Wahyu 15:6 - Eipomek

⁶ Anyaik kuklobukba, Allah el im deice tam si eren aik pum tam arye, sik tekbarye malaikat arye, ninye wenena ati, weik kanye imun ning tekbarye bobuka yanmekba, eipse. Amalaikat sik baju ara, pia kurun teleb ning dirin weik baju ap, sik taram deice ara pia teleb poron cang baju pakupmek ning ap, emas urasin ato ning ketepmek ning ap, ongopmekba, eipse.

Wahyu 15:6 ပူးပေါင်းရင်းမြစ်များ

Daniel 10:5

Atikmase talak ara, na urasin erebuka eitam dinmasebuk, mambul weiknye tonok eipse. Anye bira, kurun baju, el si ara kain lenan, pia namin baju ongopmokba eipse. Tonda, deiyatinga delina ati, el si ikat pinggang ara, dekna weik kat ning, el si ara emas, pia teleb ning deipmokba eipse.

Lukas 24:4

Kum eibikce, ‘Yesus el nong dan do?’ tenen, teniltonmek talak ara, wel nang bitinye bebeya lingum ablirye, dirina weik ulamle tok, pia kurun baju ongopmarik nang, talye karin arye tikilyarik.

Wahyu 1:13

Atekbarye weisa dirina ning eipmase ning dana-dana antanapdongamuk noutam ara, Ninye Mi Koprop Atonunye tikmokbuk, eipse. El cang baju ongopmok ning ara, el yok bisipmok ak, el taram deice ara, cang baju kurun ning koupdongopmok ning ara eipse.

Wahyu 14:15

Aning kunum eipsiura, Allah el im deice tam si erena aik pum tam arye, tonok malaikat ton yayukce, Ninye Mi Koprop Atonunye binyak, weik yupu deice arye, adomon yupu nyabuk. “Winira akunuma. An yu parang talipmalama ara, dobuka tukwak mutuku ulul ning, ya sekelbilyame. Tukwak mutuku dokamik ning nirya, akunum wisibukce, ekenmala ati, sekuka delina talak, akunum upmala ati ara, ya sekuka delilbilyame,” nyabuk. (Adomon yupu nyabuka ara, malye ulamik ninye wenena talak akunum ubuka ati, nyabuk.)

Wahyu 14:17

Winibukba, adiparyuk Allah el im deice tam si eren aik pum tam arye, tonok malaikat ton yanmoknye bira, el babye, yu weik parang ya dobuka yayukba, eipse.

Wahyu 15:1

Arup nyapmasin ning eipsopura, yuk ning eipse ning ton laka nyapnune. Im deice tam noutamak ara, pia mambul ning eipse. Ara tekbarye malaikat arye, yuk-yuk bukni, weik kanye imun ning sirya ning arepnamik ning bopmekak, eipse. Akanye imun ning, ara Allah el yu ubukba, tukwak ninye nirya ati wenebuka onmalya ani, sirya daknamle ning ati, kanye imun weik ning tekbarye sirya daknamle ning ati nyapne.

Wahyu 19:8

El dopnamal kil ato ninye ara, pia teleb namin baju, lek ning, dirin weik ulul ning ara, akunum arepmalaba, ongopmake.” Ayupu nirya nyabikba, Na Yohanes arye, kekepse. (Na Yohanes arye nyapsine. Pia teleb namin baju nyabuk ning ara, winipmanto ulul bukni, aning nong ara, ani. Ara, Allah arye wiamukba, elti, diba tenebuka, el yupu kekebuka dobolbalamik ninye arye, diksukumuk ulamik ning ati, tenenyabe.)