Rasul 28:13 - Eipomek

¹³ Atalak akunum ubukopura, Sirakusa mutuku arye kapal tamubuka welebuburye, mekwen deice banmapu ni, Erekium mutuku beipu. Biburye mapmapua berekukopura, utam arye kumanya mikip anyapce welebukura, tuba tamubuka mekwen deice banmapu ani, mekwen deiceuk mapmapua, berekukopura, tuba tamubuka banmapu ani, Putioli mutuku beipu. Biburye kapal adeibikopura, tuku tam sakupe.

Rasul 28:13 ပူးပေါင်းရင်းမြစ်များ

Rasul 27:13

Ura, aminyan ara, utam arye kumanya nimalye arye anyapce biyukura, sikce, ‘E, nun patalamsuk ning ara, atia,’ tenebikce, ‘Kapal delilbinamle’ tenen, tapu kirikdongobikce, ikin ning mek pum tam dopkwetepmeka, tuba tamubuka lipdobik. Winibikura, Kerit mutuku dam bukni, mek kwan noutamak, mekwan deice banmapu.

Rasul 28:12

Ara Malta mutuku arye banmapu ani, kapal delilbalamik ak, mutuku si ara, Sirakusa mutuku binuka deibikura, nun tukwak sakuburye, asukumuk liki winilye unmapu.

Rasul 28:14

Tukwak sakupeura, epnin banmapu ani, Yesus diba tenyamik nang aulamika mankau arye banmapu ani, epdapu ura, sikce nunti nyapsik. “Liki naku barye sum tonap neika unamabe,” nyapsikura, anyuk ulamubu. Ulamubu ani, akunum ubukopura, nunda tuku bisikuk mapnin balamubu ani, Roma mutuku beipu.