Sik ayin talin nang nirya ara, Allah ati, dip tenelamik nang ulamika ati, sikce, ‘Allah ati morobiba, dipkoprob Allah arye melipnamsilʼ tenen, morobikura, Allah arye, sik anang morolamik ning ara, kekebukce sik tenebuka, morolamik touk kibuka melibuk. Winibuk deice arye, sik awinilye yala nang arye, Hagri yala nang ap, sik tam kiamik yala nang ap, sik nirya ara, obuka sirya dakik.
Ratapan 3:24 - Eipomek24 Aning ati ara, na kanye noutam ning ara, utenebuka nyanune, “Allah Yahweh, elda na ni koproba Allah unulula ati, yuk ning ton kum patanulule. ‘Elcuk, pia melinamnilarya,’ tenenuna ati, el deiceuk na kanye talima nirya ara deipnamne,” nyanune. အခန်းကိုကြည့်ပါ။ |
Ratapan 3:24
25 ပူးပေါင်းရင်းမြစ်များ
Anggun ap, na ap, neika uk eipnamabe. Na teninun unun ning ara, laka nyaptiniba, Allah kekepnilyopura, Allah el yu upliba, nati adiparyuk opnamnil do, kum do? Na walwal bukni, na kanye ara, elce opnamnil kum danya. Ati ara, ‘Elce lyepnetue,’ tuba kum tenenun bukni, opnilya babye, ‘Na teninye ning ara, el dam laka nyaptinyeʼ tenen, patapnile. Allah el dam, “Nara malye kum wininune,” nyabuka, laka nyanamne.
Se, sik Israel ninye nirya babye, Allah el damuk yanganamlume. ‘Nun ni Allah Yahweh arye, dan talak yanuka melibuka lyepropnamsilam do?’ tenen, anggun ni koprop Allah Yahweh ati, pia moubuka dinauk unamlulume. Winilamunyeura, Allah arye bico tenepsilirye, tuba-tuba melibuka lyelonamsile. Allah arye nun tukwak ninye nirya ati, pia bico tenesulule anya arye, pia kum bataknamsile. Allah arye, ‘Na tenena ninye ati, melibuka lyelonamne’ tenen, tuba-tuba kintinilisulule. Tonda, Allah elda pia mikip weiknye ulula ati, pia ikin ning noutamak utibya babye, melibuka lyesulule. Elda ikin kum uptue.
‘Yatanye birye yanuka melipnamnil do?’ tenen, na diksukumuk wininirye, anti pia dinauk unune. Aning nirya ara, patapniliba, pia dinauk unun bukni, na melipmantonye ton, na dam pia kum ulule. ‘Yu nang arye opnikca’ tenen, na duknupmanto babye, pia kum ulule. Tonda, na tam nang babye, yuk mutuku daunyak nang babye, nati, bico tenepnikirye, kum melinamsile.
Ati ara, Allah arye nunti, ‘Pia ‘Naʼ tenen, nang ara, ani. ‘Anggun ti bico tenesunune,’ nyabuka, wibuka deipsulumba, nunce anti, dobolbakinyap nang nirya arye, Allah Yahweh ati, nun kanye talima, el deiceuk delinamabe. Allah Yahweh arye, ‘Aning ara, wininamlume. Aning ara, pia kum wininamlume,’ nyalisulul yupu, moubuka kekebikirye, aninguk talibuka wininyak nang nirya ara, Allah arye, pia kalekuka talisulule.
Nun mikip deice arye kum lyepdatibye bukni, dipkoproba Allah ati, ilil tenebikirye, ‘Elda weik mambule. El amu tamuk unamabe’ tenen, el tibuk talibuka unyak ninye ara, Allah Yahweh elce elilulce, melibuka lyelolule. Tonda, anggun aninye ara, ‘Allah Yahweh arye, kum bataknamsile. Elda, bico tenesilirye, pia melibuka lyelonamsil’ tenen, el tibuk kintinibuka dinauk unyak ninye ara, Allah arye, pia melibuka kalikilule.
Na ikin unilye talak ara, engena deice arye tuba tenenune. Se, na ni Allah, na ap, ninye weik ap, an si eren aik dam bana ati, narye deiyok koubuka, ninye dobuka balamse. An si eren aik dam balamupu talak ara, na ap, aninye nirya ap, pin-pin kanye bobuka, mot deice arye anti, ‘Telebe,’ nyabuka, balamupu. Wini talak ara, ikin weik unulul bukni, minop talak ulamse ning ara, tuba tenenune.
Wini talak ara, na kanye talima, uk diniliba, ‘Yata ning ati unulul do?’ tenen, teniltonune. Bukni, narye na bidamang ati, utenelanune. Yata deiyok ati, na teniltonauk unamne do? Tonda, yata deiyok ati, kanye talima teniltonauk unamne do? Ati nara, Allah ninye lyena deiyoknye ati, diba tenepnirye moronamne. Moropneba lyepnilyopura, narye na ni koproba Allah, an siuk, pia erenamne. Ati ara, Allah antibuk, diba tenenauk unamne. Daud birye nyabuk.
Ninye tukwak nang arye kum bukni, ikin upmanilibuk na ni Allah arye, lyepnilyopura, teleb kibuka erepdeipniliba, yuk nang arye, nati, si erebuka kininyake. Allah ara, elcuk melibuka kalikinulule. Yata ikin ning do nirya, el dam kum yanuka opnutua ati, el dam ara, na telebuk unune. Elda pia mikip weik keil aik atonun, tonda weik mutuku kon keil atonunye ulule.
Na nong ap, kanye tenen ning ap nirya ara, mitanguk upra balirye, aminyan talak kum uamnilya babye, na ni Allah ancuk, na talima pum tam mikip kilinilyame. Diba na ni Allah, ancuk kalikuka dinememce, wini talak arye doryanamle talak nirya, pia ati lyelonamnilame. Ati ara, yuk ning kum bukni, an tonok pataniliba, unune.
Aning ara, talye ati kum nyapne. Allah anda aning-aning deice tam talibuka weiknye umince, kiting dirina ulamle touk, an dirina ara, nun deice deilisilyame. Tonda, ance im deice unyak yin talin malaikat, sik deiyoknye ulyame. Tonda, Allah anda erebuka umince, nunti kaliksiminyeba, nun mal olan nang, nun dam kum yanganyake. An amu tam ubyeba melisilyame. Allah Yahweh arye, tuba-tuba aning-aning yamubuka aresiminyeba, yuk mutuku nang arye, nunti si eresinyake. Yata nang do nirya, malye winina kumce, diksukumuk wininyak nang ati, nun ni Allah Yahweh ance, wininyak nang ati, aning-aning nirya yamubuka aresilyame. Allah ancuk nunti bico tenepsimince, pia weik teleb ning tonok babye, ton kum batakasilyame. Aning nirya, yamubuka aresilyame.
Allah el si Yahweh arye, aning-aning nirya kwepdeibuka Deirina Deiyoknye ulule. Allah arye sik Israel yala nang nirya ati, nyabuk. “Yakub birye deibukba, deipdanin balamik nang nirya ara, ‘Naʼ tenen, nanguk unamake. Na mapu koproba unamak tenen, wipdeiamse,” nyabuk. Allah Yahweh, el si ara, “Im deice unyak yin talin malaikat nirya ara, sik deiyoknye ulule,” nyabuka nyanyabe.
Bukni, nun Israel nang arye, si erenyap Allah ara, atalye ning atonun pia kum ulule. Allah Yahweh ara, pia dipkopropnye ulula ati, elce aning-aning nirya kwepdeiamukba aulule. Allah arye nun Israel nang ati, ‘Na mapu koproba unamlume,’ nyalin yupu deice arye nyalamsuke. Elda, Allah Yahweh, im deice unyak yin talin malaikat nirya, sik deiyoknye ulule. Elcuk, nun Israel yala nang nirya ati, akunum mince wibuka deiamsuke.
Sik malye-malye wininyak ninye nirya ara, wininamak bukni, na nabi Mika binyuk ara, aning kum wininamne. Nun ni koproba Allah Yahweh, el tibuk, dib tenenuna ati, ‘Elcuk melibuka lyelonamnile’ tenen, el tibuk dib tenebuka kintinip deibuka dinamne. Winipnirye, Allahuk pia moronamne. Moropnyopura, kekeplirye, lyelonamnile.
Aning atonun, nabi Yesaya el sekiamuk buku noutamak arye, ayupu nyabuk. ‘Yesaya birye nyabuk, “Nun apu kopropa, Isai birye deibukba, dadeipdanin yangalamik ninye deice arye deibikiba, yo kwapu youlamle touk, upnamlanye birye, anggun kan-kan yanuka tiknamle. Nun dam yanuka tiklyopura, ninye im sirya, mutuku sirya nirya ati, weik Ninye Deiyoknye kiplirye, sik nirya talinamle. Winipliba, sik Yahudi yala kum ninye arye, ‘Elce nun lyenamsile’ tenen, kintinibuka dinauk unamake,” nyabuk.’ (Yesaya 11:10)
Narye yuk yala Israel ninye nirya ati, sik wa win tuku ap, yuk ayala-ayala ning nirya ap, bokuka arepnamne. Bukni, sik Lewi yala nang ati ara, aning-aning nirya bokuka, kum arenamne. Na Allah Yahweh aniryuk, sik Lewi yala nang ati, kalikuka melinamne. Sik patan ning nirya ara, na deice aryuk dolonamake. Ara, na Allah arye, sik Lewi yala nang ati, ‘Naryuk anggun patan ning kintinibuka arenamsine,’ nyabuka, nyalilamse atonun wininamake.
Yesus pil dopsukce, melisilya deice arye, Allah diba tenelulume. Yesus dibukura, Allah arye kam bukeibukce, weik dirina ap, mambul una ap deice arye, ereibuka ati, anggunce Allah ati diba teneplulume. Diba teneplumce, ‘Allah arye wininamsile’ tenen, kintinibuka dinauk ululum ning ap, ‘Allah elcuk melinamsile,’ tenena ap ara, anggun kanye talima Allah el deiceuk deililulume.
Aning nirya winipmekba, Daud el melina nang, sik yin talin nang ara, weik kanye ikin ubukce, ‘Se, nun kilapu ap, nun mapu kilmapu nirya ap, Amalek nang arye, akunum dobuka bobinmake. Winipmasiaka ati ara, nun deiyoknye Daud biti, keil dobuka, opnuyap do?’ teninmek. Utenebikba, Daud birye, ‘Se, yata wiriptinye do?’ tenen, tenipdeyukce, ikin kanye bobuk. Bukni, Allah el si Yahweh arye talima pum tam mikip arebuk deice arye, Daud el talima melibukba, Daud el mikip tuba ubuk.
ကြော်ငြာတွေ