Rasul 7:8 - Eipomek

⁸ Stefanus nyabukopura, ayupu ton nyabuk. Ara, Allah arye Abraham ati nyabuk. “An ap ance deipnamlam mapu ap, dadeipdanin binamak mapu ap ati, pia teleb kibuka melipsinirye teleb ning delinamsine. Winipnamne ati, ‘Anda wininamlame’ tenen, bata delilamak touk, Na mapu ati, den bam bol mouse ning sekenamlulume,” nyabuk. Nyabuka, den bam bola mouse ning sekna pil, Allah arye Abraham ati aribuk. Amenyan talak Abraham arye Isak deibukba like pin barye sum mabukopura, el mi den bol mouse ning sekuk. Sekukopura, ulamuka ani, amenyan talak, Isak birye el mi Yakup deibukce, el den bol mouse ning sekuk. Tonda, Yakup birye Israel ninye nun apu yapu, weik mambul nang 12 nang deibukce, sik den bol mouse ning babye sekamuk.

Rasul 7:8 ပူးပေါင်းရင်းမြစ်များ

Kejadian 29:31

Yakub birye, Lea biti dipkoprob kanye kum deiamuka anya arye, Allah el si Yahweh arye, akil ati bico tenebukce, melibukba, mi bobuk. Lea bira, mi bobuk bukni, Rahel bira, you kil ulamuk.

Kejadian 30:5

Maprik anye, aminyan ara, Bila mi bobukce, daulamuka ani, sal mi tonok deibuk.

Kejadian 35:16

Ura, aminyan talak, Betel mutuku ton batakikce, bisik banmek. Bisik banmeka ani, Efrata, mutuku min kum binmek bukni, bisik noutamak ara, Rahel mi deiya deiyok koubuka, uk dinmokba donmokce, ‘Mi deipnun’ tenen, piripdeyuk bukni, ikin weik ubuk.

Kejadian 35:18

Uk dinmokba, donmoka ani, dipmanto ubukce, isin dakropmanto ubuk talak ara, winiryuk deipmok mi, el si ara, Ben-Oni nyabuka, sisibuk. Sisibukce, adiparyuk dibuk. Akil arye, asi nyapdeipmok bukni, ami el li koprop arye, “Kume, el si ara, Benyamin nyanamabe,” nyabuka sisibuk.

1 Tawarikh 1:34

Abraham el mi Isak deibuk. Deibukura, daulamuka ani, Isak birye mapu bitinye deiamuk nang, sik si ara, ani. Esau ap, Yakub ap, deiamukak ulamdik. (Allah arye Yakub ati, yuk si dobukce, elti winiryuk si, ‘Israel’ nyamuk.)

Matius 1:2

Abraham el mi ara, Isak. Isak el mi ara, Yakup. Yakup el mapu ara, Yehuda ap, el du yapu ap, deiyamuk.

Rasul 2:29

Nyabuk akarye tuba tonap ayupu nyabuk. Na kayapu. Na teniltona kumce, dipkoprop laka anyanusine. Nun apu weiknye Daud, el deiamukba, el nong weiamik. Sikce Daud wiamikak dam aupmale.

Roma 4:10

Allah arye Abraham biti diksukum kipdeibuk talak ara, dan talak do? Anggun ton teneipdelulume. Allah arye Abraham biti ayupu nyabuk talak ara, Abraham el den bam bol akunum sekik talak do? Min kum sekik talak do? Kume, Allah arye ayupu nyabuk talak ara, Abraham el den bam bol deice ning min kum sekik talak arye nyabuk. Ati Abraham diba tenebuka deice aryuk, Allah arye Abraham biti teleb kipdeibukce, “Anda diksukumnye,” nyapdeibuk.

Galatia 3:15

Ura, na kayapu, ‘Anyapmasin yupu moubuka kel biknamlum’ tenen, asum-asum nirya winilamibye ning arye, winipmanto yupu ton nyapnusine. Ton tam nang arye ton tam nang ati, “Winibuka unamabe,” nyabuka nyalilamak yupu akunum talibuka sirya dakiceura, aminyan talak, yuk nang arye sik nyalilamak yupu ati, yuk yupu ap kum tapaktinge. Tonda, ‘Aning ara, daupmalye’ tenen, “Kum winipnamlulume,” nyabuka yupu kum sektinge. Aning atonun, Allah arye, “Wininamne,” akunum nyalilamuka anya arye, aning batakuka, yuk ning kum wininamle. Elce akunum nyapdeiyamuk touk wininamle. Ayupu ara laka nyapnusine.

Galatia 3:17

Ura, aning ati ara, ayupu nyapmasina deiyok ning ton nyapnusine. Minop talak ara, Allah arye Abraham biti, “Wininamkine, an deice arye ninye im sirya, mutuku sirya nirya teleb ulinamne,” nyalamuk. Aning akunum nyapdeibukura, sik nirya daulamika ani, keting tamun yupa pia weik, keting tamun 430 tahun akunum ubukba, Allah arye, ‘Wininamlulume, aning ara kum wininamlulume,’ nyapdeibukba, Musa kekebukce, ayupu ara, mem yupu sekdeiamuk.

Ibrani 7:4

Ura, anggun ton teneipdelulume. Melkisedek bira weik mambulnye ulamuk. Weik mambulnye ulamukba, nun apu Abraham arye, yuk mutuku deiyok nang obukabukce, sik bona ning weik dalubuka bopdakayayuk ning noutamak bokukabukce, Melkisedek el kina ati, yupa weik sepuluh persen (10%) aribuk.