Rasul 5:15 - Eipomek

¹⁵ Yesus wibuka deiamuk nang arye pia teleb pil dolamik ati, amutuku ulamik nang arye, uk dilamne ninye bobuka, aik dana-dana dolamik anye, bisik noutamak yangapdeiyamikak delilyangalamik. Ara, ‘Peterus el bisik baturye, uk dilamle ninye el kanya arye nun nong bolpipsutu ura, kweteipsetu’ tenen, uk dilamne ninye sik amsuna tokuka man ning alip delilyangalamik.

Rasul 5:15 ပူးပေါင်းရင်းမြစ်များ

Penghotbah 3:3

Tonda, on talak ap, kweten talak ap, dakaltakne talak ap, lipsisikuka don talak ap, Allah arye tenelye touk, lo arisiliba wininyabe.

Matius 14:36

Atonun ton, Yesus balamukak nirya ara, uk dilamne ninye nirya delilbalamikce, aninye arye Yesus ati, “Uk dilamlye ninye arye, an ongopmalam baju mouse ak bolpipkiting do?” nyabuka morolamik. Morolamikce, el baju mouse ak bolfilamik nang nirya ara, uk kwetelilamuk.

Matius 9:21

‘Yesus el baju talya bolpipnutu ura, elce kwetepnutue,’ tenebuk. Utenebuka ati, abanmek nang noutamak arye, Yesus el balye tam tikilyayukce, el deice ongopmok baju ara bol pibuk.

Markus 6:55

Utenebikopura, mambul kanye bobuka, amutuku-amutuku noutamak nirya bik-bik abuka laka nyalbanmekbuk, amutuku noutamak ulamik ninye nirya, “Yesus abanmale,” nyapnibuk kekelamikce, uk dilamuk ninye, pala yo arye baya wibuka el banmanak anyuk yanuka deipnin balamik.

Yohanes 14:12

“Dipkoprop nyapsine. Yata ninye do nirya, nati diba teneninyak ninye arye, na pil dolamse touk pil donamake. Tonda, narye na Ni Koprop Allah, el un dam binamne anya arye, nati dib teneninyak ninye arye donamak pil ara, weik mambul weik pil donamake. Narye atalak dolamse ning ara, mitik mambuluk ulule.

Rasul 28:9

Aning akunum winibukopura, amekwen dana-dana sekdongamuk mutuku, uk dilamukbuk ulamik nang nirya ara, asum-asum nirya yangalamikura, uk kwetelilamuk.

Rasul 5:16

Tonda, Yerusalem mutuku noutamak dana-dana ulamik ninye arye, uk talyamne nang ap, isa talima ak wekamnarye talyamne nang ap, anirya bulubuka anang dam boyangalamikura, anang nirya kwetelilamik.