Rasul 9:32 - Eipomek

³² Peterus arye amutuku-amutuku nirya balamuka ani, Yesus diba tenebuka Lida mutuku ulamik nang dam uruna ati biyuk.

Rasul 9:32 ပူးပေါင်းရင်းမြစ်များ

1 Tawarikh 8:12

Elpal birye mapu winilye deibuk. Sik si ara ani. Eber ap, Misam ap, Semed ap ulamik. Semed birye, Ono mutuku weik asik ap, Lod mutuku weik asik ap, dolamukce, amutuku dam bitinye ara, mitik asik dona ati, bulubuka dolamuk.

Esra 2:33

Tonda, Lod mutuku ulamik nang ap, Hadid mutuku ulamik nang ap, Ono mutuku ulamik nang ap ara, sikce deiamikba, dadeipdanin yangalamik nang ara, tujuh ratus dua puluh lima (725) nang yayik.

Nehemia 11:35

Lod ap, Ono ap, aik don nang unyak ap,

Nehemia 7:37

Lod mutuku ap Hadid mutuku ap tonda Ono mutuku noutam ap ulamik ninye yupa ara (721) nang ara, Yerusalem mutuku tamubuka yayik.

Mazmur 16:3

Tukwak mutuku noutamak unyakce, ance, ‘Wininamlulume,’ nyapdeiamsulum yupu talibuka, diksukumuk wininyak nang ara, pia kanye delinune.

Amsal 2:8

Tonda, sik diksukum telebuk unyak ninye ati, Allah Yahweh arye melilule. Winibuka melilya ati, sik anang arye el tibuk, asum-asum nirya tenekirye, kanye deibuka unyake. Winibuka unyak ninye ati ara, elcuk melibuka kalikilule.

Matius 27:52

Tonda, ninye diksukum ulamna ani, dipneba weilamik keil deiya, buplan tirikilongolamik keil ara, paksakukura, min arye akunum diamik nang weik bukni, kam bukuka yanganmekak yuk ninye amutuku unmekce eibik.

Rasul 1:8

Bukni, Allah El Dib Kanye anggun talima ak yanuka weksilirye, mikip weik arepsilyopura, dopropnamlume. Dopropmunyak arye, Yerusalem unyak ninye ap, Yudea tam unyak ninye ap, Samaria tam unyak ninye ap, mutuku sirya im sirya unyak ninye ap, na winilamse ning ap, peterelamsibuk kekelamlum ning ap, dobuka peterepra banamlume,” Yesus arye nyabuk.

Rasul 26:10

Utenelamse ati, na tenepse touk, Yerusalem mutuku noutamak arye, aninguk winipse. Yahudi yala nang Allah arena ati, weik deiyok nang arye, “Winiptume,” nyapdeipnika deice arye, Yesus ati dib tenelamik nang, Allah el mapu weik dobuka wenena aik dongolamse. Tonda, sikce, “Anang opnuyabe,” nyabik talak ara, na babye, Allah el mapu yanina ati, ‘Bita merekuka onmaka ara, daoplopmakce,’ tenebuka nyalamse.

Rasul 8:14

Aminyan talak, Yesus elce wibuka deibuk Rasul nang, Yerusalem tuba ulamik nang ara, “Samaria mutuku nang Allah yupu dib tenebuka doprobike,” nyabika kekebikura, Peterus ap, Yohanes ap, wibuka Samaria mutuku dopkwetebik.

Rasul 8:25

Simon ulamuk mutuku Allah yupu peterelamrika ani, ‘Tamubuka Yerusalem mutuku binamanam’ tenen, bisik mapnin balamrika ani, Samaria mutuku noutamak ninye asik domikak anyasik-anyasik weik peterepnin balamrik. Ura, Yesus ap, neika ulamik talak arye, sik elilamrik ning ap, sik kekelamrik ning ap ati, ‘Yesus arye el yupu dib tenen, nang lyepnamle,’ nyabuka peterepnin balamrik.

Rasul 9:13

Yesus arye nyabukura, Ananias arye tamubuka nyabuk. “Anti dib tenelamkik nang Yerusalem mutuku unyak nang ati, anye birye ikin ning weik deililamuk. Tonda, el winilamuk ning nirya sikce nyabikura, kekepse.

Rasul 9:33

Lida mutuku biyukopura, tonoknye, el si ara, Eneas, keting tamun pin barye deice arye el nong nirya sisal semuknye ulamuka anya arye min sakdebuka binmanto kum ulamukbuk, anyup dam Peterus biyukce eibuk.

Rasul 9:41

Bukukura, Peterus arye akil taruk talibuka tikdeibukce, min arye dib tenebik nang ap, ayouwak kilapu ap, yukubukba yayikura, “Akunuma kam bukuka tekmala dipdelulume,” nyabuk.

Roma 1:7

Ati na kayapo, anggun Roma mutuku ululum nang kan-kan arye, Allah bico tenepsukce, ‘Na mapu unamak’ tenen, wibuka deiamsuk ninye, anggun nirya ati, asurat sekeipsine. Nun ni Allah ap, nun Deiyoknye Yesus Kristus ap, ‘Sik bitinye arye bico tenesirikirye, sik kanye aryuk melisirikirye arenamsil’ tenen, Allah morosunune. Tonda, nun ni Allah ap, nun Deiyoknye Yesus Kristus ap arye, anggunti melisirica deice arye, olana ap, walana ap, ikin kanye bona ap nirya, kum upliba, ‘Sik nirya kanye deibuka, lamapdongobuka neika unamak’ tenen, anggun Roma mutuku umunyak arye, dib tenelulum ninye nirya ati, Allah morosunune. Na Paulus birye nyapsine.

Efesus 1:1

Telebe, na kayapu, na Paulus birye, asurat sekeipsine. Allah arye, nati tenyamnukce, wipdeipnuk atonun, Yesus Kristus el yupu dobuka peterelbana ati, deiyok kounanye, Rasulnye unune. Asurat ara, anggun Efesus mutuku umunce, Allah ati dib teneplumba, elce wipdeipsuk ninye ati sekeipsine. Anggunda, Yesus Kristus ap talima dukdongobuka umunce, pia batakana kumce, eluk talibuka umunye ninye ati, asurat sekeipsine.

Pilipi 1:1

Nun kayapu telebe. Nun bitinye Paulus ap, Timotius ap, asurat sekeipsiname. Nun bitinye ara, Yesus Kristus nun talima talisilya deice, el amu tam unyamce, el yupu uk kekebuka, el piluk donyame. Asurat ara, anggun Pilipi mutuku umunce, Yesus Kristus ati diba teneplumce, eluk talibuka, diksukumuk umunye ninye ap, Allah yupu peterena nang sik melina deiyok nang ap, Allah yupu aik pil melina don nang ap, anggun nirya ati, ayupu sekeipsiname.