Rasul 9:39 - Eipomek

³⁹ Anang arye Peterus dobuka yarikopura, Dorkas deipmek aik, alip aik deibik. Alip aik noutamak, Peterus binuka tikukbuk, youwak kilapu weik arye el balye tam nirya tikuka antapdongobik akarya nyabik. Tikra antapdongobikce, Peterus ati, “Akain ara, Dorkas arye el kam ulamuk talak nun neika ulamubu talak arye wiyamsuk baju adipdelyame,” nyabuka engenmekce, laka nyanmek.

Rasul 9:39 ပူးပေါင်းရင်းမြစ်များ

2 Samuel 1:24

“Se Israel mutuku kilmapu nirya ara, Saul biti engepnamalume. Deiyok ara, Saul birye anggunti, kain urasin pia teleb ning ap, bi ning ap, dekukapsukce, kitililamak atonun winyamsuke. Tonda, anggun baju deice dekna weik ning, emas kat ning taplakalilamaka atonun arelamsuknye, Saul atia. Winilamuk bukni, akunum dibuka ati, engenamlulume.” Daud birye nyabuka, mot deice arye sebuke.

Amsal 10:7

Ninye ton teleb ubuka ululnye diplyopura, aminyan talak unamak ninye arye, elti, tenebikirye, ‘Se, anye bira dipkoprob pia telebuk ulamuka ati ara, nun kanye deibabe,’ tenenamake. Bukni, malye un ninguk talibuka upre banyak nang dibicopura, aminyan talak unamak ninye arye, sik si ara, luba kinamake. Amalye unyak ninye ara, sik si nirya kum upra banamle.

Penghotbah 9:10

Ati ara, anggunce, ‘Apil doptinye. Apil talibuka piripnamne,’ tenepmunye touk, aninguk talibuka, pia pi dobuka, anggun pil donamlum talak nirya ara, mikip weik tonun pil donamlume. Deiyok ara, aminyan talak an pil dona ati, an kanye ara pia kum unamkile. Ara akunum diamik nang unyak mutuku, el si Sheol mutuku noutam ara, ninye arye teninyak ning ap, pil dona ap, kel weik bikin ning ap, mambul un ning ati, ‘Deiyok ara aniʼ tenen, moubuka tenen ning nirya ara, ton pia kum ulule. Tonda, ninye tukwak nang nirya ap, anggun ap, aminyan talak dipmunyopura, anggun babye, otam bimunyopura, pia asukumuk unamlume.

Matius 17:17

Nyabukura, Yesus ayupu kekebukce, atikmek nang nirya ati lik ubukba, ayupu nyabuk. “Anggun atalak umunye ninye ara, dib kum tenelulum ninye anya arye, pia malye winilulume. Na lik ati, ‘Yata barye talak arye anggun dam tuba unamne do?’ Tonda, ‘Teleb unamak do?’ tenen, batakna kumce, yata barye talak arye pia dinamsin do? Ati, isa talyamuk mi ara, dobuka na dam boyalulume,” Yesus arye nyabuk.

Matius 26:11

Talya bona utotoa talina kum ninye ara anggun ap neika pia unamluma anya arye, anggunce teneplum talakuk aninye meliptume. Bukni, nara anggun ap tuba neika pia kum unamabe.

Markus 14:8

Akil arye ‘E, Yesus si erebuka kipnun’ tenen, el pil dopmanto ning, pil doptu ning ara, akunum winipmanile. El winipmanil ning ara, laka nyapnusine. Aminyan na opniceura, dipnamne talak ara, na nong weipnamniyak ati, akil arye na nong kintinipdeipmanile.

Lukas 24:44

Yesus amekin bal dibukopura, ayupu nyabuk. “Na ap, anggun neika ulamuburye, nyalamsise yupu ara, tonap nyapnusine. Yata yupu do nirya, Musa sekamuk yupu ap, Allah yupu laka nyalamik nang, nabi-nabi sekamik yupu ap, Mazmur noutamak sekamik yupu ara, nati sekeiyamnik touk dipkoprop upnamle,” nyabuk.

Yohanes 12:8

Talye bona utotowa talina kum ninye ara, doyanamle talak noutamak nirya, anggun ap ansinibuka unamlume. Bukni, na ap, anggun ap, neika pia kum unamabe. Nara, amutuku tia talakuk unamne,” Yesus arye nyabuk.

Yohanes 17:12

Ura, na ap, na mapu ap, tukwak mutuku noutamak neika ulamubu talak noutamak nirya ara, weik mambul si arepnuluma deice arye, ‘Malye ning arye, na mapu malye uplyak’ tenen, narye na mapu ati kaliklamsiba, tuba teleb unyake. Sik anang nirya ara, tuba telebuk unyake. Tonoknye babye kume kum danike. Bukni, minop ulamik nabi nang arye, Allah yupu sekamik noutamak nyalye touk, ‘Nong upnamle’ tenen, tonoknye bira, na ap neika balamnumunye bukni, malye ubuka deice arye, el nong kum danamle. Bukni, an kele, minop talak tenyamlum touk, anye bira kum danamle.

Rasul 1:13

Yerusalem asik dolamikak sik ulamik aikuk tamubuka akunum biyikura, siktia unmek aik anyuk, alip aik welebik. Atalak unmek nang si ara, ani. Peterus ap, Yohanes ap, Yakobus ap, Anderias ap, Pilipus ap, Tomas ap, Bartolomeus ap, Matius ap, tonda, Alpeus el mi Yudas ap, Simon Patriot nyalamiknye ap, Yakobus el mi Yudas ap, anang nirya unmek.

Rasul 20:35

Na pil dolamsa ap, na winilamse ning ap, deice arye peterelamsise. Pia teleb ning ara, anyuk. Na ikin pil dolamse touk, nun ato pil dobibya deice arye, bona utotoa talina kum ninye, ap, mitang ninye ap, ati melinamabe. Aning ababye peterelamsise. Nun tukak unamap talak nirya ara, Yesus el nyapsuk yupu ara, pia dib tenenamabe. Ara, ‘Sikce nun arepsiceura, mitik-mitik kanye delinyap, bukni, nunce yuk nang ati aribibyopura, pia weik kanye delisulule. Pia teleb ning ara, yuk nang arena ati, mitik malye ning ara, nun dolona atia.’ Utenenauk unamlulume.” Paulus arye, Efesus mutuku diba tenebik nang, sik deiyok nang yukubukura, Miletus mutuku yayikura, ayupu nirya laka nyabuk.

Rasul 6:1

Ura, Yesus yupu kekebuka dib tenebuka dobolbalamik nang weik upnin balamik talak arye, sik anang noutamak arye sik nirya Yahudi yala nang bukni, Yunani yupu nyalamik nang arye, Ibrani yupu nyalamik nang ati, malye kanye bolamikce derelamik. Deiyok ara, youwak kilapu melin ati bokuka asum-asum nirya arilamik ning ati ara nyalamik. “Ibrani tam youwak kilapu arenyak bukni, nun Yunani tam youwak kilapu ton, kum arisinyakce batakaldongosinyake,” nyalamikce dereldalamik.

Rasul 8:2

Bukni, sik bayik akarye batakik nang, Allah nyalilamuk yupu pia talibuka diksukumuk ulamik nang arye, Stefanus nong dobuka weibikak arye, sikce elti, pia bico ubukura, mambul kanye bobuka engelamik.

Rasul 9:41

Bukukura, Peterus arye akil taruk talibuka tikdeibukce, min arye dib tenebik nang ap, ayouwak kilapu ap, yukubukba yayikura, “Akunuma kam bukuka tekmala dipdelulume,” nyabuk.

2 Korintus 8:12

Ara, nun kanye talima noutamak ara, ‘Se, bona utoto talina kum nang melina ati, aning-aning bulubuka areptibye’ tenen, patana weik awabsilyopura, Allah el kanye ara, ‘Kume, anggunce auplye ning talibuka ulamak touk, arena ababye telebe. Bona weik talinyak nang arye, weik arye arenamake. Aning atouk mitika aryuk talinyak nang ara, mitika aryuk arenamake. Sik dipkoprop kum uplye ning kum arepmanto anya arye, aning ara, kum nukuka tenipnune,’ tenesulule. Ati, ‘Anggunda auplye ning taliplum atonun, bona utotowa talina kum ninye melina ati, bokuka arepnamlum’ tenen, nyapmasine.

Efesus 4:28

Min arye, ubula dolamik nang ara, wini talak tuba tamubuka tonap, ubula kum donamake. Aning kum bukni, ‘Sik bona utotowa talina kum ninye ati na ning noutamak arye bokuka, sikti, melibuka arepnamne’ tenen, sik bidamnye taruk deice arye, yuk ninye melipmanto pil, teleb pil adiparyuk donamake.

1 Tesalonika 1:3

Nun ni Allah moronyap talak nirya ara, anggun ulamlum ning nirya tuba tenenyabe. Tenenyap ning ara, ani. Ara, anggun diba tenelulum deice arye pil dolulum ning ap, yuk nang ati bico tenelulumak arye melilamlum ning ap, anggun pi dobuka, pil dolulum ning ap, tuba tenenyabe. Anggunda, ‘Nun Weik Deiyoknye Yesus Kristus, elce dipkoprop melinamsil’ tenen, kanye lamabuka elti, dinauk umunya deice arye, pil batakna kum aniryuk, pia pi dobuka pil dolulume.

1 Tesalonika 4:13

Na kayapu, akunum diamik nang unyak ning kel bikna ati, ‘Walwal kum wininamlulum’ tenen, nyapnusiabe. Tonda, yuk dib tenena kum nang nirya arye, sik kayapu nang dipmakibuk, ‘Weik arye engebuka boku weik sukulamle touk kum unamlulum’ tenen, ayupu nyapnusiabe.

1 Timotius 5:3

Sik dipkoprop youwak kilapu unyakbuk, yuk nang nirya akunum batakamikibuk, sik yuk unyak youwak kilapu ara, kibuka melinalyame. Timotius, ance yuk ninye nirya ati, ayupu peterenalyame.

1 Timotius 5:5

Yata youwak kilapu do nirya, el melin nang ap, el mapu ap, dipkoprop kum unyakbuk, aning-aning pataplyopura, utenelule. ‘Kume, Allah eluk melinamsil’ tenen, dib tenebikirye, keting noutam babye, lukunyan babye, “Na ni Allah melipnilyame,” nyabuka, Allah pia moronyake. Kum batakanyake.

1 Yohanes 3:18

Na mapu, nun nirya arye yuk nang ati, “Nun bico tenebuka melinamsiabe,” nyabuka, talye yupu deice aryuk kum nyaltanamnyabe. Aning ara kume. Allah yupu deice nyasilye touk, dipkopropuk yuk nang ati, bico tenebuka melinamabe.