Wahyu 7:7 - Eipomek

⁷ Simeon yala ninye noutamak arye, yupa weik 12.000 nang wibuka, sik asok deice pitin kilin ning taplakuk. Lewi yala ninye noutamak arye, yupa weik 12.000 nang wibuka, sik asok deice pitin kilin ning taplakuk. Isakhar yala ninye noutamak arye, yupa weik 12.000 nang wibuka, sik asok deice pitin kilin ning taplakuk.

Wahyu 7:7 ပူးပေါင်းရင်းမြစ်များ

Kejadian 29:34

Aminyan talak, Lea birye ton mi bomuka ani, sal mi ton deibukce, el si ara, ‘Lewi,’ nyabuka sisibuk. Sisibukce, nyabuk. “Winira, na akanye bira, dipkoprob kanye deipnamnile. El mapu winilye akunum deipse atia,” nyabuk.

Kejadian 30:18

Deibukura, nyabuk. “Na akanye Yakub, el kil dopnamla ati, na melin kil arepse anya arye, winira Allah melipmanile,” nyabukce, “Asal mi el si ara, Isakar,” nyabuka sisibuk.

Kejadian 35:23

Ura, Yakub birye delilamuk mapu ara, 12 nang ulamik. Yakub ap, Lea ap arye, delilamrik nang ara, sik si ani. Min yuma ara, Ruben deiprikce, aminyan talak Simeon ap, Lewi ap, Yehuda ap, Isakar ap, Zebulon ap, deiamrik.

Kejadian 49:11

Atalak ara, ninye tuku ninye mutuku-mutuku nirya arye, el yupu uk kekebikirye, el amu tamuk unamake. Ilil kumce, talye kanye bobuka teleb ubuka ulamlamye bira, el keledai basam bobuka anggur tapu kirikuka delilamak atonun, tonda el kuda bobuka teleb yo dam kirikililamle touk, Yehuda, an yala nang ara kanye deibuka telebuk unamake. An yala ninye arye anggur tapu mekwen purupdongobikirye, amekwen deice ara, sik baju mek likinamake.

Kejadian 49:5

“Simeon ap, Lewi ap ara, sik neikto touk, urudake. Sik parang ya ap, yin ap dobuka, ninye olbarudake.

Keluaran 6:16

Ura, Lewi birye deibuk nang ara, winilye deibuk. Lewi birye deibuk nang ara, Gerson ap, Kehat ap, Merari ap deibuk. Anang ara, Lewi yala nang, sik apu yapu ulamik. Lewi bira, keting tamun yupa weik, seratus tiga puluh tujuh (137) tahun wisi danamuk bukni, dibuk.

Bilangan 1:22

Tonda, Simeon birye deiamukba, dadeipdanin yangalamik nang, ayala nang, sik mapu aulamik noutam mapu, sik deibik keting tamun akunum dua puluh (20) tahun arye dipdongobuka, itam kipne nang ara, yin talipmanto nang kiamuk ati, anang ara, sik yala aulamik touk kiklibuka, si yuk-yuk nirya nukuka sekik.

Bilangan 25:14

Ura, Israelnye el si ara, Simri birye, Midian mutuku kil dobukce, neika daulamdika ani, sirya talak ara, akil ap dobuka yangadikba, Israel nang dinmek kan-kan dam boyanmokba, Musa ap, sik Israel nang ap akil eibik. Ati, akil ap, Simri ap ati, Israelnye el si Pineas birye, sik bitinye obuk. Obuknye el si ara Simri. Ara, Salu birye deiamuknye. Salu bira, Simeon yala nang, sik weik deiyoknye kibuka taleamuk.

Bilangan 26:14

Simeon yala nang arye deibikura, dadeipdanin yangalamik nang, anoutam arye, sal dem wibuka nukikba, sik yupa ara, 22.200 nang kibuk.

Yosua 19:1

Yosua birye, tuku bokna ati bitinye ning winibuk ara, ‘Simeon birye deibukba, deipdanin yangalamika ani ulamik ninye, sik duweit nirya ati, bokuka arebuk. Simeon yala nang, sik duweit tuku sirya bokolonak ara, Yehuda yala nang sik mutuku noutam arye, binuka wilipdeibuk. Ati, Yehuda tam nang, sik mutuku dana tam ton bokukabukce, Simeon yala nang ati arebuk.

Yosua 19:17

Mutuku wililamik ati, Yosua birye lake bikilin ning, el si undi dobuk ning ara, Isakar yala nang ap, sik mapu silip ap arye, talibuka unamik mutuku ati, dobuka arebuk.

Wahyu 7:6

Asyer yala ninye noutamak arye, yupa weik 12.000 nang wibuka, sik asok deice pitin kilin ning taplakuk. Naftali yala ninye noutamak arye, yupa weik 12.000 nang wibuka, sik asok deice pitin kilin ning taplakuk. Manase yala ninye noutamak arye, yupa weik 12.000 nang wibuka, sik asok deice pitin kilin ning taplakuk.

Wahyu 7:8

Zebulon yala ninye noutamak arye, yupa weik 12.000 nang wibuka, sik asok deice pitin kilin ning taplakuk. Yusuf yala ninye noutamak arye, yupa weik 12.000 nang wibuka, sik asok deice pitin kilin ning taplakuk. Benyamin yala ninye noutamak arye, yupa weik 12.000 nang wibuka, sik asok deice pitin kilin ning taplakuk.

Hakim-Hakim 1:3

Nyabukura, Yehuda yala nang arye, sik kayapu nang, Simeon yala nang ati, “Amapo, anggunce melipsumunyeba, neika bibirye, Kanaan mutuku unyak nang binuka obuka sirya dakibirye, Allah arye nunti, ‘Amutuku ara, anggun dopropnamlume,’ nyapdeiamsuk mutuku ara dopropnamabe. Anggunce nunti melipsumunyopura, dotalak Allah arye anggunti kintinip deipsuk mutuku nirya ara, dopropnamluma ati, amutuku ulamice nang olbinumunye talak ara, nunce anggun melipnamsiyabe,” nyabik. Nyabikura, Simeon yala nang arye, sik Yehuda yala nang ati melibik.