Wahyu 14:18 - Eipomek

¹⁸ Aning atonun, Allah el si erena ati, nintong teleb ning, uku danyak sukum, emas meja dam, tonda Allah el un dam pil dolul malaikat, elda uku delina deiyoknye birye, Allah el si erena aik pum tam yayukce, yu weik parang ya talipmok malaikat ati, domona yupu deice arye nyabuk. “Tukwak mutuku im sirya, mutuku sirya nirya, noutamak dokamik anggur tapu nirya, akunum wisibuka ati ara, an bopmalam parang ya yu ning arye, atapu nirya seklopmince, anggur duk nirya daknin binulyame,” nyabuk.

Wahyu 14:18 ပူးပေါင်းရင်းမြစ်များ

Yoel 3:13

Sik dana-dana tam unyak ninye nirya ara, pia malye weik wininyak ninye unyaka ati, sik wenena talak akunum dam uplyopura, winipmanto ara, gandum wa wibuka kuamice wisiamlibuk, lipnuce talak ara, yu weik parang ya, el si sabit arye, sekuka lilamak touk winipnamne. Tonda, anggur tapu duk, wa wibuka kouamice wisipliba, dakukabikirye, mek purunak binuka deibuka yanibikiba, anggur mek weik deiplirye, langdibuka balamle touk, aninye weik arye wenepnamne.” Allah Yahweh arye nyabuk.

Markus 4:29

Duk kintiniplirye, akunum wisiplyopura, ekelule. Eklyopura, wa deiyoknye birye ya sekuka dakalule. Ara, eklamlye ning nirya dakuka delin talak akunum uplyopura, elce ya sekuka dakalule,” Yesus arye nyabuk.

Wahyu 16:7

Anye birye ayupu nyabukba, Allah el aik pum emas meja damnye birye ayupu kekenmok ati, tamubuka nyabuk. “Dipkoprop nyaplame. Nun ni Allah anda aning-aning nirya malye kibuka, aning nirya deice tam umince, weik mikipnye ulyame. Yuk mikip ulul ning nirya ara, mikip mitik tonun ulul bukni, anda nun Weik Ninye Deiyoknye ulyame. Weik mambul pil dolalum ning ara, ninye kum winipmanto ning, pia teleb pil dolamlum ning nirya diksukumuk ulule. Ance tukwak ninye ati yupu lepsisikuka bokeipmalamce, ance aninye nirya wenebuka onmalama ara, pia diksukumuk ulyama anya arye, ‘Aning nirya ara, pia telebe. Bita merekuka onmalame’ tenen, nyapkine,” nyabuk. Allah el aik pum emas meja dam ululnye, ayupu nyanmokak, kekepse.

Wahyu 16:8

Ayupu nyabukba, Kekepsopura, malaikat dumunye birye el karu ngolol makau uamuk ning, keting deice diklobukba, keting yu pia weik ubukba, tukwak ninye sik nong bol deice tin weik teng-teng abuka deice arye, sik nong bol bupu nirya boubukce bol kobuk.

Wahyu 8:3

Talipmekak, yuk malaikat tonoknye birye, mek makau atonun ning, urasin ara, ngolol makau songgol atonun bukni, emas arye memamik ning dobuka, Allah el si erena ati, teleb ning arenyak dam tikilyayuk. Siltong teleb ning uku danyak ning talipmokce, Allah el si erena ati arinyak sukum, ameja dam tikilyanmok. Ameja babye, emas arye memamik ning ara, Allah el weik bun ning, urasin tam ubukba eipse. Malaikat yayukba, ‘Ngolol makau songgol pum tam dilamuk uku noutamak dongopnul’ tenen, siltong teleb ning weik arebikba, doprobuk. Tonda, Allah arye wibuka deiamukba, el mapu unyak ninye arye Allah ati moronyak yupu ton dobuka amalaikat arebikba, amalaikat arye ayupu ap, asiltong teleb ning ap tabakuka deibukce, emas meja deice deibuk.