Yehezkiel 4:9 - Eipomek

⁹ “Keting tamun weik tonun asukumuk mapnalama anya arye, ance Na anyapnukin ning kintinip deipnalame. Ati wini talak ara adin ning kintinip deipnalame. Ara, gandum ap, jelai ap, kacang merah weik ning ap, tonda kacang merah mitik ning ap, gandum utotoa ning el si cawan ap, sekoi ap, kintinibuka, weik makau dongobuka deipnulyame. Winipmince, din ning patapnamkil talak, aning nirya ansinipmince dongobuka roti kwaning atonun ning dabuka dinalame. Adongobuka dapnalam roti kwaning ara, anda tuku deice mapnalam talak noutam, an taruk kwanim tam mapmince, 390 sum deice arye aninguk dabuka dinalame.”

Yehezkiel 4:9 ပူးပေါင်းရင်းမြစ်များ

Kejadian 25:34

Nyapdeibukura, Yakub birye, din ning bi kacang (kacang merah) yupmok ning ap, roti ap, bokuka Esau biti arebukura, din mek ap, aupmok ning ap dibukce, anyasik batakuka bai biyuk. Esau birye, ‘Aning urdem arepnamkine,’ nyabuk deice arye, el li koproba dipnamuk talak arepnamuk ning ati, ‘Na lik’ tenen, batakukce, malye ubuk.

Keluaran 9:32

Bukni, paplirye duk moulamle ning ara, gandum ap, yuk yala ning ap, kum obuka ati ara, min kum winibuk. Ara, li kabul talak atia.

Yesaya 28:25

Nun mutuku noutam ara, wa tuku akunum palipturye, kintinibuka teleb kibuka akunum deiptopura, elce yala ton doknamle do, kum do? Kume, dipkoprob doktue. Winipmanto ara, mirin yala ap, kurun yala ap nirya ara, doknamle. Aning atonun, awa wina deiyoknye birye, yala koun bisik yuk-yuk kibuka, gandum duk ap, tonda yukak jelai ap doktue. Winipturye, awa tuku kup-kup tam ara yuk yala, el si sekoi ton kouptue. Yala ulye touk, telebak uk koulule.

Yehezkiel 4:13

“Winipnamlam ning nirya ara, sik Israel nang kel biknamakʼ tenen, lak kilina ati winipnamlam bukni, aning deiyok ara ani. Na Allah Yahweh arye, “Israel nang, anggunce aning ara dinamlum bukni, aning ara pia kum dinamlume. Aning ara, na pia lik ati, aning ara mem ning ulule. Ati, aning dipmunyopura, na dam ton yanuka, na si ton kum erepnutume nyapsise. Aning nyapsise bukni, aminyan talak narye Israel nang wenena ati, anggun mutuku koprop arye dopkwetepsiniba, yuk-yuk mutuku nang arye, anang tomobikirye, yuk pera mutuku bobinuka daunamak talak ara, sik Israel yala nang arye, amem ning atonun ning ton pia kum dinamake.” Allah arye, na Yeheskiel biti nyapnuk.

Yehezkiel 4:16

Nyabukopura, elce ayupu ton nyapnuk “Anda ninye koprop arye deipkiknye ulyame. Narye Yerusalem mutuku nang dinamak din ning nirya ara, kum kipdeipnirye, sirya dakeipnamne. Winibuka akunum kum kipdeipniba, din yala aning-aning nirya ara, kum kipdeipnamne. Winipniba, sik din ning yala-yala nirya ara, sukdopnamle. Winipliba, sikce, “Se tenena ap, ikin una ap ukirye, sik din ap, mek ap nirya ara, kum kipdeipnamne.