‘'Amutuku noutam ara, anggunce deipmunyeba, dadeipdanin banamlum nang weik kipnin baceura, narye, “Aning wininamlume, aning ara pia kum wininamlume,” nyapdeipsiba, sekdeiamik marikna yo, el si ara Peti Perjanjian pum ati, ton ap, kum nyapnamnulume. Sik anang arye, ton ap pia kum tenenamniake. Tonda nyapdeiamuk yupu ara, yuk ton ap pataplyeura, “Dobuka deipnuyabe,” kum nyanamake.
Yehezkiel 15:5 - Eipomek5 Tonda, anggur tapu yo taruk sekuka, uku min kum dapmakce talak ara, mitik yo dobuka, teleb ning ton kum memenyake. Aning atonun ton, mitik yo akunum uku dabikceba, uku arye akunum dibuka, sirya daklyeura, kalum buknamle ara, yata arye, akalum bobuka, aning arye teleb ning ton memepting do? Kume, aning babye, kum winipmanto. အခန်းကိုကြည့်ပါ။ |
Yehezkiel 15:5
3 ပူးပေါင်းရင်းမြစ်များ
Aning atonun, sik amutuku nang ara, sik aik uku dan yo ati, anggur tapu taruk ara, mitik ning sekuka, bobikceura, sik aik pum tam, uku dapmakce bukni, uku arye mitik yo taruk kup-kup dana-dana tam nirya ara, uku dibuka sirya daklyeura, ayo taruk noutam, tuba upmalye yo ara, doproptingce, teleb ning memebuka delinyak do? Kume, aning ara pia kum wininyake. Tonda, aning atonun, anggur taruk mitik nong noutam babye, uku arye dibuka, sirya daklyeura, uku kalum upnamle ning ara, doproptingce, teleb ning memepting do? Kume, aning babye, kum wininyake. Amitik tonun, yo taruk ara, uku arye akunum dibuka, sirya daklyeura, sikce bultakalule.
Ati ara, na Allah Yahweh, weik tonun erebuka, aning-aning nirya talibuka, Pia Mikip Weik Deiyoknye unirye nyapsine. Ninye arye, anggur tapu yo ara, mitik taruk seklobikce ning ap, bai tam palamle yo ap, werebikirye, adiparyuk uku dalamak ning nirya ara, narye, ‘Sik uku dapnamak’ tenen, ayo nirya areamsise. Aning winilamse atonun, sik Yerusalem mutuku noutam, kam tuba unyak nang nirya babye, atonun winipnamne! Ara, anang bataknyeba, sik Babel mutuku nang arye, yanuka mal obikirye, sik mutuku tamubuka bobinamake.
ကြော်ငြာတွေ