Rasul 28:29 - Eipomek

²⁹ Paulus arye ayupu akunum nyabukce sirya dakukura, sik Yahudi yala nang kekebikce, sik kanye talima yuk-yuk tenenmeka ati, yu weik ubukura, yupu weik arye nyaldanmekce, yukak bindobik.

Rasul 28:29 ပူးပေါင်းရင်းမြစ်များ

Matius 10:34

Sikce nati, ‘E, Yesus ara, ninye mutuku-mutuku nirya, tonok kanyeuk bobuka, talya tunim abuka, ‘Talye-talye kanye bobuka unamake’ tenen, yayuke,’ kum tenenamlulume. Na yupu bobuka, yuk nang ati, peterepra bamunyopura, sik kanye yuk tenenyak nang arye ayupu ati, yu ubuka nyana ap, oldana ap, unamake.

Lukas 12:51

Anggunce nati, ‘E, Yesus ara ninye mutuku-mutuku nirya tonok kanyeuk bobuka, kanye deipdakirye talye tunim abuka, talye-talyeuk unamake tenen, yayuke,’ kum tenepnamnulume. Na yupu dobuka yuk nang ati peterepra bamunyopura, sik kanye yuk tenenyak nang arye ayupu ati, ‘Nun lik’ tenen, yu uplyeura, waldana ap, oldana ap wininamake. Winibikirye, yuk-yuk bokuka unamake.

Yohanes 7:40

Yesus arye adomona yupu atonun yupu nyabukba, el yupu kekenmek nang arye nyabik. “Kume, nun kanye ara, anyasilinye bira, Allah el yupu laka nyana deiyoknye, nabi ulule,” nyabik.

Rasul 28:25

Sik ansinibuka kum tenebikce, yupu weik nyaldanmeka ani, binuyik talak ara, Paulus arye el nyanmok yupu sirya ara, ayupu nyabuk. Allah El Dib Kanye arye nun apu yapu ati, dipkoprop yupu nyabuk. Ara, elce nabi Yesaya ati nyapdeibukura, nabi Yesaya arye sekuk yupu ara ani.

Rasul 28:28

Ura, Nyapsuka ati, wini talak ara, ‘Anggun dipkoprop kel kiplulum’ tenen, ayupu nyapsine. Ara, ‘Allah arye ninye lyepnamle’ tenen, laka dopkwetepsuk yupu, Yahudi yala kum ninye ati, akunum dopkwetepmale. Anang ara, dipkoprop kekepnamake Allah arye anang lyepnamlarya.” Paulus arye awekmek nang ati ayupu nirya nyabuk.

Rasul 28:30

Paulus ara, el aik koprop kum bukni, yuk nang aik bukni, el yo bok deice arye dekuka, keting tamun bitinye deice arye anyaik ulamuk talak, el uruna ati yangalamik nang nirya ati, kanye deibuka kisal dolamuk.