Roma 4:7 - Eipomek

⁷ ‘Allah arye sik ninye nirya malye wininyak ning ati, namin kilirye, sik malye wininyak ning kum kibuka delisulul ninye ara, kanye deibuka pia telebuk unamake. Nunce Allah el yupu yanilamuburye, malye winilamupu bukni, Allah arye amalye winilamupu ning ati, akunum lyepsuk ninye ara, kanye deibuka, pia telebuk unamabe.

Roma 4:7 ပူးပေါင်းရင်းမြစ်များ

Mazmur 85:2

Se, Allah Yahweh, ance areamsulum mutuku ap, amutuku noutam unyak nang ati, bico tenepsulumce, lobuka lyepsulume. Ara, pera mutuku nang arye, nun apu yapu nirya ati, obuka tomobuka obikce, sik mutuku tamubuka bobinamikce, wenen aik dongamikak, ikin weik ulamik buk, ance sikti, lobuka lyeproplume.

Matius 9:2

Yesus wekuka bulbiyuk aik unmokce, peterenmok talak ara, dumbarye nang pala yo deice arye, nong nirya meiyal semuknye, binmanto kumnye, baya wibuka boyayik. Sikda, ‘Yesus arye anye kweteptue’ tenen, boyanmaka deice arye, Yesus ara, ‘Na ti dipkoprop diba tenepmaniyake,’ tenebuka kel kibukce, anye min kum kwetebuk talak arye, ameiyal semuknye biti nyabuk. “Na mio, an malye teneminye ning ap, malye winiminye ning ap, kum daneipkinirye, namin kipnamkine,” nyabuk.

Roma 4:6

Ayupu nyapmasin touk, minop talak ulamuknye Raja Daud sekamuk yupu noutamak arye, ayupu atonun ton nyapdeisuke. Daud birye, “Sik teleb pil donyaka deice arye kum bukni, Allah el kanye aniryuk, ‘Anggunda diksukum un ninye,’ nyabuka, teleb kilisulula ninye ara, kanye deibuka, pia telebuk unamabe,” nyabuk. Daud birye Mazmur yupu noutamak sekamuk yupu ara ani.