Roma 8:22 - Eipomek22 Ura, winipmanto yupu ton nyapnusine. Ara kilapu, mi bomica ani, mi deipnamace talak deiyok uk weik dinmalyeba, ‘Se, na mi adiparyuk deiptinye’ tenen, malye kanye bobuka dolamak touk, Allah arye kwepdeiamuk ning nirya ara, ‘Se, Allah lobuka lyepsilirye, teleb kibuka deipnamsil talak ara, dan talak do?’ tenen, mi deiyok dolamaka atonun unyake. Ara, ‘Se, adiparyuk Allah arye ila tuba tonap teleb kibuka deipsutue,’ tenen unyake. အခန်းကိုကြည့်ပါ။ |
Roma 8:22
9 ပူးပေါင်းရင်းမြစ်များ
Diba, na mutuku ara, sik yuk mutuku nang arye, ninye deiyok kibuka talibikce, pia asik oldem kipdeipnik ning ara, akunum elinune. Amutuku noutam nirya ara, sik yuk mutuku nang arye, ninye deiyok kibuka talibikce, pia malye kipdeibikba, ‘Se,’ nyabuka ngaluklirye, malye nyalule. Amutuku tuku nirya ara, kata sekeltakalamak mutuku noutam, pia oldem ubukba, ninye ton amutuku ati, kum eilinyake. Ninye kum ulamak mutuku atonun ubuke.
Yata sum arye tonap wininmapya ani, amutuku noutam ara, silal lepropnamle do? Tonda, wa win sukum tikilul yo mutmuta nirya ara, yalakuka kolupnamle do? Tonda, talye kam unyak ning ap, maka nirya ara, amutuku nang nun malye wininyaba deice arye, akunum dibik. Dibikopura, nunce ayupu nyanyabe. Ayupu nyananyap ning ara, “Nun ubirye, teninamap deice arye wininamap ning ara, Allah arye kum elinamsile,” nyanyabe. Na Yeremia birye, Allah ati nyapse.
Ati, anggun min talak taleamlum mutuku nirya ara, dikdik sena atonun talye daunamle. Anggunda, amutuku talibuka ulamlum talak nirya ara, Sabat sum deice dikdik sena atonun, keting tamun kum arelamluma ati, amutuku deice ara, wa wina ap, yala kouna ap, pana ap, dola wena ap, lina ap, pia winilamlume. Ati, wenen ning, anggun deice deipsinyopura, yuk pera mutuku bobisikiba, daunamlum talak nirya ara, anggun mutuku dikdik sena atonun talye daunamle.
Atalak ara, Yesus elce wipdeiamuk nang, awekmek nang, sik 11 tuba unmek nang ati ayupu nyabuk. Anggunda mutuku sirya im sirya nirya ap, mutuku-mutuku nirya ap, na laka teleb yupu, ninye lyena yupu dobuka peterepra balamunyebuk, ‘Mutuku sirya im sirya unyak ninye nirya ayupu kekenamak’ tenen, peterelbilulume.
Winipmanto ning ara, nyapnusine. Yata kilapu do nirya, sik mi delin talak akunum uplyopura, mi deiyokuk weik arye dilamle bukni, sik mapu akunum deibikcopura, akunuma. Min uk dinmalya ning ati, tuba tamubuka tonap tenena kumce, ‘Na mi akunum deipmane’ tenen, pia kanye deibuka pin-pin asa arye unyake.
Pia minop talak, deiyok kouamuk talak ara, aning-aning nirya ap, dipna ap, lyuna ap, malye winina ap, kum uamuk. Bukni, wini talak ara, tukwak mutuku ulul ning aning-aning nirya ara, dipna ap, lyuna ap, malye winina ap noutam akuk ulule. Tukwak mutuku ulul ning nirya ara, talyauk ulule. Nong kum upnamle ninguk ulule. Ulula deiyok ara, Allah arye tukwak ulul ning nirya wenena ati, malye yupu nyabuka wibukba, talyauk ulule.
‘Nun ni Allah, kum bataksilirye, el teleb kibuka el dam boyanamsil’ tenen, patapsilyopura, unamlulume. Anggun adiparyuk, Allah el laka teleb yupu, ninye lyena yupu kekemunce, pia tuba-tuba diba tenebuka, batakana kumce, ayupu uk talibuka, pia kanye lamabuka unamlulume. Winipmunyopura, Allah arye pia teleb kipdeipsilirye, el dam boyanamsile. Tonda, Allah el laka teleb yupu, ninye lyena yupu noutamak ubuk ning nirya, peterelamsikbuk, akunum kekelamlum ning nirya ara, kanye bokoltona kum arye, ‘Dipkoprop winipnamsil’ tenen, anggun adiparyuk kintinibuka dinauk unamlulume. Ura, peterelamsikba, kekelalum yupu, Allah el laka teleb yupu ara, yuk mutuku nang babye, dolonyakce, ninye mutuk sirya nirya akunum peterepra banyake. Tonda, na Paulus arye Allah el laka teleb yupu, ninye lyena yupu ara, peterepra bana ati, apiluk pia donune.
ကြော်ငြာတွေ