Rut 2:11 - Eipomek

¹¹ Rut birye nyabuk buk, Boas birye, tonap tamubuka nyabuk. “Yuk nang arye anti nyapnikba akunum bikise. Ara, an domlumba dibuknye akunum dibukba, an yamal kil ati, pia teleb kanye lon pil dolamluma ani, wini dopre yangalyam ning ara, bikise. Tonda, ani ap, an nin ap, an mutuku ap nirya, batakuka nun mutuku yalume. Winiplumce, an bikina kum ninye ap neika ansinibuka pil domunya ati, aning nirya yuk nang arye lak nyapkikba bikise.

Rut 2:11 ပူးပေါင်းရင်းမြစ်များ

2 Samuel 21:11

Awinilamukba, yuk ninye arye, ton eibikce, Raja Daud dam nyabik, “Saul el talye pil don kil bukni, elce domuk kil Rizpa, elce Saul birye deiamuk mapu tekbarye, dadeipdanin yangalamika ani, yanuka deiamik nang, sik nong dibik ati, ‘Talye maka ap, talye ning ap dibicakʼ tenen, pia kalikule,” nyabikura, Raja Daud birye kekebuk.

Mazmur 45:10

Tonda, anda mambul weiknye ulyama ati, yuk-yuk mutuku ninye deiyok nang arye, ‘Israel ninye unyak mutuku talilul ninye deiyoknye biti, nun kilmapu dobuka arebipyeba, el patalul ning ati melinamak’ tenen, sikce, anti areamkikba, kilapu ara, an dam weik unyake. Diba, ance domlum kil ara, an taruk sirik tam tikilule. El baju deice ara, pia dengna weik ning, el si emas, pia teleb ning, Ofir mutuku arye dobuka boyanamik emas ara, taplak deiamikba, ongolule.

Lukas 14:33

Adomon yupu nyapmasin nang wininyak touk dipkoprop deiyok ara ani. ‘Ara aminyan yata wiripnamsil do?’ tenen, pia moubuka tenenamlulume. Aning ati ara, yata nang do nirya, sik talyamice ning kum batakikcopura, na kum dobolyanganamake. Ara Na mapu kum uptinge.

Lukas 5:11

Akunum nyabukopura, sik mek lia bukna yo bopmek nang nirya, mekwen lilun anyuk lukuka deibikce, aning-aning nirya anyakuk batakuka Yesus melibuka biyik.

Lukas 5:23

Na kanam arye, anong malye ubuknye biti, ‘An malye ulyam ning nirya kum danipkine,’ talye nyaploptinye do? Akumopura, kanam aryuk, ‘Tikropmince banulyame,’ talye nyaploptinye do? Talye yupu deice arye aning nirya nyaploptinye bukni, ‘Apil ara dipkoprop doptu do, kum doptu do?’ tenepmanuluma ati, minopce anye kweteipnune. Ara, anggunce nati, ‘Yesus ara ninye tukwak malye unyak ning ara, kum kilina deiyoknye dipkoprop ulule, tenepnamanulum’ tenen, anye kweteipnune. Ati ayupu ton yapnune. Amalye uamuknye ati, ‘Tikmince yan yanibuka bilyame,’ nyapkine,” Yesus arye nyabuk.

Rut 1:11

Nyaprik bukni, Naomi birye tamubuka nyabuk. “Kume, akilapu dipkoprob nyapmasine, anggun mutuku tamubuka binamarume. Yata deiyok ati anggun ap, na ap, neika unamap do? Anggun ap, neika kum bitibye. Anggunce nati ara, ‘Mapu tonap deiptuba, neptiringba, doptinimnye,’ tenepmanurumce do? Kume, na mapu tonap kum deipnamsine.

Rut 2:10

Nyabukba, Rut akunum kekebukce, nong kanupdongobukce, tukwak dinmokce, Boas biti kibuk. Rut birye, tamubuka Boas biti nyabuk. “Naio, nara talye kil anya arye, ance kanye teleb arye, winibuka kum nyapnutum kile. Nara, yuk mutuku, ninye asik kil anya arye, ance anyapnilama atonun, kum nyapnutum bukni, teleb yupu nyapmanilame,” nyabuk.

Rut 2:12

Ati ara, an kanye lon pil dopnin yangalyam ning nirya ati ara, Allah el si Yahweh aryuk dekna weik ning arepnamkile. Ayam mapu ara ilil upliba, ‘Nun nin irinamsil’ tenen, el dam yakiba, kil ayam arye el mapu el pol amu tam irilamle touk, anda, ‘Allah arye kalikuka melinamnil’ tenen, amutuku yanmalame. Ara, ‘Israel ninye sik ni koprop Allah, el si Yahweh arye, melibuka kalikinamnile’ tenen, amutuku yanmalama anya arye, ‘Allah arye, dekna weik arye arenamkil’ tenen, nyapkine,” Boas birye nyabuk.

Rut 3:10

Nyabukopura, Boas birye, Rut biti nyabuk. “Akilo, ‘Nun ni koprop Allah Yahweh arye melipnamkile’ tenen, moronamkine. Ara, minop talak, an yamal kil biti, pil melibuka dolalum ning ara, teleb ulamlum bukni, wini talak ayupu nyapnilam ning ara, pia weik teleb ning nyapnilame. Tonda, dipkoprob, anda wel nang dopmanto kil ulyam bukni, bona talina kum nang babye, bona talin nang babye, ‘Kam nang dopnitinge’ tenen, sik dam kum binmalame. Aning kum winipmalam bukni, na wisi dasinye bukni, telebe nyapmanilama ati, nyapkine.

Rut 4:15

Tonda, an yamal kil Rut bira anti, weik bico tenekulule. Ance sal mapu tekbarye nang deiptumba, mitik anun arye, teleb ubuka melinamkiting bukni, akil Rut bira, pia weik arye melinamkile. Rut birye, sal mi deipmakil ning ara, ami arye wisi daminye talak, pia melinamkile. Ati, an kanye, pia deipnalyame,” nyabik.