Rasul 7:14 - Eipomek

¹⁴ Anirya akunum winibukopura, Yusuf arye, el li ap, el tam nang nirya ap ara, yupa weik 75 nang, ‘Orabce amutuku yanuka unamak’ tenen, yupu nyapdeibukura, inilbiyik.

Rasul 7:14 ပူးပေါင်းရင်းမြစ်များ

Kejadian 45:13

Ati anggunce na ni dam bimunce, nyapnamlume. ‘Kume, sik Mesir mutuku nang arye, nun weit koproba Yusup biti, weik arye si erenyake,’ nyapnululume. Anggunce amutuku noutam eipmalum ning nirya ara, na ni biti laka nyapmunce, el bobuka na mutuku boyanamnulume.” Yusup birye, el du yapu ati nyabuk.

Kejadian 46:12

Tonda, Yakub birye deiamuk mi Yehuda ap, elce deiamuk mapu sik si ara, Sela ap, Peres ap, Sera ap, tonda Peres birye deiamuk mapu, Hesron ap, Hamul ap biyik. (Yehuda birye, el mapu bitinye ton, sik si ara Era ap, Onan ap deiamuk bukni, amapu ara, min arye Kanaan mutuku noutamak akunum dipdika anya arye, sikda Mesir mutuku kum neika kum biyik.)

Mazmur 105:23

Winibuk talak ara, Yusup el li koproba, Yakub Kanaan mutuku batakukce, Mesir mutuku biyuk. Mesir mutuku biyukce, ninye asiknye atonun binuka ulamuk. Ara, tikilban nang atonun ubuka binuka ulamuk.

Keluaran 1:5

Sikda, Yakub el mapu ara, yupa bitinye kepropnye nakub dikin (70) ninye, Mesir mutuku biyik. Sik nirya Mesir mutuku biyik talak ara, Yusup minopce binuka ulamuk.

Rasul 2:41

Peterus arye awekmek nang ati ayupu nyanmok talak ara, ‘Dipkoprop nyanmasile’ tenen, kekebuka doprobik ninye ara, mek dongobik. Mek akunum dongobikopura, sik winiryuk dib tenebik ninye ara, min arye diba tenyamik ninye ap, tabakik. Tabakikopura, yupa weik kipnin balamuk. Asum deice arye tabakik ninye ara, 3.000 ninye diba tenebikce, Yesus ati diba tenyamik ninye ap tabakik.

Ulangan 10:22

Anggun apu yapu yupa ara, bitinye keba nakub dikin nanguk, ninye 70 uk ulamikce, Mesir mutuku binuka wekamik bukni, anggun ni Allah weika arye meliamsuka deice arye, wini talak Israel ninye, anggun ninye yupa ara, kurya im deice kum nukmanto tiklamle touk ululume. Aning nirya ara, Allah elcuk aning nirya arepnamsile. Musa birye, Israel ninye ati nyabuk.