Rasul 8:29 - Eipomek

²⁹ Yininmok anyak, Allah El Dib Kanye arye Pilipus ati nyabuk. “Anda atuku deice banmal ning dam bimince neika ansinibuka banurume,” nyabuk.

Rasul 8:29 ပူးပေါင်းရင်းမြစ်များ

Yesaya 65:24

“Sik amutuku unamak ninye arye, nati ‘Melipsilyame,’ nyabuka min kum moropmanice talak arye, na adiparyuk kekebuka melinamne. Tonda, tuba moronmaca noutam, min kum sirya dakmace talak ara, na kekepnirye, ‘Telebe,’ nyabuka arenamsine.

Hosea 6:3

Aning winipmasila ati ara, nun nirya arye piribibirye, Allah Yahweh ati, dib tenebuka dobolbanamabe. Ara, nun ni koprop Allah ati, ‘Se, dipkoprob anda pia mambul weiknye ulyame,’ nyabuka, el tibuk, si erenamabe. Batakna kumce, Allah ati dib tenebuka dobolbalamipya ani, dipkoprob Allah arye, nun melina ati, asum-asum nirya beren tam talak keting panalyangalamle atonun, Allah arye nunti, yanuka melinamsile. Aning atonun winipmanto ara, weik dou malamlya ani, sirya talak ara, mok weik arye cepliba, tukwak mutuku nirya, teleb ulamle touk ulirye, nunti melipsilirye, teleb ulinamsile. Nabi Hosea birye nyabuk.

Rasul 10:19

Asipdeyik talak ara, Peterus arye el lengdar atonun dinmok ning ati, tuba tenenmokbuk, Allah El Dib Kanye arye Peterus ati nyabuk. “Simono, ninye winilye nang arye anti enmakiake.

Rasul 11:12

Tikilyayikura, Allah El Dib Kanye arye, “Anang ara, yuk mutuku ninye anya arye ‘Na ap neika kum binamabe,’ tenena bataklyame. Ur talye neika ansinibuka bilulume,” nyapnuk. Tonda, anaku barye diba tenebik nang ap, neika beipue. Biburye Yahudi yala kumnye, el si ara, Kornelius aik wekupu.

Rasul 21:11

Akabus arye nun dam yayukopura, Paulus el deiayatinga deililamuk cang baju, el si juba dobukce, Akabus el cang taruk ap, yan ap, koupdongobukura, ayupu nyabuk. “Allah El Dib Kanye arye nyapdeipmasile. Anyapmasin cang baju deiyoknye Paulus ara, na koupdanman tonun bukni, Yerusalem mutuku Yahudi yala nang unyak nang arye, anye biti dobuka, tapu koubikirye, ‘Wenena aik dongopnamak’ tenen, Yahudi yala kum ninye ati, arepnamake,” nyabuk.

Rasul 28:25

Sik ansinibuka kum tenebikce, yupu weik nyaldanmeka ani, binuyik talak ara, Paulus arye el nyanmok yupu sirya ara, ayupu nyabuk. Allah El Dib Kanye arye nun apu yapu ati, dipkoprop yupu nyabuk. Ara, elce nabi Yesaya ati nyapdeibukura, nabi Yesaya arye sekuk yupu ara ani.

Rasul 8:26

Aminyan talak, Allah el im deice pil donanye, yupu lak lenanye malaikat tonok Pilipus dam nyalyayukce, ayupu nyabuk. “Anda Yerusalem arye Gasa mutuku bana ati, atam yapdeibik bisik noutamak ara, bupu weik ulirye, mek kum ati ninye kum unyak mutuku bisik, ubilyame,” nyabuk.

Rasul 8:28

Anye bira, Yerusalem mutuku binamukce, Allah si talye erelamuka ani, el mutuku tamubuka banmoka ani, el tuku deice bana ning, deice bukmokce Allah el yupu lak lena deiyoknye, nabi Yesaya sekamuk yupu yininmok.

Rasul 8:30

Nyabukura, Pilipus kekebukce atuku deice bana ning dam bik-bik abuka biyukura, Etiopia mutukunye birye nabi Yesaya arye sengamuk buku yininmokbuk Pilipus arye kekebuk. Kekebukura, Pilipus arye asipdeyuk. “An yininmalam yupu ‘Deiyok anye’ tenen, teleb kibuka bikmalam do? Kum do?” nyabuk.

Rasul 8:39

Pilipus arye anye mek dongobukopura, mekwen noutamak arye lukuka bisik deice tikilbirikura, Allah Sambala arye Pilipus el nong minopce mikip deice arye doprobuk. Doprobukura, Etiopianye birye Pilipus el nong tonap kum eibuk bukni, el kanye deibukce, ila tamubuka nong bisikuk banmok.

1 Korintus 12:11

Allah el mikip arye, el pil dona deiyok ning areselilye ning ara, yala yuk-yuk ulul bukni, anirya ara, Allah El Dib Kanye aryuk aresulule. Tonda, dib tenen ninye nirya ton batakana kum anggun nirya ati, el kanye aniryuk tenesilye touk bokuka yuk-yuk arisulule.

1 Timotius 4:1

Allah El Dib Kanye arye, akunum min ning lak nyapsuk yupu ara, ani. “Sirya daknamle talak ara, ton nang ara, Allah el dipkoprop yupu yanibikirye, talya ati tilila yupu nyan isa arye peterenyak ning kekebuka, dobolbikirye, isa tam kipropnamake.”

Ibrani 3:7

Ati, Allah el mapu dipkoprop una ati ara, Allah El Dib Kanye arye nyapdeibukba, Mazmur noutamak sekamik yupu ton tenenamlume. Ayupu ara ani. Arup ara, na Allah arye yukubsiniba, na yupu kekepnumunyopura, anggun apu yapu winilamik touk winina meme. Ara, lik upsiliba, pi dobuka, ‘Kum kekenamabe,’ tenebuka, kum unamlulume.