Anyaik weik aik abilinga buru tam ara, mitik aik ton aknapdongobuka, dobuka sirya dakuk. Amitik aik nirya tingkat cang nirya ara uapce eisiknibuka dobuk ning ara dua koma tiga meter (2.3) kiklibuk. Amitik aik bukni, weik aik abilinga dam dukuldongona ati deibik ning ara, yo el si ara, aras yo aryuk kiklibuka dolamuk ani sirya dakdongobuk.
Yehezkiel 41:6 - Eipomek6 Allah si eren aik bai tam bukni, anyaik kup-kup ak dana-dana tam, ara iknapnye tam ap, dabu tam ap, aik winilye tingkat domik ning ara, minyuma ning ara, tukwak domik. Anyapce ubuka bitinye ning ara, mitik tonun kisikuka, Allah si eren aik tam ap domik. Atonun, winilye ning ara, mitik tonun ton kisikuka, Allah si eren aik tam ap domik. Anyaik winilye tingkat domik ning ara, yuk-yuk wilibikce domik. Anyaik tingkat winilye domika noutam ara, mitik aik yuk-yuk wilibuka domik aik ara, 30 aik domik. Ara, tukwak babye, noutam babye, deice tam babye, mitik aik 30 wilibuka domik. Tonda, anyaik tingkat winilye domik ning barina ati, cang weik ayukumna yo atonun, keil weik tonun antanap dongamikce, ikuka domik. Tonda, atingkat winilye domik aik arye, ‘Allah el si eren aik abilinga bol pipyakʼ tenen, lo batakamik. အခန်းကိုကြည့်ပါ။ |
Yehezkiel 41:6
6 ပူးပေါင်းရင်းမြစ်များ
Aning-aning nirya akunum kiklibukce, atalak ara, anye birye, acang keil arye deibuka domik aik batakuka, bai tam bobinuka deipnuke. Ara, Allah el si eren aik dam bukni, bai tam lo weik batakamika eilina ati, bobinuka deipnuke. Allah el si eren aik dam bukni, bai tam dana-dana nirya ara, pala keil poka antanap dongobuka domika kup-kup ak nirya ara, mitik aik ton weik tonun domik ning eipse. Anyaik urasin tam ara, pia lo weik batakamikba uamuk. Alo otam ara, Allah el si eren aik uamuk. Amitik aik weik tonun, yuk-yuk wilibuka domik ning ara, yupa weik 30 aik ubuk. Anyaik domika urasin tam ara, ‘Tuku sung-sunga palipsilyakʼ tenen, ninye banamikak ati, keil pala arye tuku deice yangapdeiamikba, akeil deice ara, amsuna tokamne atouk uamukak eipse.
Aning akunum winibukopura, el anye birye na boyanuka, Allah si eren aik, batakuka bai tam binuka deipnukce, tamubuka aik pum tam dinmase. Winibukopura, anye birye, Allah el si eren aik bai tam, abilinga piamika lilun tam ara, el bopmuk pina arye, kiklipdeyukura, el bukam tebal ara, 3 meter kibuk. Allah si eren aik bai tam antanap dongobuka domik aik nirya ara, anye bopmuk pina arye, kiklipdeyukura, ayuk-yuk wilibuka domik aik, el pala ara, dua meter (2) kibuk.
Atiga tingkat aik pum noutam, yuk-yuk wilibuka domik ning nirya ara, winilye tingkat kibuka domik. Tonda, Allah el si eren aik dam bukni, dana-dana tam aik ap, bai tam keil poka dam domik aik ap, anyasik el ayukumna yo arye ikuka, dolamika atonun ubuka, atiga tingkat aik ton, pia kum domik. Yuk aik dopnukirye, aik tam ap, aik pum tam ap arye, ayukumna ikuka dolamak touk, ubuka kum domik. Ati ara, atiga tingkat domik aik, alip tam wilibuka domik aik ara, el lo ara, mitik tonun pala weik ap kibuka domik. Bukni, anoutam domik aik pum tam nirya ara, el lo mitik tonun kibuka domik. Pia amu tam bukni, tuku deice domik aik lo nirya ara, mitik tonunuk kibuka domik.
Anggunda, Allah ati diba teneluluma ati, Allah arye, ‘Na mapu malye ubicak’ tenen, el mikip deice arye kalekuka lelilongosulule. Wini talak arye dipdongobuka, dotalak yanamle talak nirya ara, el mikip arye kalekuka lelisilyebuk, sirya daknamle talak akunum uplyopura, Allah arye lyen ning akunum kintiniyeiamsuk ati, Yesus aminyan talak tamubuka yalyopura, lyepnamsile. Atalak ara alyen ning nirya laka daneipnamsile.
ကြော်ငြာတွေ