Yehezkiel 8:2 - Eipomek

² Winipnuk talak ara, min mapmase talak bukni, lengdar atonun ning arepnuka deice arye, aning-aning eipse. Na lengdar deice arye eipse ning ara, ninye urasin atonun ubukba, eipse. Aeipsinye bira, el nong dam arye ubuka utam ara, uku buk dilamle atonun unmokba, eipse. Tonda, el nong dam arye eitam ara, el kisok tam ara, urasin pia teleb ning, el si ara perunggu arye mil dang-dang alamle touk, anye babye unmokba, eipse.

Yehezkiel 8:2 ပူးပေါင်းရင်းမြစ်များ

Yehezkiel 1:4

Allah arye, yupu nyapnuk talak ara, narye dipkoprob dinmasiba, kumanya mikip weik ning ton, outam arye dobukba, mikip weik asa arye, dua bum kat ning weik arye, bopdakuka yayuk. Adua deice ara, uku buk weik arye lengerekenmokba, adua dana-dana tam nirya ap, im deice tam nirya ara, dirina pia weik ubuk. Auku noutam, kiklina ara, kat ning uku pakanmalye noutam dapmakibuk, buppu pia weik uplirye, bi ubuka ongolamle touk ubuk.

Yehezkiel 40:3

Na bobinuka amutuku kon deice binuka deipnukba, dinmasiba, ninye urasin atonun tonoknye ton, baju ongopmok bukni, kat ning, el si ara tembaka, meldang-dang alamle atonun baju ongobuka, aweik asik wekelbana ati, bisik bublan dam tikmokak eipse. Anye bira, ‘Anye asik ara, el cang ap, el pala ap ara, yata barye ubuk do?’ tenen, kiklilen pina atonun ning ap, tonda kain lenan arye wiamik tapu ap, bopmukak eipse.

Yehezkiel 8:1

Babel mutuku yin talin nang arye, obikce tapu koubuka, sik pera mutuku bobinamsikce, ikin pil dilamsika ani, aminyan talak, keting tamun nakub barye akunum ubukba, wala nakub barye noutam bukni, tanggal lima deice arye, na Yeheskiel bira, na aik bukmase. Anyasik noutam bukmase talak ara, Yehuda tam ulamik ninye deiyok nang nirya ara, na dam neika yayikba bukmapu. Winibuka bukmapuba, Allah Yahweh aning-aning nirya deice tam erebuka, pia mikip weik ululnye birye, el mikip weik ara, na deice yayukce wekuka langdipnuk.

Daniel 10:6

Anye el nong deice ara, pia dekna weik keil, bol teleb keil arye, mil dang-dang alamle touk, unmok. Tonda, el asok deice ara, mil dang-dang alamle touk, unmok. Tonda, el asing ara, uku buk dilamle touk, upmok. Anye el taruk ap, el yan ap ara, dekna weik kat ning, el si ara tembaga, urasin pia teleb ulamle touk, upmokba eipse. Anye birye, el yupu nyabukba kekepmasa ara, ninye pia weik tonun, tonok talak aryuk, lunman arye, yupu weik tonun nyalamak touk, nyabukba kekepse.