Rasul 28:14 - Eipomek

¹⁴ Tukwak sakupeura, epnin banmapu ani, Yesus diba tenyamik nang aulamika mankau arye banmapu ani, epdapu ura, sikce nunti nyapsik. “Liki naku barye sum tonap neika unamabe,” nyapsikura, anyuk ulamubu. Ulamubu ani, akunum ubukopura, nunda tuku bisikuk mapnin balamubu ani, Roma mutuku beipu.

Rasul 28:14 ပူးပေါင်းရင်းမြစ်များ

Kejadian 7:4

Winipminyopura, asum arye, nukuka tek sum akunum uplyopura, narye nyapdeipniba, weik mok cepnamle. Pia weika arye, celamliba, mok celamlye ani, keting noutam ap, lukunyan ap, yupa weik, 40 sum deice arye, akunum ceplyopura, weik mekwen deipliba, narye kwepdeiamse kam ulye ning, ayala-yala nirya dipliba, pia kum upnamle. Tukwak mutuku ara, mutuku diamuk upnamle,” Allah arye, nyabuk.

Mazmur 119:63

Nara, ance nyapdeiamsulum yupu nirya ati, ilil uplirye, an yupu uk moubuka talinyakce, dobolbanyak ninye nirya ati, narye, ‘Sikda, na kayapu ninye koprop unyake,’ tenebuka unune. Ance nyapdeiamsulum yupu uk, kekebuka dobolbanyak ninye ati, na kanye delinune.

Matius 10:11

Weik asik dobuka ninye weike ulamakak babye, mitik asik babye bimunyeba, ‘Ninye tonoknye birye, yuk nang melilamlirye, diksukum ulamlenye, amutuku aulul do?’ tenen, anggunce dipdebuka enamlulume. Telebnye eipmunyopura, anye el asikuk wekuka daulamunya ani, amutuku unlamunye talak akunum uplyopura, yuk mutuku banamlume. ‘Pia teleb asik dan do?’ tenen, anyasik-anyasik sakaldana kume.

Yohanes 21:23

Yesus arye ayupu nyabuka ati ara, Yesus elce wipdeiyamuk nang kan-kan arye dipkoprop kum bukni, ‘Aning deiyok ati nyabuk do?’ tenen, talye yupu nyalamik. Ara, “Yesus arye, ‘Anye biti tenena gume,’ nyapmoknye bira, kum dipnamle. Elda pia kam unamle ati, Yesus arye ayupu nyabuk do?” nyabuka teniltonauk ulamik. Bukni, Yesus arye, ‘Anye bira dipkoprop kum dipnamle’ kum nyabuk. Aning ara, laka arye kum nyabuk. Yesus arye nyabuk ning ara, “Wini talak arye diprongobuka, otalak tamubuka yanamne talak danoutam nirya ara, narye anye biti, ‘Pia kam unamle,’ tenepnyopura, an deiyok kum ati tenena kume,” nyabuk.

Rasul 1:15

Winilamika ani, atalak noutamak arye, Yesus dib tenelamik nang, yupa weik 120 nang, sik wekmek kan-kan ak Peterus tikuk akarye ayupu nyabuk.

Rasul 19:1

Apolos Korintus mutuku anyuk tuba ulamuk talak ara, Paulus ara, tuku bisik arye Galatia tam ap, Pirgia tam ap, peterepda balamuka ani, Efesus mutuku biyuk. Efesus mutuku biyukopura, asukumuk Yesus diba tenebik nang min arye kum elilamuk nang eibukce, yupu talipdayikce, Paulus arye anang ati asipdeyuk.

Rasul 20:6

Bukni, nun yuk, Yahudi yala nang Nena Kum Roti Kwalya akunum yubupopura, Pilipi mutuku arye, mek bukna yo pum wekuka bukuburye balamupa ani, pamu sum akunum ubukopura, Teroas mutuku biburye, mince binamik nang ap, epdapu. Epdaburye, nun nirya asukumuk, liki tekbarye sum ton aulamubu.

Rasul 21:4

Yokeipsukura, Yesus diba tenebuka amutuku ulamik nang ati, enmapu ani, eibupopura, nun ap, anang ap, tekbarye sum arye neika unmapu. Unmapubuk, anang ara, Allah El Dib Kanye arye sik talima tamubukura, sik anang el mikip deice arye Paulus ati, “An Yerusalem mutuku banmalam ara, bataklyame,” nyabuka malye nyabik.

Rasul 28:13

Atalak akunum ubukopura, Sirakusa mutuku arye kapal tamubuka welebuburye, mekwen deice banmapu ni, Erekium mutuku beipu. Biburye mapmapua berekukopura, utam arye kumanya mikip anyapce welebukura, tuba tamubuka mekwen deice banmapu ani, mekwen deiceuk mapmapua, berekukopura, tuba tamubuka banmapu ani, Putioli mutuku beipu. Biburye kapal adeibikopura, tuku tam sakupe.

Rasul 28:15

Bukni, bisik tuba mapnin balamubu talak ara, yuk nang arye nyabikura, kekebikce nun diba tenyamubu touk, Roma mutuku Yesus ati diba tenyamik nang ara, eiabce mutuku si Porum Apius dilyanamsik. Tonda, tonok mutuku ton dekna aik winilye uamuka ati, Tiga Taberne nyalamik mutuku dilyanamsik. Dilyanamsikura, Paulus arye anang akunum eibukopura, Allah ati, “Telebe,” nyabukura, el talima kwa deibukura, el kanye deibuk.

Rasul 28:21

Nyabukura, sikce tamubuka nyabik. “Kume, Yudea mutuku nang arye, ‘Paulus malye winibuk,’ nyabuka surat sekuka nun dam kum dopkwetepsik ati, nun kum eibupe. Tonda, nun Yahudi yala nang Yudea mutuku arye anti, malye yupu nyabuka kum nyapsika ati, kum kekebupe.

Rasul 6:3

Ati, nun kayapu, anggun akunum bikilulum nang ara, anggun noutamak arye tekbarye nang wipdeipnulume. Ara, Allah El Dib Kanye wekuka langdibukura, funguk kibuka unyak nang, sik yupu nyanyak ning ap, sik pil donyak ning ap, teleb-teleb kibuka wininyak nanguk wipdeipnulume. Wibdeipmunyeura, ‘Youwak kilapu dina bokuka arin pil donamak’ tenen, sik deiyok nang keipdeipnamabe.

Rasul 9:30

Opmandayikura, el Saulus ap, yuk nang ap ara, sik ap neika Yesus dib tenebikce, du weit atonun ulamik nang arye, Saulus bobuka Kaisarea mutuku bobiyik. Bobiyikura, ‘Tarsus mutuku dopkwetepnamap,’ tenebik akarye dopkwetebik.

Roma 1:13

Ura, na weit yapu atonun ninyo, ‘Ayupu kum kekepmunyopura, moubuka kum kel kipmunyak’ tenen, laka nyapsine. Minop talak arye dipdongobuka wini talak noutamak nirya ara, anggunti tuba tenelamsise. Ara, ‘Se, Roma mutuku ninye uruna ati, sik dam binune,’ tenelamsise. Sik mutuku noutamak arye, Allah yupu petereptinyeba, kekeptinga deice arye, duk mouplirye, nong upnamle. Tonda, yuk mutuku noutamak, Yahudi yala kum ninye peterelamsiba, dib tenelamika deice arye duk weik moulamuk touk, ‘Roma ninye babye, dib tenebicopura, duk weik moupnamle,’ tenelamse. Utenelamsirye, ‘Roma mutuku tam binamne’ tenen, kintinyamse bukni, ikin ning na nong deice wamnuk arye, yanmanto kum ulamse. Ara, na bisik banak sekelongon ning ulamle touk uamuka anya arye, sekdongamnukba, anggun dam kum yase.