Roma 13:11 - Eipomek

¹¹ Yuk ninye nirya ati, kanye talima arepsiliba, melilanauk wininamlum talak noutam nirya ara, wini talak ikin usilye ning ara, pia tenenamlume. Ara, nun deiyok koubuka diba tenyamubu talak ara, Yesus arye lyebuka dolyanamsil talak ara, mitik dam uamuk bukni, wini talak ara, pia dam unmale ati, ninye arye sik mangkau kanye bobuka, malamaka atonun ululum ninye nirya ara, buklulume.

Roma 13:11 ပူးပေါင်းရင်းမြစ်များ

Penghotbah 9:10

Ati ara, anggunce, ‘Apil doptinye. Apil talibuka piripnamne,’ tenepmunye touk, aninguk talibuka, pia pi dobuka, anggun pil donamlum talak nirya ara, mikip weik tonun pil donamlume. Deiyok ara, aminyan talak an pil dona ati, an kanye ara pia kum unamkile. Ara akunum diamik nang unyak mutuku, el si Sheol mutuku noutam ara, ninye arye teninyak ning ap, pil dona ap, kel weik bikin ning ap, mambul un ning ati, ‘Deiyok ara aniʼ tenen, moubuka tenen ning nirya ara, ton pia kum ulule. Tonda, ninye tukwak nang nirya ap, anggun ap, aminyan talak dipmunyopura, anggun babye, otam bimunyopura, pia asukumuk unamlume.

Yunus 1:6

Mek liya yo, laut mekwen akunum noutam wekmanto unmokopura, mekwen deice mek lia yo bobana deiyoknye birye, Yunus mapmokak biyuk. Asukum biyukce, nyabuk. “Mok piriripna arye, nun pirinmasil ning ara, kel bikmalamcuk, mapmalam ning ara, yata ati do? Wini talak aniryuk buklyame! Bukmince, an si erelyam Allah ati, moropminba, eipsilirye, ‘Na mapu oplyak’ tenen, bico tenepsuturye, melipsutuba, kum dipnuyap do, lyepnamsil do? Nun walwal bukni, utenenmaba ning ati, ance elti, adiparyuk moropnulyame,” nyabuk.

Matius 16:3

Tonda, inin talak im sukuplirye, dua kunuklyopura, ‘Arup ap, ambusum ning ap, mok deneplirye, cenamle,’ nyalulume. Mok cena ap, dou mana ap ati ara, mutuku urasin eipmunce kel kilulum bukni, na wininye ning ap, peterenun yupu ap, ‘Deiyok ani’ tenen, pia dipkoprop kum bikilulume.” Yesus arye nyabuk.

Lukas 21:28

Anyapmasin ning nirya deiyok koubuka winilye talak ara, anggun tikukapmunce, ‘Nun ni, nun Lyena Deiyoknye yanusil’ tenen, kanye etek-etek nyapsilyeura, erebuka dinamlulume. Ara, ‘Allah arye lyepnamsil talak akunum uple,’ tenepnamluma ati, nyapne. Yesus arye nyabuk.

1 Korintus 10:11

Nun apu yapu malye ulamikba, Allah arye, aninye wenebuk ning ara, ‘Yuk ninye nirya kel biknamak’ tenen, winipmanto ning akunum winipsile. Nun wini talak unyap ninye ara, sirya daknamle talak akunum dam yanamsila anya arye, ayupu minop talak sekamik ning deiyok ara, ‘Sik sirya talak wini upnamak ninye mankau arye, malye winibicak’ tenen, yupu sekeldongona ati, ayupu sekeiyamsike. Ati aning nirya tenepdemunce, kanye moupnamlulume, nyapsine.

1 Korintus 15:34

Anango, anggun kan-kan arye, ton ninye ara, Allah el winilul ning ap, el yupu ap ati, moubuka min kum kel bikamikce, walwal ninyeuk tuba unyake. Aning ati, anggun Korintus mutuku ninye ara, anggun kanye walwal kipsukba, talye-talye ninguk tenepnin banmalumce, malye weik ululum bukni, pia teleb ning ara, anggun adiparyuk aning nirya batakuka, tuba tamubuka kanye moubuka unamlume. Anggun malye winilulum ning nirya batakuka diksukumuk unamlume. Ayupu nyapmasina nirya ara, ‘Kekepmunyopura, se tenen, alye dakdanamak’ tenen, na Paulus arye, nyapsine.

Efesus 5:14

Yata ning do nirya, dirinarye aning deice deipliba, lak akuk ulule. Laka upliba, moubuka kel biktibirye, ‘Aning teleb ning, aning ara, malye ning’ tenen, bikinyabe. Aning ati ara, ayupu ton nyanyabe. “Amio, an diplumnye bira kam buklyame. Kristus el dirinarye, teleb kipdeipnamkile.”

Yakobus 5:8

Ara, ‘Yesus talibuka unamne do, bataknamne do?’ tenen, teniltona kum arye, teleb kanye deibuka, ding abuka unamlulume. Ara talye ati kume. Nun deiyoknye Yesus, el yanamle talak dam upmala ati nyapsine.

1 Peterus 4:7

Aning-aning nirya sirya daknamle talak akunum dam upsil ati, pia moubuka tenepmunce, teniltona kum arye, ‘Malye ubibyak’ tenen, moubuka kalikilanamlulume. Winibuka upmunyopura, Allah ati moronamlulume. Moubuka kum kalikdamunyopura, Allah ati teleb nyabuka kum moroptume.

2 Peterus 3:11

Aning-aning nirya ara, na nyapmasin touk, Allah arye malye kibuka oplobuka, kum ubuka daneipnamle. Aning ati ara, anggunda yata ninye atouk ubuka unamlulum do? Kume. Yesus tukwak tamubuka yanamla ati, ‘Allah arye wibuka tenyamuk sum ara, dan sum yanamle do?’ tenen, kintinibuka pia dinauk unamlulume.

2 Peterus 3:9

Aning ati ara, ‘Yesus tukwak mutuku tamubuka yanamle,’ nyalilamuk yupu ara, yuk nang arye, ‘Kume, Allah arye nimalya ap asa aryuk, pil donamsile,’ tenenyak atonun, anggunce aning kum tenenamlulume. Yuk nang ara, ‘Allah arye nimalyap asa pil dolule,’ tenenyak touk, pia kum tenenamlume. Aning kum bukni, Allah arye, sik nirya ati, ‘Se, aninye mutuku sirya, im sirya nirya, sik malye wininyak ning nirya, bataktingce, tamubuka diksukum bisikuk, binuka utingura, tonoknye babye, sik malye winina deice arye, nirya dibuka, kum danana kume,’ tenesulule. Utenesulula ati, tenepce adiparyuk, wenena kumce, aning-aning nirya kum kum danipmasile. Ati, elce nunti eibuka, ‘Yata wiripnamak do?’ tenen, nimalyap arye, dinauk usulule.

1 Yohanes 2:18

Na mapu ati bico tenesunune. Winira, sirya talak arye Yesus yalyopura, tukwak ubuk ning nirya kum upnamle talak ara, akunum dam upsile. “Aminyan Yesus Kristus Yanipnamle Deiyoknye yanamlarya,” nyalamikbuk, kekelamlum touk, wini talak akunuma. Akunum yanmanto upmale. Elce Kristus si yanipre yanamle touk, el mapu babye, ‘Kristus si yanipnamap’ tenen, nun dam akunum yangasinyake. Wininyaka deice arye, ‘Dipkoprop sirya talak akunum dam upmale,’ tenenyabe.

Wahyu 1:3

Abuku noutamak laka nyapsise ning nirya, nong upnamle talak akunum dam yanmasila ati, ninye kekenamakak abuku dobuka, aminyan wininamle ning ati, lakak laka nyanyak ninye ara, Allah arye melilyeba, kanye deibuka telebuk unamak. Tonda, ayupu nyanyakba, kekebikirye, ayupu nyasilye touk diba tenebuka, talibuka dobolbanamak ninye babye, Allah arye meliliba, kanye deibuka telebuk unamake. Anyapnusin yupu nirya, nong upnamsil talak dam akunum upmasila ati, na Yohanes arye nyapsine.

Wahyu 22:10

Ayupu nyapnukopura, ayupu ton dukdongobuka nyabuk. “Amenyan sirya talak upnamle ning ati, abuku noutamak seknulam yupu nirya ara, duknuna ara meme. Aning nirya wininamle talak akunum dam yanmala ati, aning kum wininamlulume. Abuku seknulam ning nirya, ‘Ninye nirya kel biknamak’ tenen, laka aryuk nyanamlyame.

Wahyu 22:12

Ayupu kekepseura, Yesus arye ayupu nyapnuke. “Anggun kanye mouplulume. Nara, minopce anggun dam yanamne. Narye tukwak ninye sik dekna ati, menenga ning ap wenen ning ap ara, akunum kintinipse. Ninye im sirya, mutuku sirya nirya ati ara, sik wininyak ning aupmalye touk, anirya dipdenirye, anggunti yupu lipsisikuka bokeipsenirye, wenepnamsene.

Wahyu 22:20

Abuku noutamak ulul yupu nyalulnye, na Yesus arye, “Na dipkoprop minopce anggun dam yanamne, nyapsine,” nyabukba, kekepse. Ati ara, na Yohanes arye, “Nun Deiyoknye Yesus, adiparyuk yalyame,” nyanune. Tonda, ‘Aning dipkoprop winipnamle’ tenen, “Amin,” nyapne.