Se, Babel mutuku talibuka, ulamlum Rajanye, min talak ara ance, ‘Nara pia mambul weiknye ununa ati, nara bereknulye talak tikilyangalamle dirina weik kurya atonun unune. Tonda, nara beren tam talak keting panaplirye, dirina weik ulamle touk unune,’ tenyamlume. Bukni, Allah arye lo arebukba, yuk mutuku nang arye, an akunum opkikba, sakluma ati, wini talak ara, pia amu tamuk ulyame. Winipmanto ara, dirina weik kurya, im deice arye tukwak saktu ura, dirina kum uptue atonun, an babye akunum upkuke. Minop talak ara, ance ninye mutuku sirya, im sirya ulamik nang nirya olamlum bukni, wini talak ara, Allah arye akunum opkukce, tukwak amu tamuk akunum pia deipkuke.
Wahyu 2:28 - Eipomek28 Tonda, malye kilamice ninye ati, beren tam yanuka tiklamle kurya arepnamsine. အခန်းကိုကြည့်ပါ။ |
Wahyu 2:28
5 ပူးပေါင်းရင်းမြစ်များ
Aninguk kum bukni, tonda, Allah el yupu laka nyalamik nang, nabi nang arye sekeiyamik yupu, pia dipkoprop yupu ara, akunum upmasile. Ayupu ara, ninye arye kunuknak banukce talak, weisa ubikibuk, dirina uplibuk, bita dikirye balamak touk, usulule. Allah el yupu, laka nyalamik nang arye seklamik yupu ara, dirina atouk usulule ati, anggunce ayupu moubuka kekenamlulume. Allah ati, moubuka min kum kel kiplum bikamlum talak noutamak ap, Yesus Kristus tukwak mutuku, tamubuka min kum yanaplye talak noutam ap, sik seklamik yupu moubuka kekenamlulume. Aning upnamsil talak ara, beren tam talak kipnamalya ati, tulik bisik yalamle talak ap, ulul kurya tikilyangalamle talak ap, dirina uplibuk, ‘Aning nirya, lakak dinuyabe,’ tenelamap touk, upnamsile.
“Na Yesus arye, na im deice pil dona nang, malaikat dobuka an dam dopkwetepmakina ara, ‘Ayupu nirya laka nyapkikiba, ance nati diba tenenyak ninye nirya, laka nyalbinalam’ tenen, amalaikat dopdeipmakine. Minop talak ulamuknye Raja Daud birye deibukba, dadeipdanin yangalamika ani, deibik mi, weik mambul mi ara, na uka. Na si ati, ‘Berentam Talak Panabuka Tikilamla Kurya,’ nyaninyake.”
ကြော်ငြာတွေ