Ulangan 1:9 - Eipomek

⁹ Musa birye, sik Israel ninye ati, nyabuk. “Nun Sinai mutuku dam unmapu talak ara, narye anggun kekenak, ayupu nyapdeiamsise. Ayupu ara ani. Na tonoknye biryuk, anggun nirya ati, yupu lipsisikuka bokolin pil dona deiyoknye una ara, kum uptinye. Ikin weik pil anya arye, na kanye imun unulule. Ati ara, naryuk anggun nirya ati, deiyok kibuka talipsitinirye, pil dopmanto kum unmane,” nyapsise.

Ulangan 1:9 ပူးပေါင်းရင်းမြစ်များ

Keluaran 18:18

Ara, talye dem kum nyapkine. Deiyok ara, an tonoknye biryuk ato pil donmaminya ara, mikip kum dakilirye, metang upnamkile. Atonun tonda, an yupu kekena ati, yanamak nang babye, sik mikip kum dalirye, lik unamle. Adonalam pil ara, ikin weik pil ati, ancuk apil teleb ubuka kum doptume. ‘Apil donmaminya ak, an mikip kum dakilyakʼ tenen, nyapkine.

Keluaran 18:24

Nyabukopura, Musa bira, el yamal koproba Yitro birye, ‘Wininamlame,’ nyabuka atonun, aninguk winibuk.

Bilangan 11:17

Nyabukce, ayupu ton nyabuk. “Na si eren aik dam yanuka tikmunyopura, asukum anyuk yanirye, yupu nyapnamakine. Na Dib Kanye ap, mikip ap, akunum arepkise ning ara, bokukapnirye, adeiyok nang babye ton, sik deice ton deipnamne. Winipniba, anyuk na mapu Israel ninye noutamak pil dopminyeba, kanye imun ukilya ati, sik awisi nang ap, neika sik Israel ninye ati, pil donamlyame. Ara, an ikin ukilye ning ara, sik adeiyok nang arye, kwa dibuka melipnamkiyake. Winibikikca deice arye, mitik kanam asa ton upnamkile. Aminyan talak ara, an dem aryuk, Israel ninye kum bobinamlyame.” Allah arye, Musa biti nyabuk.

Ulangan 22:18

Akilmu el li birye, aning akunum lak nyaplyopura, adiparyuk, sik amutuku yupu bokolina deiyok nang arye, akain eibikirye, akunum bikikcopura, akilmu dopmalinye biti, yukubikiba, sik dam yalyopura, elti, wenebuka, ikin ning dobuka, el deice delinamnyake.