Rut 2:9 - Eipomek

⁹ Tonda, ance dinmaminba, na pil don nang gandum wa win dam lilbakceura, an ka kilapu sik lilbinamacakuk, an ap lilbanamlulume. Sik wa win dam binuka bukicopura, an babye sik bukice touk, aminyan binuka melinalyame. Tonda, na gandum wa talibuka pil donyak nang ati, ‘Akil anggun melipsilyopura, el dam ton kum nyanamlulume. El nong talina kume. Sik leibuka yukak unalyame,’ akunum nyapdeipmane. Tonda, an mek patapkilyopura, na wa win nang arye, kwebuka deipmace mek makau uk, kwebuka dinamlyame. Asum-asum nirya ara, na pil don kilapu ap, melibuka unamlyame,” Boas birye, Rut biti nyabuk.

Rut 2:9 ပူးပေါင်းရင်းမြစ်များ

Kejadian 20:6

Nyabukba, el lengdar mapmok talak ara, Allah arye Abimelek biti nyabuk. “Diba, na kele. Anda talye mangkau kanye bopmomce, akil dopmome. Narye, ‘Malye uplyak’ tenen, kalikuka dinmakunuba, na yupu min kum yanipmanilame. Winipmamu deice arye, akil ap, an ap, min kum mapmarume.

Ayub 19:21

Se na kayapu, Allah el yu na deice deipnukura, pia imun kanye bobuka unune. Winyamnukba, na kayapu ati nyalamse. “Amapo. Anggunce nati, bico tenepnululume,” nyabuka nyalamse.

Mazmur 105:15

Allah arye yuk mutuku ninye deiyok nang ati nyalamuk. “Sik Israel yala ninye ara, narye wepdeipse nang anya arye, sikti, ton kum dupnamlulume. Tonda, na yupu nyapdeipniba, laka nyan nang, nabi-nabi nang, sik dam ikin ning ton kum delinamlume,” nyabuka yupu seklamuke.

Amsal 6:29

Aning atouk, ninye ton anggun kayapu domikce kilapu ap neika mapmatiringba, yuk nang eibuka kel biktingopura, ‘Amapmarak ning ara dauplye,’ tenebikirye, ‘Min kum wenepnuyabe’ tenen, batakanyak do, kum do? Kume, wenen uk upnamake.

Matius 10:42

Tonda, na dipkoprop nyapsine. Yata nang do nirya, anggunda na mapu ati, ‘Anang ara, Yesus el mapu unyaka anya arye, melipnuyabe,’ tenebikirye, talya ikip mek sirika kwebuka arelamaka ababye, Allah arye dekna doplirye, dekna talya arepliba, dopropnamake.” Yesus arye el mapu ati, ayupu nirya nyabuk.

1 Korintus 7:1

Winira, anggun surat sekeipnuluma deice arye, asipdenulum yupu ara, nyapnusine. Tonok ning ara, ani. Na kanye ara, sal arye, kil kum doptingce, kwityuk pia ulamtingopura, pia telebe, tenepne.

1 Yohanes 5:18

Nun kele, Allah arye sik talima kam bukeibuk ninye nirya ara, tuba-tuba malye kum wininyake. Allah el Mi Koprop wibuka deibuknye bira, Yesus, elce aninye ati, ‘Malye winibicak’ tenen, pia melibuka kalikilule. Yesus arye sikti, winiplyopura, pia Malye Deiyoknye, Isa Mutuku Dongonye, malye kum kipdeipsutue. Ton, dalubuka kum dopropsutue.

Rut 2:10

Nyabukba, Rut akunum kekebukce, nong kanupdongobukce, tukwak dinmokce, Boas biti kibuk. Rut birye, tamubuka Boas biti nyabuk. “Naio, nara talye kil anya arye, ance kanye teleb arye, winibuka kum nyapnutum kile. Nara, yuk mutuku, ninye asik kil anya arye, ance anyapnilama atonun, kum nyapnutum bukni, teleb yupu nyapmanilame,” nyabuk.

Rut 2:8

Nyabukopura, Boas birye, Rut biti nyabuk. “Akilmu, na kanye deipkine. Anyapnukin ning ara, moubuka kekepnulyame. Anda yuk-yuk nang gandum linmak dam bulbana kume. Tonda, asukum arye batakuka, yukak bana kume. Asukumuk unamlyame. Tonda, na pil melin kilapu ap, neika unamlume. An ka kilapu pil donmak sukumuk, binuka pil donalyame. Sik dam arye batakuka, yukak bana kume.