Rasul 8:40 - Eipomek

⁴⁰ Anye bira abisikuk banmok bukni, Pilipus ara, Asotus mutuku kutukuka tikilbiyuk. Kutukuka tikilbiyukura, yuk pera mutuku si ara, Asotus mutuku, laka teleb yupu ara, ‘Yesus arye ninye lyepnamsile,’ nyabuka peterebuk. Peterebukura, Kaisarea mutuku binamuka ati, bisik noutam balamuk talak ara, abisik noutamak asik dolamikak anyasik-anyasik weik laka teleb yupu ara, ‘Yesus arye ninye lyepnamsile,’ tenen, nyabuka peterepnin balamuka ani, Kaisarea mutuku biyuk.

Rasul 8:40 ပူးပေါင်းရင်းမြစ်များ

Zakaria 9:6

Asdod mutuku ninye koproba, nirya kum kipdeiplyopura, ninye pera mutuku dana-dana nirya yanuka, bulubuka unamake. Ara, ninye asik nang atonun ninye arye, Asdod mutuku ulul ning nirya dopdobikirye, amutuku unamake. Wininamaka ati, Allah Yahweh arye nyalule. “Sik Pilistin nang arye, kanye talima erelamik mutuku ara, na Allah arye, yanibuka mitik kipdeipnamne. Winipnyopura, sik Pilistin ninye ara, alye dakdanamake,” nyapdeibuk.

Rasul 10:1

Kaisarea ulamuknye, el si ara, Kornelius, elda Roma mutuku yin deiyok nang, 100 nang yupu bokolinanye ulamuk. Sik ninye yupa 600 nang yupa yuk-yuk kibuka, sik si bokuka delilamik atonun, el yupa si ara, Italia nyalamik.

Rasul 10:24

Banmeka ani, bisik binuka mapmeka, berekukura, banmeka ani, Kaisarea mutuku biyik.

Rasul 11:11

Awinibuk ning im deice welebuk talakuk, Kaisarea mutuku arye na dolyangana ati, dopkwetepmek nang, winilye anang ara, na unmasi dam tikilyayik.

Rasul 12:19

Winibikbuk, Gubernur Herodes arye nyabukura, sikce Peterus ati pia elkirikinmeka ani, kum eibikura, Herodes arye akalikmek yin nang ati weika arye asipdeyuk. Herodes asipdeyukce yuk nang ati nyabuk. “Akalikmek yin talina nang ara, oipnululume,” nyabuk. Nyabuk akarye, Herodes Yudea tam batakuka, Kaisarea Mutuku binuka talak weik tonun ton ulamuk.

Rasul 18:22

Biyukce, yuk nang ap, mekwen deice pia banmeka ani, Kaisarea mutuku dam mekwen kup-kup mek bukna yo lukuka delilamikak binuka lukeibikopura, Paulus elda, Yerusalem mutuku welebukce, amutuku diba tenebik nang ati, “Telebe,” nyabuka, kisal dobukce, asukumuk uruna ati unmoka ani, adiparyuk Antiokia mutuku biyuk.

Rasul 21:16

Yerusalem mutuku welebupu talak ara, Kaisarea mutuku ninye Yesus ulamuk ning piribuka kel kiyamikce, el ulamuka atonun ulamik ninye ara, neika ansinibuka welebupu. Welebuburye Kaisarea mutuku nang arye, tonoknye, Siprus mutuku deiamiknye, el si ara, Menason, el aik ulamupa ati, el aik bobisik. Menason ara, min arye diba tenebukce, Yesus el ulamuk ning nirya piribuka kel bikamuk akarye ulamuk.

Rasul 21:8

Unmapua ani, mapmapua berekukura, Petolemas mutuku batakuka banmapua ani, Kaisarea mutuku beipu. Biburye, tonoknye, el si ara, Pilipus, el aik neika unmapu. Pilipus ara, ‘Yuk nang Yesus dib tenepnamak’ tenen, Yesus yupu laka nyalamuknye ulamuk. Tonda, ‘Youwak kilapu melipnamak’ tenen, minop arye tekbarye wibuka deiamik nang ara, Pilipus tonok aulamuk.

Rasul 23:23

Ayin talin nang sik weik deiyoknye birye nyabukura, el yin talin nang, ara deiyok nang atonun nang, bitinye nang ati nyabuk. “Nun yin talin nang yupa weik 200 nang ap, kuda balye tam bukuka banyak nang, 75 yin nang ap, yo dula mal bobalamak nang ap, yupa weik 200 nang ap kintinipnamlulume. Alukunyan akunum maplukice talak ara, Kaisarea mutuku binamlulume.

Rasul 23:33

Ura kuda basam balye tam bukuka balamik nang banmeka ani, Kaisarea mutuku akunum biyikura, sikce Gubernur Feliks ati Lisias sekdeipmok surat ap, Paulus ap, ‘Elce dopdoplirye, dipdenamle’ tenen, arebik.

Rasul 25:1

Ara, Festus ara, el talipnamuk mutuku winiryuk yayuk talak ara, asik si Kaisarea mutuku yayukopura, winilye sum aunmoka ani, akunum ubukopura, Kaisarea mutuku arye Yerusalem mutuku welebuk.

Rasul 25:13

Ara, asum liki bitinye do, winilye do, akunum ubukopura, weik ninye deiyoknye, ‘Raja Agripa ap, el makal kil Bernike ap, epdabirye kipdanamap’ tenen, Festus damak Kaisarea mutuku yarik.

Rasul 25:4

Nyabikbuk, Festus arye tamubuka nyabuk. “Paulus ara, sik yin nang arye, ‘Paulus bilyak’ tenen, Kaisarea mutuku tuba melibuka unmake. Tonda, na babye pola umutuku uk binamanaryuke.

Rasul 25:6

Ura, pin barye do, taku barye sumto, Yerusalem mutuku ulamika ani, Festus Kaisarea mutuku koulukukce mapmoka, berekuk. Berekukopura, Festus arye, ‘Yupu lipsisikuka bokeipnune,’ tenebukce, sik yupu lipsisikuka talilamikak bukukce, “Paulus boyalulume,” nyabuk.

Rasul 8:25

Simon ulamuk mutuku Allah yupu peterelamrika ani, ‘Tamubuka Yerusalem mutuku binamanam’ tenen, bisik mapnin balamrika ani, Samaria mutuku noutamak ninye asik domikak anyasik-anyasik weik peterepnin balamrik. Ura, Yesus ap, neika ulamik talak arye, sik elilamrik ning ap, sik kekelamrik ning ap ati, ‘Yesus arye el yupu dib tenen, nang lyepnamle,’ nyabuka peterepnin balamrik.

Rasul 9:30

Opmandayikura, el Saulus ap, yuk nang ap ara, sik ap neika Yesus dib tenebikce, du weit atonun ulamik nang arye, Saulus bobuka Kaisarea mutuku bobiyik. Bobiyikura, ‘Tarsus mutuku dopkwetepnamap,’ tenebik akarye dopkwetebik.

Roma 15:19

Aning ara, na mikip deice arye kume. Allah El Dib Kanye mikip deice arye melyamnukba, amambul pil nirya dolamse. Ara, aninye nirya arye, ‘Allah elcuk apil dosulule,’ tenebuka, ‘Diba tenenamak’ tenen, etekdop ubuka don pil ap, ninye kum winipmanto pil ap, dolamsirye peterelamsiba, sik Yahudi yala kum ninye arye, Allah ati diba tenelamikce, el yupu kekebuka dobolbanyake. Winibuka apil dolamse ning ara, keting wekelban tam, weik asik dolamikak, Yerusalem mutuku arye dipdongobuka anyapce, keting panalyangan tam, mutuku si Ilirikum mutuku tam noutamak nirya ara, Kristus el laka teleb yupu, ninye lyena yupu bobuka peterelbalamse. El yupu ara tonok ning babye kum bataklamse.

Yosua 11:22

Winibuk talak ara, tonoknye babye, Israel nang ulamik mutuku noutam ara, Enak mutuku nang ton, obikce sirya dakik ati, tonok ton kum batikik. Bukni, Kat tam noutam, mutuku si Gasa mutuku ap, tonda, mutuku si Asdod mutuku ap, asukumuk sirya ton batakikba, Ainakin (Enak) nang mitik tonun tuba aulamik.

1 Samuel 5:1

Pilistin nang arye, Allah el nyalin yupu dongobuka deiamik marikna, el si ara Peti Perjanjian, Haezer mutuku arye alubuka doprobikce, sik mutuku koproba Asdod mutuku binuka deibik.