Anyaik nirya dona ap, weik cang aik dona ap ara, ayukumna yo deiyok tam arye, mouse tam nirya ara, urasin pia teleb-teleb keil deice aryuk, deibuka domuk. Anyaik dona ati keil nirya kintinibuka moupnarye, memelilamik. Akintinip deiamik keil nirya ara, ‘Akeil arye, ayukumna tam ara, “Winibuka dobuka deipnamabe. Tonda, anyaik noutam ara, winibuka dopnamabeʼ tenen, kat ning seken ati ning, el si geregaji arye, akeil dana-dana tam sekuka, akeil nirya akunum kiklibuka kintinip deiamik. Aning ara, tuku deice arye, anyaik el keil fondasi arye, akeil taram deice tam deiamik yo amu tam ara, anirya ara, atonun dobuka, kintinip deibikce dobik.
Yehezkiel 10:5 - Eipomek5 Malaikat urasin atonun ning, el si Kerub, pol dana-dana arye, lang-lang nyanmeka deice arye, weik lelim nyamukba, Allah el aik pum noutam babye, bai tam aik dam bukni, mitik pere sukum nirya babye, lelim weik nyanmokba kekepse. Alelim kekenmase ning ara, Allah Yahweh aning-aning nirya talibuka, Pia Mikip Weik ululnye birye, el yupu nyanmaliba, lelim nyalamle touk, nyamukba kekenmase. အခန်းကိုကြည့်ပါ။ |
Yehezkiel 10:5
19 ပူးပေါင်းရင်းမြစ်များ
Tonda, ninye deiyoknye Raja Salomo birye nyapdeibukura, el pil don nang arye, sik imam nang bulubuka weken asik dam mitik ning ati, Allah el si eren aik dam bukni, mening damuk kintinibik. Tonda, aik pum tam arye, aik dam wekelbanak bisik bublan ara, bitinye kintinip deibik. Abublan bitinye ara, dana-dana tam nirya botopdeibikce, dekena teleb kat ning, el si perunggu arye, abublan deice taplak deiamikba, urasin teleb kibuk.
Anggun yuk-yuk mutuku sirya, im sirya nirya, talibuka ululum ninye deiyok nang nirya ara, buluplumce, Allah ati, “Anda pia telebuk ulyame!” nyabuka, el si erenamlume. Diba, aning-aning nirya talibuka, mikip weik ulya deiyoknye ulula ati, nun nirya arye, Allah ati, “Anda pia telebuk ulyame!” nyabuka, el si erenamabe.
Weik laut mekwen arye, an Allah mikip ati eibukce, ilil weik ubukba, mekwen nirya lulukuk. Winipmanto ara, ninye uk weik talipliba, nong nirya koulukulsaklamle touk ubuk. Diba atalak ara, weik mekwen, el si laut Teberau arye, an Allah ati eibuk talak ara, alaut mekwen karu noutam nirya ara, sekdakuka bindobuk.
Asum talak, yim domba basam yang dobukabikce weik arye pong-pong anmek ning ara, lelim ara mitik tonun nyanmek. Bukni, uku birye tabakuka bilkong nyana weik arye lelim nyanmok. Awininmokba, Musa birye Allah ati nyabukba, Allah arye tamubuka yupu nyabuka ara, liman olamle atonun yupu Musa biti nyabuk.
Nyapnuk talak uk, Allah arye yupu ton nyanmokba, kekepse ning ara, ani. “Yatanye wipdeipniba, na yupu nyalbinamle do? Nun yupu laka nyalbana ati, yatanye birye nyalbinamle do?” Allah arye nyapmokba kekepse. Nyabukura, narye nyapse. “Kume, na aunman ati, ance na uk wipdeipniminba, narye an yupu laka nyalbinamne,” nyapse.
Sik akam un ning nirya, pol deice arye lakuka banmekba, pol lelim weik arye nyanmokbuk kekepse. Ara, weik mek lum sakanmalirye, lelim lelamle atonun, nyanmoke. Tonda, yin talin nang arye, ‘Yuk nang olbinamap’ tenen, yin lelim weik arye nyalamak touk nyabik. Tonda, aning-aning nirya, talibuka deice tam ulirye, Weik Erenanye, el yupu weik arye nyaliba, lelim weik lelamle tonun, sik lakuka banmek talak ara, sik pol lelim weik nyabik. Winipmanto ara, yin talin nang weik arye bulubikirye, yupu weik arye nyakiba, lelim weik nyalamak touk, banmek talak ara, weik lelim nyanmek. Bukni, sik tunim abuka unmek talak ara, sik pol ara, tukwak tam deibikba, sik pol lelim tunim abukura, anirya tunimabuk.
Allah Yahweh arye, pia teleb kain lenan baju ongopmoknye biti, nyabuk. “Anda uku kalum bukni, uku buk arye dinmal ning, tonok ton dopropnulyame. Ara, sik malaikat urasin atonun ning Kerub, otikmakak bukni, sik yan amu tam ara, roda-roda upmalak arye, dopraka binulyame,” nyabuk. Nyabukba, anye elda, adiparyuk obinuka, tonok roda dam binuka tikuk.
Aning-aning nirya akunum kiklibukce, atalak ara, anye birye, acang keil arye deibuka domik aik batakuka, bai tam bobinuka deipnuke. Ara, Allah el si eren aik dam bukni, bai tam lo weik batakamika eilina ati, bobinuka deipnuke. Allah el si eren aik dam bukni, bai tam dana-dana nirya ara, pala keil poka antanap dongobuka domika kup-kup ak nirya ara, mitik aik ton weik tonun domik ning eipse. Anyaik urasin tam ara, pia lo weik batakamikba uamuk. Alo otam ara, Allah el si eren aik uamuk. Amitik aik weik tonun, yuk-yuk wilibuka domik ning ara, yupa weik 30 aik ubuk. Anyaik domika urasin tam ara, ‘Tuku sung-sunga palipsilyakʼ tenen, ninye banamikak ati, keil pala arye tuku deice yangapdeiamikba, akeil deice ara, amsuna tokamne atouk uamukak eipse.
Aning nirya akunum peterepnukura, amalaikat birye, na adiparyuk bobuka, Allah el si eren aik, bai tam bobinukce, nara aik bai tam, halaman nyalamak ning dina ati winipnuk. Ara, Allah el si eren aik, bai tam lumunak dumbarye domikak uamukak ara, asukum dam bobuka, binukak eipse. Winipnukak eipse ning ara, Allah el si eren aik bai tam halaman bukni, lumunak dumbarye ning dam ara, mitik tuku ton wilyamikce, poka dobuka deibik ning ara, yuk-yuk kintinibuka deimikak ton eipse. Atuku dumbarye yuk-yuk bukni, apoka noutam uamuk tuku ara, el cang ara, 20 meter. Tonda atonun el pala ara, 15 meter arye kintinibuka deiamikak eipse.
ကြော်ငြာတွေ