Wahyu 10:2 - Eipomek

² El taruk arye bopmok ning ara, mitik buku bukni, abuku urasin noutamak ara, pakubuka deiyamuka ani, yokoyukak eipse. Winibuk bukni, el taruk deice yoktalipmokak, eipse. Amalaikat tikukabukce, el sirik tam yan ara, laut mekwen deice yanibuk. El kwanim tam yan ara, tuku deice yanibuk.

Wahyu 10:2 ပူးပေါင်းရင်းမြစ်များ

Mazmur 2:8

Ance nati moropnunilyame. Moropneminyopura, mutuku-mutuku nirya ap, amutuku noutamak unyak ninye nirya ap ara, narye anti, arepkiniba, talibuka unamlame. Arepkinyopura, mutuku sirya, im sirya, anirya ancuk talinamlame.

Mazmur 65:5

Ati ara, Allah ance, ‘Na si eren aik dam yanganamak’ tenen, wipdeipsulum ninye nirya ara, pia weik arye, kanye deibuka unamake. ‘Na dam yakirye, na siuk erebuka unamak’ tenen, akunum welisilyam ninye nirya, nun an dam yabirye, aning-aning nirya, kintinip deipsulum ninguk, talibuka ubirye, weik kanye deibuka unamabe. Ara, Allah an si eren aik, an uminyak, pia teleb sukum yanuka unamabe. Ati nun nirya arye, pin-pin kanye bobuka unamabe.

Yesaya 59:19

Tukwak nang mutuku sirya, im sirya nirya ara, Allah arye sik malye winilamik ning ati, wenebuka opnamle. Akunum winiplyopura, keting kumulban tam unyak nang arye, aning eibuka, kel bikikcopura, Allah Yahweh el mikip weik nyalul si ap, el ap ati ara, ilil weik unamake. Aning atonun, sik keting panalyangan tam unyak nang nirya ara, Allah Yahweh, el pia teleb ulye ning ap, el weik dirina ap ulya ara, eibikirye, ilil weik unamake. Allah Yahweh, el bikbik abuka yanamla ara, winipmanto, weik balamle mek deice, weik kum mikip yalirye, yanuka lontik abliba, mek silong bukuka welelamle touk ubuka, mikip arye bikbik abuka yanamle. Aning nirya ati ara, tukwak nang mutuku sirya im sirya nirya ara, elti, ilil weik unamake.

Matius 28:18

Yesus sik dam yayukce ayupu nyabuk. “Im deice ulye ning ap, tukwak mutuku ulye ning nirya ara, Allah arye na amu tam akunum deipnuke. ‘Aning-aning nirya talibuka weik ninye deiyoknye unamle’ tenena ati, Allah arye el mikip weike akunum arepnukba, talinune.

Wahyu 10:5

Nyapnukba, adiparyuk asum eipmase mikip weik malaikat, dana tam yan arye tukwak ap, dana tam yan arye laut mekwen deice ap tikmok malaikat arye, el sirik taruk erebuk.

Wahyu 6:1

Domba Mi Atonye birye, Allah taruk deice bopmok buku dobuka, abuku noutamak denepdongamuk yo pea ato ning, tekbarye awamuk bukni, tonok ning daklobuka yokeibuk ak, eipse ning ara nyapnune. Minyuma yo pea atonun ning dakukura, sik dumbarye kam unyak ning bukni, tonoknye birye, weik yupu deice arye, “Yalyame,” nyabuk. El yupu nyabuka ara, liman arye lelim weik nyalamle touk ubukba, kekepse.

Wahyu 6:3

Domba Mi Atonye birye, abuku sekuka deiyamuka yo pea ato ning, bitinye ning dakuka, yokeibuba, sik dumbarye kam unyak ning bitinye ning arye, “Yalyame,” nyabukba, eipse ning ara nyapnune.