Yehezkiel 47:3 - Eipomek

³ Keting panalyangan tam, bisik bublan dam arye, amalaikat birye, ‘Yata ubuka cang ulul do?’ tenen, ‘Bumang ara, winibuka cang ara, winibukaʼ tenen, kiklilena ati, talipmok kama bobuka kiklibuk. Winibuka ukur kina ati, biyuk talak ara, anye birye na bobuka, amek pu bukni, keting panalyangan tam bobinuk tam, el karin cang ara, 500 meter nukukabukce, bobiyuk. Abobinukura, “Anda amek koupnulyame,” nyapnuk. “Amek koubuka binulyame,” nyapnukaura, amek el karu ara, yan kutam dam arye, outam kipnukbuk, amek koubuka bise.

Yehezkiel 47:3 ပူးပေါင်းရင်းမြစ်များ

Yehezkiel 40:3

Na bobinuka amutuku kon deice binuka deipnukba, dinmasiba, ninye urasin atonun tonoknye ton, baju ongopmok bukni, kat ning, el si ara tembaka, meldang-dang alamle atonun baju ongobuka, aweik asik wekelbana ati, bisik bublan dam tikmokak eipse. Anye bira, ‘Anye asik ara, el cang ap, el pala ap ara, yata barye ubuk do?’ tenen, kiklilen pina atonun ning ap, tonda kain lenan arye wiamik tapu ap, bopmukak eipse.

Yehezkiel 47:2

Ura, anye elce na adiparyuk bobuka, dabu tam bisik bublan tam arye bobinuk. Ura, ila tamubuka, Allah si eren ati tenda aik lilun, bai tam bobinukce, keting panalyangan tam bisik bublan botopdeiamikak bobinuk. Bobinukura, eipse ara, mitik mek ara, iknapye tam lilunak arye, amek pu dobuka, banmokak eipse.

Yehezkiel 47:4

Aning nirya akunum winibukura, min winipmok atonun, tonap 500 meter ton kiklibuk. Winibuk bukni, asukum ara, mek mitik tonun ton karu ubukba, mek koupdeserye, gutam dam yanuk. Aning atonun, tonap tabakuka kiklibuk ara, 500 meter ton kiklibukba, asukum karu ara, na deiyok dam baripnuke.

Zakaria 2:1

Aminyan talak winibukba, eipse ning ara, ani. Ara, ninye tonoknye ton, ‘Aning el cang ara, yata barye ulul do?’ tenen, el taruk deice ara, kiklilena ati, tapu bopmukbuk eipse.

Zakaria 2:5

Bukni, keil poka antanap dongopnamak ning ara, kum patapnamle. Deiyok ara, na Allah Yahweh arye, naryuk amutuku noutam ara, talibuka unirye, weik keil poka tembok antanap dongolamak touk ubuka, uku buk dilirye, antanap dongobuka ulamle touk winipnamne. Ara naryuk, amutuku ap, amutuku unamak nang nirya ap ati, melibuka kalikinamne. Tonda, amutuku noutam ara, na mikip weik ap, na teleb weik unilye ning ap, na weik dirina ap, deice aryuk, pia mambul mutuku unamle. Allah arye nyapnuke.

Lukas 24:49

Na ni Allah arye, ‘Na Dib Kanye arepnamsine,’ nyalilamuk touk, na im deice arye dopkwetepnamsine. Dopkwetepsinyeura, anggun kanye talima noutamak weksilirye, mikip weik upnamsil bukni, Allah El Dib Kanye arye min kum weik mikip kum upmasilye talak ara, Yerusalem asik noutamuk unamlume.” Yesus arye nyabuk.

Rasul 2:33

Allah arye Yesus erebuka im deice bobinuka, el sirik taruk tam deibukura, ‘Na arepnamne,’ nyamuk ning Dib Kanye (Roh Khudus) ara, aribukura, Yesus doprobuk akarye, arepmasile. Wini talak anggun dinmalum ning ap, kekenmalum ning ap, Yesus arye Allah El Dib Kanye weik arye arepmasil ak, eipmasulume.

Rasul 2:4

Sik nong deice bukukura, Allah El Dib Kanye sik talima wekuka langdibukura, talibuka arye, sik nirya ara, yuk-yuk mutuku nang yupu arye nyanmek. Ara, Allah El Pia Teleb Dib Kanye arye yupu nyana deiyok ning aribuka atonun, sik yuk-yuk mutuku nang yupu nyanmek. Sik nyanmek yupu ara, kum kel kiyamik yupu bukni, yuk-yuk mutuku kili sal yupu nyanmek.

Wahyu 11:1

Tonok kiklilen ning, pina cang atonun ning arepnukce, Allah arye nyapnuk. Akiklilen pina dobuka bimince, Allah el arena ap, el si erena ap ati domik aik, Yerusalem weik domik aik nong ara, ‘El cang ara ani, el pala ara, ani’ tenen, kiklildelbilyame. Tonda, aning atonun, Allah el si erena ati, nintong teleb ning, uku dongolamak emas meja ton, ‘El cang ara ani, el pala ara ani’ tenen, kiklipdemince, anyaik pum tam unyakce, Allah el si erenyak ninye, ‘Yata barye unyak do?’ tenen, nukdenulyame.

Wahyu 21:15

Nati, yupu nyapmanuk malaikat arye, ‘Cang ara ani, pala ara ani’ tenen, kiklilen ning, pina atonun bukni, emas arye memamik ning bopmok. Akiklilen ning bopmoka ara, weik asik Yerusalem Winiryuk ning, ‘El cang ara winibuka, el pala ara winibuka’ tenen, kiklipdenirye, ‘Kel kipnun’ tenen, bopmokba eipse.