Awinibukba eipse ning nirya ati ara, asukum tikmok im deice anye birye, nati laka nyapnuke. ‘Awinibukba eiplum ning nirya ara, an kel biknulam’ tenen, laka nyapnukine. Aning nong ara, ani. Weik kam ning sirya talak, dumbarye ning welebukba, eiplum ning, el nong ara, ani. Winilye nang arye, kutukuka ninye deiyok nang kibuka, tukwak mutuku nirya taleamica ani, aminyan talak ara, dumunye yanuka kutukuka tiklirye, tukwak mutuku unyak ninye nirya, sik deiyoknye kiplirye talinamla ati, ance eiplume. Tonda, akam ulamle ning winilye weletikikba, sik urasin yuk-yuk ubuka, eiplum ning deiyok ara, ani. Sikce ninye deiyok kibuka, tukwak mutuku nirya talipnamake. Winibuka talipnamak bukni, dumbarye ning ara, urasin yukuk uplirye, ninye deiyoknye, dumunye tiklirye, sik winilye ninye deiyok nang nirya ara, obuka sirya daklirye, malye kipnamle. Elce anang nirya ara, el amu tam deipnamle. Winiplirye, el dem arye, im sirya, mutuku sirya nirya unyak ninye nirya babye, tukwak im sirya, mutuku sirya nirya babye, obuka sirya daklirye, yanipnamle.
Wahyu 17:18 - Eipomek18 “Talye Yolana Deiyok Kil eiplum ning ara, winipmanto ulul bukni, el nong ara, ani. Ara, pia weik asik domika Babel mutuku noutamak unyak ninye ati kel kinyabe. Babel mutuku unyak ninye arye, yuk mutuku deiyok nang Raja nang nirya ati, sik deice tam unyakce, ninye deiyok ning talinyake.” Malaikatnye birye laka nyapnuk touk, na Yohanes arye nyapsine. အခန်းကိုကြည့်ပါ။ |
Wahyu 17:18
7 ပူးပေါင်းရင်းမြစ်များ
Oploplyopura, abitinye nang sik nong dobuka kum weipnamake. Aning kum bukni, aweik asik domikak, sik Deiyoknye wanwanun yo deice obik mutuku, Yerusalem mutuku noutamak, ninye ban bisik noutam akuk, sik nong asukumuk bataklopmakiba aupnamle. Siria talak ara, Yerusalem mutuku nirya pia malyeuk unamla ati, domon yupu deice ara, el si Mesir ap, Sodom ap si bitinye ton nyanamake.
AMem Yu Kwatima el amu cang mikip asa arye donmoka deice arye, im noutamak tuba uamuk kurya weika arye dobukabukce, tuku deice dopkwetebuk. Winibukopura, ami bomuk kil tikmokak, urasin dam tam kalikuka tikmok. Asukum tikmoka deiyok ara, ‘Akil arye mi deipkweteplyopura, na adiparyuk ami obuka dipnune,’ tenebukce, akil dam kalikuka tikmokak, eipse.
Mutuku lulukna weik arye lulukukba, adiparyuk weik asik domik mutuku, el si ara Babel mutuku noutamak arye, tuku nirya dilikukce, bokuka winilye kibuk. Tukwak mutuku im sirya, mutuku sirya nirya noutamak arye, weik asik domikak nirya adiparyuk lokuka biyukce, atu atonun kiplobuk. Deiyok ara, Allah arye weik mutuku si Babel mutuku ninye arye, pia malye ulamik ning nirya ati, tuba tenebukce, amutuku ninye wenena ati, yu pia weik ulamuka ati, asirya dakne talak, yu pia weik ubukba, weik mikip arye oplobuk. Allah el yu upmanto ning ara, yu weik arye kanye wangalamak mek kwebuka, tonok mek makau pum tam weika arye dikdongobikirye, yuk nang ati, mikip arye sik si bam bol pum tam dikdongobicopura mek si amubuka lupdonokmanto kum winiptingopura, Ara, Allah arye weik wenena ning arebuk ati, sik Babel mutuku tam ninye lyepdanmanto kum unmekak eipse.
El yupu ara, mikip weika arye ayupu nyabukba, kekepse. El yupu ara, ani. “Weik asik domika, el si ara Babel mutuku, aninye ati Allah arye malye kibuka oplopnule. Oploplirye, amutuku ap amutuku unyak ninye ap, amutuku noutamak, unyak isa nirya ap, Allah arye kum daneiplirye, sirya daknamle. Amutuku noutamak ara, isa ayala-yala nirya unyake. Tonda ninye unak kum ati, pia malye maka weik daunyake. Ara teleb wininyak nang arye, ‘Amaka yala nirya ara, pia malye maka anya arye, nun lik’ tenen, pia Kum dinyak maka yala nirya amutuku noutamak unyake.