Yakobus 2:2 - Eipomek

² Winipmanto ning nyapnusine. Ura, anggunce, ‘Allah yupu kekepnuyap’ tenen, Allah yupu aik akunum wekelyatum talak ara, tonok sisinanye, bona weik talinanye birye, dekna weik ning, emas taruk duk dongolul ning ap, pia teleb ongon baju ap ongobuka, wekelyatu bukni, atalak aryuk pia talye kankanye ton, pun deibuka kwiliksakamtu baju ongobuka wektuopura, anggunce yatato yupu nyaptum do?

Yakobus 2:2 ပူးပေါင်းရင်းမြစ်များ

Kejadian 27:15

Tup yubuka kintinbukabukce, el minopce deibuk mi Esau, el pia teleb baju anyaik uamukak, dobuka el aminyan deibuk mi Yakub ongopdeibuk.

Ester 3:10

Nyabuka morobukba, Persia mutuku ninye deiyoknye Raja Ahasyweros kekebukce, el taruk duk dongolamuk ning, el si cincin ara, kwiribukabukce, Haman biti arebuk. Ara, ‘Haman birye tenelye touk, na si deice arye wininamle’ tenen, Raja birye el cincin kwiribuka, Haman biti arebuk. Haman el li koproba ara, Hamedata, elda Agag yalanye ulamuk. Haman bira, Yahudi yala ninye nirya ati, pia yu tenebuka ulamuk.

Ester 8:2

Raja Ahasyweros el taruk deice dongamuk ning, el si cincin ara, Haman areamuk bukni, Haman opnuyik talak ara, el taruk deice tamubuka kwiribukabukce, Mordekai biti arebuk. Awinibuka ati ara, Mordekai birye, amutuku ninye deiyoknye Raja si deice arye pil dolamukce, ninye deiyok talibuka ulamuk. Aning atonun, Ratu Ester birye Mordekai biti, el uk ninye deiyoknye kiplirye, Haman elce taleamuk mutuku ap, taleamuk ning nirya ap dobuka, Mordekai biti arebuk.

Yesaya 64:6

Nun nirya ara, Allah ance, ‘Aning ara, weik malye ning anya arye, na walwale,’ tenesiminye ning atonun wininyabe. Tonda, nunce, ‘Teleb unyap ning ani’ tenen, teleb winin ning winiptibya babye, dipkoprob weik malye ninguk unyabe. Nunda, pia weik malye ning baju deice bol pipliba, bataklamaka atonun, nunda malye ninye uk unyaba anya arye, malyeuk usulule. Tonda, weik kumanya yalirye, pubuka dopliba kolulamle yo bok dakuka bobalamle touk unyabe. Ara, nun minopce malye ulamepya ani, wisi dapyopura, dibinyabe. Ara, nun bidamang malye wininyaba deice arye winisulule.

Lukas 15:22

Nyabuk bukni, ami el li birye, el pil melina nang ati ayupu nyabuk. “Anggunda, ‘Weik nang kipnamap’ tenen, arilamak cang baju, el si juba ati, pia teleb ning ara, minopce dobuka yamunce, na mi ati ongopdeipnulume. Tonda, ‘Anyaik deiyoknye atonun ulule, tenepnamake’ tenen, taruk dukdongon ning dobuka boyamunce ongopdeipnamlulume. Tonda, ‘Anye bira, talye melinanye kume, weiknye ulule, tenepnamak’ tenen, el yan ongon sandal boyamunce ongopdeiplulume.

Lukas 23:11

Wininmek talak ara, Herodes ap, el yin talin nang ap arye, Yesus ati, derenmekce nalinmek. Sikce nalinmek talak nirya ara, sik weik nang ongolamak cang baju, el si juba atonun ongon baju, Yesus nong deice ongopdeibikce, nalinmek. Winibikce, tamubuka Pilatus dam dopkwetebik.

Yakobus 2:3

Sisinanye bona weik talinanye, pia teleb baju ongolul weiknye ati, ‘Se elda mambul,’ tenebuka, nimalye arye, “Telebe amio, telebak dabulyalyame,” nyaptum bukni, pia talye kankanye ati ara, “Orkaren akuk tikilbinulyame, akumopura, nun yan yanilamap amsuna deiceuk buklyame,” nyaptumopura, aning ara, pia malye winilulume, nyapsine.