Yehezkiel 3:6 - Eipomek

⁶ Ati ara, narye an wipdeipkince, dopdeipnamakin mutuku ara, yupu kekena kum mutuku nang kume. Yuk mutuku yupu nyanyak kili sal kum bukni, an babye nyalyam yupu uk, nyanyak ninye unyaka anya arye, narye nyanamkin yupu bobuka, sik Israel yala ninye ati, peterelbinamlyame. Israel yala ninye arye, an nyanalam yupu kum kekenamkiyak bukni, yuk pera mutuku ninye dam dopdeipkitinyopura, sik yuk mutuku yupu nyanyak nang arye, na yupu moubuka kekeptinge. Bukni, ‘Naʼ tenen, ninye anya arye, kum kekenamake.

Yehezkiel 3:6 ပူးပေါင်းရင်းမြစ်များ

Yesaya 33:19

Na Allah arye, sik Asyur mutuku ninye ati, wenebuka kum kipdeipnyopura, anggun Israel yala ninye arye, sik aninye ara ila tuba tonap kum elinamlume. Sik Asyur ninye ara, yu kanye weik bobuka ulamikce, kanye talima pum tam erelan deice arye kwalilamik bukni, aminyan talak ara, aninye kum kipdeipnamne. Winipniba, sikce anggun mutuku koproba ati yupu talilamik yupu ara, kum kekepmanto yupu, nyalamik ning ara, ila tuba tonap kum kekenamlume.

Yehezkiel 3:5

Na Allah arye, ‘Yuk pera mutuku ninye ati nyalbinamle’ tenen, kum wibuka dopdeipkine. ‘Anda, Israel ninye dam peterelbinamlam’ tenen, nyapmakina anya arye, aninye ara, ikin yupu, an kum kekepmanto yupu kum nyanyake. Sikce, nyanamkiyak yupu ara, ance, ‘E, sik nyanyak yupu ara, ‘Deiyok ani’ tenen, kekebuka, kum biknamne,’ kum tenepnamlyame. Sik nyapnamkiyak yupu ara, an yupu koproba anya.

Yehezkiel 3:7

‘Na nyanye yupu kekepnitinge,’ tenenamlam bukni, an kayapu Israel yala ninye ara, an nyanamlam yupu, pia kum kekenamkiyake. Ara, talye ati kume. Sikda, na Allah arye nyanye yupu babye, pia kum kekeninyake. Sik Israel ninye nirya ara, kanye tenina, kat kibuka anye arye, mandipna kanye bobuka, tatdayuk ninye unyakce, ‘Nun like,’ nyanyaka ati, na yupu babye, kekena kum unyake, nyapkine.” Allah arye Yehezkiel biti, laka nyabuk.

Rasul 27:28

Utenebikce, ‘Asukum ara, mekwen kaurwe weik ubuk do, kum do?’ tenen, mekwen kaurwe ati kiklilen tapu arye, ‘Mekwen kaurwe weik ubuk do, kum do?’ tenen, mekwen kaurwe ati kiklilen tapu, mekwan pum tam dopkwetebuka, kiklipdeyikbuk, mekwan pum 40 meter atonun ubuk. Mitikanun ton baubu ani, tonap tuba kiklipdeyikba, (mekwan pum tam arye mutuku dup mitik anun belyamukak ati) mekwan dala mitikto 30 meteruk kibuk.