Roma 11:13 - Eipomek

¹³ Ura, na Paulus birye anggun Roma mutuku ninye ap, Israel yala kum ninye nirya ap ati nyapsine. Allah arye nati, ‘Anye bira na yupu dobuka, Israel yala kum ninye unyak mutuku nirya, peterepra bana ati, deiyok kouna deiyoknye, Rasulnye unamle’ tenen, wipdeipnukba, apiluk talibuka donune. Yuk yala ninye nirya ati, Allah el laka teleb yupu, ninye lyena ati nyalul yupu dobuka peterelbanune. Wininuna ati ara, na yupu weika arye nyanune.

Roma 11:13 ပူးပေါင်းရင်းမြစ်များ

Rasul 13:2

Sik anang ara, ‘Allah si erepnamabe’ tenen, din dina kum arye, din si tebuka Allah siuk erelamikura, Allah El Dib Kanye arye nyabuk. “Anggunce Barnabas ap, Saulus ap, wibuka deipnululume. Na tenepse pil ‘Sik anang arye dopnamdak’ tenen, wiamsa ati, winira anggunce abitinye nang wibuka deipnululume,” nyabuk.

Rasul 22:21

Nyabuk akarye, ayupu ton nyabuk. “Nyapsibuk, nun ni kopropa Yesus tamubuka nyapnuke. ‘Dabilyame. Yahudi yala kum ninye unyak mutuku, pia karin mutuku dabinamlyame’ tenen, ‘Wibuka dopkwetepnamkine,’ nyapnuk,” Paulus arye nyabukabukce, awekmek nang ati, laka nyanmok.

Rasul 9:15

Ananias arye ayupu nirya nyabuk bukni, nun deiyoknye Yesus arye tamubuka nyabuk. “Kume. An bilyame. Anye bira narye wipdeipse. Ati, na si dobuka, yuk-yuk mutuku ninye, Yahudi yala kum ninye ap, sik deiyok nang ap, ton Israel ninye ap ati, peterelbinamla deice arye, ‘Na pil donamle’ tenen, narye anyup wipdeipse.

Galatia 2:2

Yerusalem mutuku bise ning deiyok ara, Allah arye na talima noutamak, “Winipnamlam, winipnamlam,” nyabuka pil dopnuka deice arye, bise. Tonda, ‘Ninye lyen yupu, Yesus el kai teleb yupu, Yahudi yala kum ninye unyakak nirya peterenun yupu laka nyapniba, sik Yerusalem deiyok nang ton kekepnamak’ tenen, bise. Bukni, Yerusalem mutuku deiyok nang dam binuka, na peterenun yupu laka nyalamse ning ara, ‘Amutuku talye daunyak ninye nirya eibikirye, na yupu kekepnamak’ tenen, laka kum bise. Sik deiyok nang, sik damuk binuka laka nyalamse. Tonda, min arye na pil dolamse ning ap, wini talak pil donun ning ap ara, ‘Nong kum danamle do?’ tenen, laka nyalbise.

Efesus 3:8

Na kanye ara, Allah el mapu nirya ara, ilil weik asa unyak bukni, na Paulus ara, ilil pia kumnye unune. Nara, ilil pia kumnye ununa babye, Allah el kanye deipnukce, ‘Paulus ara, Ninye Lyena Yupu, Kristus el pia teleb yupu bobuka, Yahudi yala kum ninye peterelbinamle,’ tenepnukce, wipdeipnuke. Allah arye, Kristus deice kintinipdeipsukce, el ap kanye dukdongobuka upyopura, arenamsil ning nirya ara, nukmanto kum ati, nunce kum biktibye.

1 Timotius 2:7

Allah arye, ‘Ninye mutuku-mutuku nirya noutamak, kili sal weik arye lyeptinye’ tenen, patalula anya arye, ‘Paulus arye ninye lyena ati lak teleb yupu deiyok kounanye, Rasulnye kiplirye, peterepra binamle’ tenen ati, wipdeipnuke. Tonda, ‘Yahudi yala kum ninye babye, Allah el dipkoprop yupu kekebuka, dib tenepnamak’ tenen, peterena deiyoknye kipdeipnukura, unune. Ayupu ara, tilila kum nyapne. Dipkoprop nyapsine.