Minop talak, nun apu yapu Israel nang, sik dinmekak arye, weik laut mekwen cepdobukba, tuku mikuka deice ak, koubuka yanamik. Bukni, ‘Israel ninye opnuyap’ tenen, dobolbanmek nang, Mesir ninye ara, an mikip deice arye, mek siklipdongobuka oplume. Ninye arye keil dobuka, weik mek mekwen noutam donokikiba, mek pum bisik saklirye, mek lontik abuka dilamle atonun, Mesir ninye laut mekwen noutam kintinip deipmalum bisik wekelyayik talak ara, ance mambul pil domluma deice arye, anang sik nong deice mek siklipdongobuka, dibuk. Anang nirya obuka sirya daklume.
Wahyu 18:21 - Eipomek21 Anye birye ayupu nyabukba, na Yohanes arye kekepse. Kekepse talak ara, adiparyuk yuknye, mikip weik malaikat arye winipmanto ning una ati, tonok mutuku yangan keil, ikin weik keil dobuka ereptalibukce, laut mekwen noutamak donokukce, ayupu nyabuk. “Aweik keil dobuka, mikip arye laut mekwen noutam donokmal touk, Allah arye Babel mutuku tam ulamak ninye nirya weneplirye, mikip arye oplopmale. Wini talak arye dipdongobuka, aminyan doyanamle talak noutamak nirya ara, tuba tonap amutuku aik ap, ninye ap kum unamake.” အခန်းကိုကြည့်ပါ။ |
Wahyu 18:21
14 ပူးပေါင်းရင်းမြစ်များ
Winipmanto ara, sik amalye weik wininyak nang ara, lengdar mabibirye, aning-aning elinyap bukni, bukipyopura, lengdar deice eipmapye ning, adiparyuk kum daliba, luba kilamap touk, sik anang babye, atonun upnamake. Lengdar mapmabibuk, lukunyan noutam ara, laka upmalya eipmapya ani, adiparyuk kum danalamle touk upnamake.
Bukni, el amalye ninguk, talibuka winilamuknye, minopce dibukba, el aik dam ton binuka epdese bukni, amalinye ton, pia kum ulamuka anya arye, kum eipse. ‘Anye bira, tuba kam ulul do, kum do?’ tenen, el anye biti epdese bukni, ton kum epdanumu. Elda akunum dibukba, kum ubuka atia. Ati, ‘Se, sik malye wininyak ninye ara, pia aunamake,’ tenena meme.
Anggun Tirus mutuku noutam ululum nang ati, narye anggun wenena ati, aning nirya winipnamsin ning ara, weik imun kanye bon ning, pia kum tenipmanto ikin ning, anggun deice deipnyeura, yuk kam unamak nang arye biknamake. Biknamak bukni, sikda, tonap pia kum eipnamake. Tonda amutuku tuba kam unmakce nang arye, ‘Se, sik Tirus mutuku ulamik nang ara, dan sukum unyak do?’ tenen, anggunti epnamsiak bukni, pia kum eipnamake. Nara Allah Yahweh, aning-aning nirya, deice tam erebuka, Pia Mikip Weik Deiyoknye ununye birye nyapsina ati, aning nirya ara, dipkoprob nong kunupnamle, pia kum bataknamle. Allah Yahweh arye nyabuk.
Winiplyopura, Siria mutuku Raja arye, Laut lilun mutuku nirya batakuka, el mutuku, dabu tam (arah utara) tamubuka binamle. Elce, ‘Na mutuku tamubuka binirye unamne. Na weik keil aik ap, cang keil poka ap, doamse ninguk, amutuku uk tamubuka binirye, amutuku unamne,’ teneplirye binamle. Bukni, aminyan talak, yuk mutuku nang arye, Siria mutuku deiyoknye bira, obuka sirya danamake. Winibikiba, el anye bira, yuk nang arye anye ton kum eipnamake. Ninye arye obikiba, elda tunim apnamle.
Aning nirya eipsopura, adiparyuk mikip weik ubuk malaikat, im deice tam arye koluka yanganmokak, eipse. El nong dana-dana nirya ara, dua kiprobukba, el kisok deice ara manu senamnya deibukba, eipse. Amalaikat el urasin ara, keting dirin weik ulul touk, dirin weik ubukba eipse. El yan ara, weik aik ayukumna iklamak atonun ubuk bukni, ining bi ubukba, eipse.
Aweik Mem Kwatima Atonye ap, el mapu sik malye malaikat nang ap arye, Mikael tam malaikat ati, ‘Malye kipnuyap’ tenen, pirilelamik bukni, sik malye malaikat mikip mitik tonun uamuka anya arye, Mikael ap, el tam malaikat ap arye, Mem Kwatima el tam malye malaikat ati, malye kibuka nirya obik. Winibikba, weik Mem Kwatima Atonye ap, el mapu silip sik malye malaikat nirya ap dobuka, im deice ulamikak noutamak arye dobuka, bai tam dopkwetebikba, tukwak sakikce yayik.
Weik mutuku lulukna lulukukba, laut mekwen noutamak arye sekelongolamuk mutuku taram pulau nirya ara mekwen dibukba, adiparyuk kum dayuk. Mutuku kon mutuku kon nirya ara, weik arye lulukukba, tokna paklirye, yamultaklamle touk winibukce, amutuku-amutuku nirya sakukce lu kibuk. Mutuku kon nirya kum dayuk.
Allah arye akanye imun ning weika arye, Babel mutuku ninye sik nong deice dopkweteplibuk yalyopura, ikin kanye bobikirye, ‘Se’ tenen, weika arye engebuka donmakiba, yuk mutuku Raja nang nirya arye, yukak arye tikuka eibikirye, ayupu nyapnamake.” ‘Se, Se. Amutuku ara, weik mambul mutuku, pia teleb ulamuk. Babel mutuku ulamlum ninye ara, mikip weik ap, pia teleb ap ulamlum bukni, wini talak adiparyuk tonok keting noutamak ara, Allah arye wenepmasilba, akunum kum daneipmasile,’ nyabuka engenamake.
“Sik mutuku noutamak minop talak ara, pong-pong ana atonun ning, bengkong ato ning el si ara kecapi ap, terompet ap, aning-aning nirya talilamika deice arye mot selalamik bukni, wini talak arye dipdongobuka, aminyan yanamle talak noutamak nirya ara, amot sen ning, sik Babel mutuku noutamak tuba tonap pia kum nyanamake. Abung-bung ana ning arye, kum nyabikiba alelim ton Babel mutuku noutamak kum kekenamake.” “Yata pil do nirya, Babel mutuku noutamak pil yala nirya dolamik bukni, wini talak arye dipdongobuka doyanamle talak ara, pil aning-aning nirya sik mutuku noutamak ara, pil pia kum donamake. ‘Roti din ning dapnuyap’ tenen, kintinina ati, terigu teikna pil dolamikba, alelim kekelamik bukni, doyanamle talak noutamak nirya ara, Babel mutuku noutamak tuba tonap, roti din ning el deiyok ning, terigu teikne pil ton pia kum donamaka deice arye, alelim pia kum kekenamake.”
Aning nirya eipsopura, aning ton eipse. Ara, weik ninye deiyoknye kurun ning deice bunlulak eipse. Ara, pia weik kurun bun ning ap, aning deice bukmoknye ap eipse. Anye laka ubukba, im ap, im noutamak ulul ning nirya ap, tukwak ap, tukwak mutuku noutamak ulul ning nirya ap, aweik deiyoknye dam kum yanmanto ati ara, aning nirya kum dayukba eipse.
ကြော်ငြာတွေ