Rasul 8:4 - Eipomek

⁴ Sik ilil ati yuk-yuk pera mutuku binamik nang arye, sik binamik mutuku nirya Allah yupu peterepra balamik.

Rasul 8:4 ပူးပေါင်းရင်းမြစ်များ

Matius 10:23

Na diba tenemunce, na yupu peterelbanamluma ati, na yupu peterepmunyeba, yuk ninye arye malye yupu nyabukapsikirye, anggun nong deice ikin ning deipsikcopura, amutuku batakuka, omutuku peterelamunyebuk, amutuku babye bataksikcopura, ila yuk mutuku ton binuka peterepra banamlulume. Atonun ton binuka, Israel ninye sik asik dobuka ulamak ak ap, unamakak ap, amutuku nirya min kum binuka peterepmanunye talak ara, aminyan ara na Ninye Mi Koprop Atonunye yanamne. Yesus arye ayupu nirya nyabuk.

Lukas 1:2

Aning nirya elilamik ning ara, Yesus ara, el pil winiryuk deiya koubuk talak arye, sik asing elilamik nang ap, tonda, el ap, melibuka Allah yupu pil dopra balamik nang ap arye, laka nyalilamsik touk anang arye sekdeibik.

Rasul 11:19

Ura, atalak ara, Stefanus obik talak arye, yu nang arye, Yesus ati dib tenenang ati, sik nong deice ikin ning weik delilamik deice arye, yuk-yuk pera mutuku bik-bik abuka biyik. Sik biyik nang arye, weik pera mutuku ton biyik. Fenisia tam ap, Siprus mutuku ap, tonda, Antiokia mutuku ap, biyikopura, anang arye Yahudi yala nang ati, “Yesus arye lyesulule,” nyabuka, Yesus ati teleb yupu peterepra balamik.

Rasul 15:35

Tonda, Paulus ap, Barnabas ap, Antiokia mutuku asukumuk weik tonun ton ulamdika ani, sik ap, ninye weik tonap arye, Yesus yupu laka nyana ap, peterena ap, ulamik.

Rasul 8:1

Stefanus obik talak ara, tonoknye el si Saulus mening dam tikuka dinmokce, ‘Anye opmaka ara, merekuka opmake,’ tenebuk. Stefanus obika deice arye, adiparyuk Yerusalem mutuku noutamak bukni, dib tenena kum nang arye, Yesus ati dib tenelamik akarye, bulubuka weklamik nang ati, sik nong deice ikin ning weik delilamik. Winilamikopura, sik diba tenelamik nang arye, ‘Anang ara, olyasicak’ tenen, Yudea tam noutamak ap, Samaria mutuku noutamak ap, bik-bik abuka biyik. Anang bik-bik abuka biyik bukni, Yesus elce wibuka deiyamuk nang, 11 Rasul nang ara, sik yukak kum bindobik. Anyuk ulamik.

Rasul 8:12

Winilamik bukni, Pilipus arye, ninye lyena yupu peterelamukba kekebuka doprobikce, dib tenebik ninye ara, sal ap, kilapu ap, mek dongolamuk. Pilipus arye peterelamuk yupu ara, Allah arye Yesus pil dopsuk deice, ninye lyepsilirye, talisulul yupu ap, Yesus Kristus si ap, peterelamuk.

1 Tesalonika 2:2

Anggun kele, minop talak ara, Pilipi mutuku beipu ura, malye nang arye nunti ngaluklamsikce, nun nong deice ikin ning weika arye deililamsike. Tonda, yuk nang arye, nun peteren yupu ap, nun ap ati, ‘Lyeklopnamap’ tenen, yanipdesik bukni, nun ni Allah melyamsuka deice arye, balye tam kipsuk deice, arye ilil kum, upsuk akarye el laka teleb yupu, ninye lyena yupu peterelamsupu.