Roma 8:12 - Eipomek

¹² Aning ati ara, na kayapo, nun kanye talima pum tam malye una deiyok ning aupmasil bukni, amalye winin ning arye talisiliba, malye ninguk tenebuka kum unamabe.

Roma 8:12 ပူးပေါင်းရင်းမြစ်များ

Mazmur 116:16

Diba, na ni Allah Yahweh, nara an amu tam pil donanye unune. Ara, na deiamnuk kil ara, Allah an amu tam ulamuk kil arye deiamnuke. Tonda, malye ning arye, tapu koubuka, wenenak atonun deiamnuk bukni, ance lopdeipnuluma ati, nara an piluk donamkine.

Matius 6:12

Yuk nang arye nunti, malye upsikiba, nun babye namin kinyap touk, ance ton nun malye wininyap ning ati, ‘Namin kibuka, kum kipdeipnamsilam’ tenen, moropkiyabe.

Roma 8:11

Tonda, Yesus dibukba, elti, kam bukdeibuknye Allah, El Dib Kanye arye, anggun talima pum tam usilye ninye ara, aminyan talak anggun dipmunya babye, Allah arye kam bukeipnamsile. Ara, Yesus dibukba, kam bukeibuknye, Allah arye anggun diba tenelulum ninye babye, aminyan talak kam bukeipsilyeba, kam pia unamlume. Anggun kam bukeipnamsila ara, anggun talima pum tam usilinye, Allah El Dib Kanye melipsilya deice arye, kam bukeipnamsile.

Roma 8:13

Aning ara talye ati kum nyapsine. Deiyok ara ani. Ara, nun kanye talima malye ulina deiyok ning arye talisiliba, malye winin ninguk talibuka upra babyopura, dipkoprop aminyan talak dipnamabe. Bukni, Allah El Dib Kanye melisilya deice arye, malye winin ning aning-aning nirya ati, ‘Nun like,’ tenebuka batakipyopura, kam pia unamabe. Ara malye winin ning oltakana atonun unamaba ati nyapsine.