atonun, weik keil arye, talang winilye deiamikak ara, anoutam ton, Libanon cemara yo tonok arye, tonok ning taplak deibikce dolamik.

2 Raja-Raja 21:5

Tonda, Allah Yahweh si erena ati kintinilinak ara, anyaik dam bukni, bai tam bitinye wilibuka, memepdeiamik noutam ara, Raja Manasye elce, talye im deice ap, im noutam ap, mikip ulamle ning si erena ati, kambing ato ning opnarye, delilyangalamikak ara, el si mesba dobuka kintinyamuk.

Yehezkiel 8:6

Aning eipsopura, Allah arye nati nyapnuke, “Se, anda ninye arye deipkiknye, ance dinmalamba, yatato ning unmoba eipmalam do? Anda sik Israel nang arye, pia malye weik ning wininmakba eilinmalam ning ara, pia malye-malye winin ninguk unyake. Wininyaka deice arye, nara, na si eren aik noutam arye, kutukuka yukak pere sukum bindopnyopura, anyaik tuba ton ap kum bitinye! Aning kum bukni, na ap, an ap, bobikinirye, sik yuk pia malye weik unmakce ning ton, bobikiniba, eipnulame. Asukum arye eipmalam ning ara, mitikto malye unmak bukni, aminyan eipnalam ning ara, pia malye weik winipmakce ning eipnalame,” nyapdeipnukba, kekepse.

Yehezkiel 8:8

Eipsiba, Allah arye nyapnuke. “Se anda ninye arye deipkiknye, abotopdeibik bisik kin-kin ara, ance mitik tonun ton ap, botopnulyame,” nyapnuke. Nyapnukba, narye mitik tonun ton, akinkin noutam botopsirye, otam uamuk ning eipse.

Ulangan 27:15

Ati ara, sik Lewi yala nang arye, nyanamak ning ara, ani. “Allah el si Yahweh arye, talye ning si erena ara, pia malye weik ati, aning ara, na like. ‘Aning ara, pia malye,’ tenenun ning ati tenebuka, memebuka delina ati, keil ap, yo ap, tonda logam deice arye memebuka deibikirye, dungnubuka, si erenyak nang ara, Allah Yahweh arye anang ati, kanye imun weik ning, sik nong deice deipnamle. Ati, anggun Lewi yala nang arye, malye winin ninguk yasilyeba dolonamlume. Allah nyasilya deice arye, ikin ning anggun dam pia aunamsile,” nyabuka, yupu deice arye sunamsiake. Ayupu Israel nang nirya kekebikirye, diba tenebikirye, sikce tamubuka, “Yo, dipkoprob nyapmasuluma ati, akunuma nyababe,” nyabuka, nyanamake.