Rasul 9:41 - Eipomek

⁴¹ Bukukura, Peterus arye akil taruk talibuka tikdeibukce, min arye dib tenebik nang ap, ayouwak kilapu ap, yukubukba yayikura, “Akunuma kam bukuka tekmala dipdelulume,” nyabuk.

Rasul 9:41 ပူးပေါင်းရင်းမြစ်များ

Kejadian 45:26

Biyikce elti, nyabik. “Yusup bira, tuba kam ulule. Aninguk kum bukni, Mesir mutuku nirya, weik deiyoknye kibuka talibuke,” nyabik. Nyabikopura, Yakub bira lukdaukce, yupu kum nyapmanto ubuk. Elda sik nyanmek yupu, diba kum tenebuk.

1 Raja-Raja 17:23

Winibukopura, Elia ami alip aik arye bokolukuka yayukce, el lin biti, tuba tamubuka arebuk. Arebukce nyabuk, “Akilo ami ara dipmo bukni, wini talak ara tuba tamubuka kam bukle,” nyabuk.

2 Raja-Raja 6:7

Kapak ya mekwen deice yanuka laka kibukba, Elisa birye anye biti, “Doproplyame,” nyabukura, dobuk.

Ayub 29:13

Sik imun kanye uk bobuka, ikin ulamik nang arye, nati kibuka si erelamnikce, Allah arye, ‘Anye bira, teleb kilinamle!’ nyabuka, teleb yupu nyalamnik. Tonda, narye youwak kilapu, sik patan ning ati, melibuka arelamsiba, Sikda kanye lon mot ton nyalamikce, pin-pin kanye bobuka ulamik.

Mazmur 146:9

Tonda, Allah Yahweh arye, sik mutuku kum unyak bukni, yuk mutuku noutam, ninye asik nang unyak ninye ati, moubuka dilirye, kalikilule. Aning dem kum bukni, Allah arye kwaknamne mapu ap, youwak kilapu ap nirya ati, tuba-tuba melibuka kalikilulce, sik patan ning ati, talye arelule. Bukni, sik pia malye-malye weik wininyak nang arye, ‘Winipnamabe,’ tenenyak ning ara, Allah arye, yupu sekelulba, nong kum ulule.

Markus 1:31

Ati, Yesus arye akil mapmok sukum arye, akil el taruk talibuka tikdeibuk. Tikdeibukce, akil yun dilamuka ara, adiparyuk kum dayukba, akil arye anang sik din aribuk.

Lukas 7:12

Sik banmeka ani, anyasik dolamik asik dana-dana poka antanabuka denepdongamikce, wiyamik buplan dam banmek talak ara, youwak kil tonok, el mi tonok deiamuk bukni, dipmok ati, ‘Weipnuyap’ tenen, akil ap, amutuku ninye weik ap, kitibuka dobuka bobayikak, Yesus arye eibuk.

Lukas 7:15

Nyabukopura, adiparyuk adipmok mi ara, baya yo pum arye bukukabukce, yupu nyanmok. Winibukura, Yesus arye ami tamubuka dobukce, el lin bak aribuk.

Rasul 20:12

Asakmoknye sik aik bobiyikce, ‘Se, anye bira, akunum kam bukmale ati, aning ara, telebuka,’ tenebikce kanye deibik.

Rasul 3:7

Nyabuk akarye, anye biti el sirik taruk talipdakuka, tikilinmok talak ara, adiparyuk anye bira el yan ap, el yan kwamul ap, mikip kibuk.

Rasul 6:1

Ura, Yesus yupu kekebuka dib tenebuka dobolbalamik nang weik upnin balamik talak arye, sik anang noutamak arye sik nirya Yahudi yala nang bukni, Yunani yupu nyalamik nang arye, Ibrani yupu nyalamik nang ati, malye kanye bolamikce derelamik. Deiyok ara, youwak kilapu melin ati bokuka asum-asum nirya arilamik ning ati ara nyalamik. “Ibrani tam youwak kilapu arenyak bukni, nun Yunani tam youwak kilapu ton, kum arisinyakce batakaldongosinyake,” nyalamikce dereldalamik.

Rasul 9:13

Yesus arye nyabukura, Ananias arye tamubuka nyabuk. “Anti dib tenelamkik nang Yerusalem mutuku unyak nang ati, anye birye ikin ning weik deililamuk. Tonda, el winilamuk ning nirya sikce nyabikura, kekepse.

Rasul 9:32

Peterus arye amutuku-amutuku nirya balamuka ani, Yesus diba tenebuka Lida mutuku ulamik nang dam uruna ati biyuk.

1 Timotius 5:3

Sik dipkoprop youwak kilapu unyakbuk, yuk nang nirya akunum batakamikibuk, sik yuk unyak youwak kilapu ara, kibuka melinalyame. Timotius, ance yuk ninye nirya ati, ayupu peterenalyame.

1 Timotius 5:5

Yata youwak kilapu do nirya, el melin nang ap, el mapu ap, dipkoprop kum unyakbuk, aning-aning pataplyopura, utenelule. ‘Kume, Allah eluk melinamsil’ tenen, dib tenebikirye, keting noutam babye, lukunyan babye, “Na ni Allah melipnilyame,” nyabuka, Allah pia moronyake. Kum batakanyake.