Roma 3:17 - Eipomek

¹⁷ Kanye talima namin kiplirye, yuk ninye ap, teleb ubuka neika un ning ara, sik asing akunum kupdongobukba, pia walwaluk unyake.’ (Yesaya 59:7-8)

Roma 3:17 ပူးပေါင်းရင်းမြစ်များ

Yesaya 57:21

Ati, sik malye un ninguk talibuka unyak nang ara, teleb kanye bobuka, tunim abuka kum unamake. Sikda imun kanye bobikirye, ikin asa pia unamake.” Allah arye, sik Israel yala nang ati, nyabuk.

Yesaya 59:8

Tonda, anggunda, ninye olana ap, walana ap kumce, tonok kanye bobuka teleb un ning ton, kum kel bikamluma anya arye, aning kum winilulume. Tonda, anggunce diksukum winin ning ap, ninye yupu lipsisikuka bokolin ning ton, kum kel bikamlume. Winipmanto ara, anggunda kwalin bisikuk yapnin balamlume. Anggun balamlum bisikuk, melibuka dobolyangasinyak nang babye, teleb ning ton lengdar manamake. Nabi Yesaya birye, sik Yudea tam ulamik nang ati nyabuk.

Matius 7:14

Bukni, Allah arye kanye talima teleb unyak ninye taliliba, pia kam unamakak ara, el wekelban bisik ap, buplan ap ara, pia mitik dukun bisik anya arye, ninye weike, ‘Se, abuplan wektibye’ tenen, enyak bukni, ninye pia mitik anunuk eibuka wekenamake,” Yesus arye nyabuk.

Lukas 1:79

Nun kuna ap, dipna ap noutamak unyap ninye dam yalyeura, dirina kipdeipsilirye, lyepnamsile. Nun Lyenanye dirina kipsilirye, nun ap, Allah ap, ‘Teleb kibuka neika unamak’ tenen, bisik peterenamsile. Na mi Yohanes an wininamlam ning ap, nun Lyenanye elce winipnamle ning ap ati, nyapne. Zakaria arye nyabuk.

Roma 3:16

Sik winilamice ning noutamak nirya ara, malye winililana ap, kanye imun kanye bobuka ikin kilina ap, weik ulule. Ara dan sukum do, sik banyak mutuku nirya ara aninguk wininyake.

Roma 3:18

‘Ninye mutuku-mutuku nirya arye, ‘Se, Allah arye wenepnamsil do? Yata wiripnamsil do?’ tenebuka, Allah ati ilil kum ulule. Sik nirya arye talye luparabuka malyeuk wininyake.’ (Mazmur 36:1)

Roma 5:1

Aning ati ara, diba tenebupa deice, Allah arye nun malye ning kilipsukce, lyepsuke. Lyepsukce diksukum kipdeipsuke. Nun Deiyoknye Yesus Kristus pil dopsuka deice arye, nun ap, Allah ap ansinibdeipsukba, ilil una kum diparyuk, kanye deibuka el ap kanye talima dukdongobuka neika unyabe.