Ratapan 5:6 - Eipomek

⁶ Ikin kanye bobuka unyaba ati, nun din ning ara, mitik tonun upsile. Ati, nunda Mesir mutuku nang dam bibirye, din ning roti kwaning bepdebuka dinyabe. Aning atonun, Asyur mutuku nang dam babye bibirye, bepdebuka morobuka dinyabe.

Ratapan 5:6 ပူးပေါင်းရင်းမြစ်များ

Kejadian 24:2

Tonok sum ara, Abraham el aik pil don nang, sik deiyoknye ap, tonda anye birye, Abraham taleamuk ning nirya, kalikuka melina deiyoknye elti, Abraham arye nyabuk. “Kao, na abukmanak, an taruk na keil amu tam deipnilyame. Ara, weik mambul nyalin yupu nyapnunilam ati, aning nyapkine.

2 Raja-Raja 10:15

Yehu birye amutuku batakuka, bisik banmok. Abanmok talak bisik noutam ara, tonoknye ton, ninye si Rekhab, elce deiamuk mi Yonadab birye, ‘Yehu dilbinamne,’ tenebukce, abisik noutamuk banmokbuk, bisik noutam arye epdarik. Winipdikopura, Yehu birye Yonadab biti, “Telebe,” nyabukce, ayupu ton nyabuk. “Nunda neik kanye tonok bopnanam do, kum do? Narye anti, ‘Anye ap teleb ubuka neika unamne, pia kum bataknamne,’ tenepkinye touk, an babye nati, atonun tenepnamnilam do, kum do?” nyabukura, Yonadab birye, tamubuka Yehu biti nyabuk. “Diba, ance tenepmalam touk, na babye atenepman ati, nun bitinye neik kanye tonok bonyame,” nyabuk. Nyabuk ati, Yehu birye, “Ati ara, nun taruk talepdanuname,” nyabukba, Yonadab birye, el taruk Yehu arebuk talak ara, sik taruk talipdarik. Tonda, Yehu birye Yonadab biti yukubukce, Yonadab elce, Yehu el kereta kuda welebukce, sik neika birik.

Yesaya 57:9

Tonda, anggunce, amutuku isa el si ara, Molok, teleb minyak mek ap, tonda, ‘Nun nong deice likibyeba, tong teleb nyapnamsil’ tenen, tong teleb nyan mek ap, weika arye bobimunce, binuka sik nong deice likdeiplumce Molok si eremunce, talye yolalulume. Tonda, anggunce, ‘Yata isa ton si ereptipyeba, melipsutu do?’ tenen, ninye dopdeiplumba, pia pera mutuku unyak nang dam ati, yupu nyalbalamikce, morolamik. Aninguk kum bukni, sik, ‘Min diamik nang bobanyakak, Sheol mutuku, yuk isa ton aunyak do? Sikce ton melipsiting do?’ tenen, morolamlumba, asing keten nang arye ton dililamik.

Yeremia 2:18

‘Mesir mutuku nang arye melibuka lyepsiting’ tenen, ‘Mesir mutuku binamabe,’ tenepluma ara, nong teleb ning ton dopropnamluma ati binamlum do? Tonda, ‘Nil mek kwebuka dinamap’ tenen, binamlum do? Tonda aning atonun, ‘Asyur mutuku ninye sik dam bitibirye, moroptibyeba, telebe tenepsitingopura, sik Asyur mutuku nang arye melibuka lyepsiting’ tenen, anggun amutuku binamlum do? Asyur mutuku noutamak balamle mek, ‘Efrat mek kwebuka diptibye’ tenen, sik mutuku binamlum do? Mesir mutuku ap, Asyur mutuku ap, binuka moroptuma babye, ara nong teleb ning ton kum dopropnamluma ati nyapsine. Amutuku ninye arye, kum melipsitinge.

Yeremia 2:36

Malye uk ulalum bukni, anggun adiparyuk, ‘Kume, nun malye ulamupu ning nirya ara, dipkoprob bataknamabe,’ nyalulum bukni, talye si bam bol deice aryuk ayupu nyaltakalulume. Kanam aryuk tilila yupu nyaltakalulume. Ati ara, anggun minop talak Asyur mutuku nang arye, anggun Israel yala ninye olamsik touk, aminyan talak ara, sik Mesir mutuku unyak ninye arye, anggun wenena ati, malye kibuka opsikirye, opnamsiyake.

Yeremia 50:15

Tonda, Babel mutuku noutam antanap dongobuka domik asik noutam aupnamlye bukni, anyasik dana-dana tam nirya ara, weik yupu deice arye ngalukmunce, yupu nyanamlume. Ara, “Anggun nirya yanuka dilulume! Babel mutuku nang nirya, sik ona ati yanmakirye, Babel mutuku noutam nirya ara, akunum yanuka opnin yanganmabe! Winibipyopura, sik Babel mutuku tam nang nirya ara, pia mitang upliba, ‘Yata wiriptibye do, kuma?’ tenen, ilil upmalba, akunum batakmaka ati, nunce anggun mutuku alubuka dopropmabe! Sik mutuku dana-dana nirya, cang weik keil poka deibuka domik ning nirya ara, akunum dakuka batakmapce, sik asik nirya akunum uluplopmabe,” nyabuka weik yupu deice arye nyanamlume. Winipmunce, ayupu nyanamluma deiyok ara, ani. Ara, na Allah Yahweh arye, “Kume, anggun Babel mutuku nang nirya arye, minop talak yuk mutuku nang ati, yu arye malye wamik touk, na babye, sik dengna ati, aning atonun, narye sikti, akunum winipmance, kwang dakmane,” nyapsi.

Ratapan 4:17

Imun kanye bobuka ulamupu talak ara, nun tuba kam ulamupu Israel yala nang arye, ‘Yuk mutuku nang ati, nun melipnamsiak do?’ tenen, tuba-tuba kalikuka dinauk ulamupubuk, nun asinguk dilamsuke. Bukni, talye atibuk kalikuka dilamupu. Deiyok ara, ‘Sik melibuka lyepropnamsik ca,’ tenelamupu mutuku nang nirya ara, nunti kum yanuka melilamsike. Yuk-yuk mutuku nang, tonok nang babye, “Tonda yuk nang arye, nunti yanuka melipnamsiak ca,” nyanyap bukni, sikce ton kum yanuka melilamsike.

Yehezkiel 17:18

Kume, Yudea tam taleamuk deiyoknye bira, bai sakuka, bendopturye, kum lyepdatue! Aning deiyok ara, elce, “Na si deice nyapkine,” nyapdeiamuk yupu nirya, tonda, “Aning ara, winipnaname, winipnemnyopura, narye an yupu kekenamne,” nyabuka, Raja Babel biti, nyalin yupu deice arye nyapdeiamuk yupu nirya ara, Yudea tam deiyoknye birye, akunum yanibuka ati, el bidamnye, nong kum lyepdatue. Babel mutuku noutam dadipnamle!

Hosea 12:1

Allah Yahweh arye, na nabi Hosea biti, yanuka nyapnuk. ‘Sik Israel yala nang nirya arye, malye yupu nyana ap, talye yupu nyaltakna ap, ninye walana ap, olana ap, pia weik tonun winipdanin banyake. Winibika ati, na Allah ara, Pia Teleb Lek Deiyoknye unune. Tonda narye, ‘Winipnamneʼ nyabuka, nyalin yupu deice arye nyanye touk, aninguk dipkoprob unune. Ati, sik Yehuda yala nang ara, na lik ati, na dam ton, tuba kum yanganamake.

Hosea 5:13

Winipmanto ara, uk dilamle ninye ap, suse dilamle ninye ap, sik nong bol malye upliba, ‘Yata kwetenanye birye, melipsutu do?’ tenen, el balamaka atonun, sik Efraim tam ninye ap, Yehuda tam ninye arye, sik malye wininyak ning moubuka tenebikirye, ‘Se, nun malye winina ati, Allah arye wenen ning arepnusil’ tenen, kel bikikirye, adiparyuk Asyur mutuku morolbinamake. Bikirye, Asyur mutuku ninye deiyoknye biti, ‘Se na nio, yuk pera mutuku nang arye olyanamsiyaka anya arye, ance an mutuku yin talin nang wibuka deiptumba, lyepnamsiyake,’ nyabuka moropnamake.” “Nyabuka moronamak bukni, na Allah arye dipkoprob nyapsine. Asyur mutuku yin talin nang ap, sik ninye deiyoknye ap, moroptum babye, anang arye kum melibuka lyepdsitinge. Tonda uk ap, suse ap dilamlye ninye ati, kwetena walwal nang arye, moubuka kum kwetepmanto ulamak touk, Asyur mutuku ninye arye anggunti, pia teleb ubuka kum melipsitinge.

Hosea 7:11

Israel mutuku noutam unyak nang bukni, Efraim birye deiamukba, dadeipdanin yangalamik nang, sik dabu tam (arah utara) unyak Israel yala nang nirya arye, ‘Yata mutuku nang arye melipsiting do?’ tenen, otam binapna, atam yanamana kinyak nang unyake. Ara, mitik maka el si merpati maka arye, ‘Dan binuyap do?’ tenen, kanye tenina kumce, talye lukparabuka lakuka, otam lakuka binapna, atam lakuka yanamana kilamle touk, sik Israel nang babye atonun kiltonyake. Wininyaka ara, walwal arye unyake. Dipkoprob aning atouk, ‘Yu nang arye yanuka opsicakʼ tenen, anggunce Mesir mutuku nang ati, ‘Se nun kayapu, anggunda yanuka melipsululume,’ nyabuka morolamike. Atonun ton, Asyur mutuku unyak nang ati, binuka ‘Se nun kayapu, anggunda yanuka melipsululume,’ nyabuka morolamik. Winibuka morolamik bukni, sik yuk mutuku nang arye, kum melilamike.

Hosea 9:3

Se, anggunda, Israel mutuku noutam ululum nango. Anggun ni Allah Yahweh arye, ‘Pia teleb mutuku arepsiniba, asukumuk unamlume,’ nyabuka, kintinipsukce areamsuk mutuku noutam ara, pia asukumuk kum unamlume. Efraim yala nang arye deiamikba, dadeipdanin yangalamikce, delinyak nang ara, amutuku kum unamlum bukni, anggunda adiparyuk tamubuka, Mesir mutuku uk binuka unamlume. Tonda, anggun yala nang bukni, yuk nang bokuka, Asyur mutuku bobisikiba, amutuku noutam arye, malye kwaning dinamlume. Ara, na Allah arye, ‘Na mapu ara, adin ning pia kum dinamake,’ nyapdeiamsisirye, ‘Aning dina ara, meme. Aning dipmunyopura, na dam ton kum yanamlume,’ nyapdeiamsise ninguk, talye mangkau asa dobuka dilulume.