Rasul 27:4 - Eipomek

⁴ Sidon mutuku anirye, mekwen noutamak ton balamubu ani, kumanya mikip arye anyapce dengkepsuk arye, kekuka bobisuk ati, ‘Siprus mutuku diksukumuk binamap’ tenen, Siprus mutuku keting panalyangan tam arye, kumanya kum dolyanmanto tam, deice tam banmapu.

Rasul 27:4 ပူးပေါင်းရင်းမြစ်များ

Matius 14:24

Sik ‘Otam binamap’ tenen, mekwen lilkwa batakuka, pera mekwen noutam bayik talak ara, urasin deibuka banmek. Banmek bukni, urasin deibuka banmek tam arye, weik mok piripna yayukba, yo lakase mikip arye bukunmek bukni, asukum arye binmanto kum ubuk.

Markus 6:48

Sik amekwen deice tuba banmek bukni, Yesus mutuku deice arye sik ikin ubuk ning, eibukce, bereknamalya ati, tulik bisik yalamle talak ubuk talak ara, Yesus mekwen deice yanibuka sik unmekak biyuk.

Lukas 8:22

Tonok sum ara, Yesus arye Galilea mekwen lilun pia peterenmok ani, el mapu 12 obarye nang ati nyabuk. “Nunda mek lia bukna yo deice bukuka, mekwen deice bibirye, otam wekelbinuyabe,” nyabuk. Nyabukce, mek lia bukna yo deiceuk bukikura, el mapu 12 obarye nang babye, el damuk wekelbiyikopura, sik dem mekwen deice banmek.

Rasul 13:4

Allah El Dib Kanye arye akunum dopkwetebuka ati, Barnabas ap, Saulus ap, ‘Nun pil dolbinanam’ tenen, laut mekwen lilun tam ou birikce, Selukia mutuku birik. Selukia mutuku anirye, mek bukna yo pum bukrikce, mekwen deice banmarika ani, Siprus mutuku birik.

Rasul 15:39

Winibuka, yuk-yuk tenelanmarik ati, yu weik ubukura, yupu deice arye wapdarikce, adiparyuk, yuk-yuk bokdarik. Bokdarikce, Barnabas arye Markus dobuka, mek bukna yo wekuka bukrikce, ‘Siprus mutuku binamne’ tenen, laut mekwen deice birik.

Rasul 21:16

Yerusalem mutuku welebupu talak ara, Kaisarea mutuku ninye Yesus ulamuk ning piribuka kel kiyamikce, el ulamuka atonun ulamik ninye ara, neika ansinibuka welebupu. Welebuburye Kaisarea mutuku nang arye, tonoknye, Siprus mutuku deiamiknye, el si ara, Menason, el aik ulamupa ati, el aik bobisik. Menason ara, min arye diba tenebukce, Yesus el ulamuk ning nirya piribuka kel bikamuk akarye ulamuk.

Rasul 21:3

Kumanya mikip deice arye, mekwen deice banmapu ani, Siprus mutuku ara, laut mekwen sekdongamuk mutuku bisik noutamak ulamika anya arye, asinguk anyapce eitam eibupurye, Siprus mutuku eitam uabuk bukni, utam kirikuburye, laut mekwen deice pia banauk unmapu ani, Siria mutuku beipu. Siria tam bipopura, laut mekwen kup-kup mutuku si, Tirus mutuku mek bukna yo binuka deibukopura, sik amek lia yo lipmek bona yokuka deipnamek mutuku ati, nun babye, yokeipsuk.

Rasul 27:7

Dongopsukura, tuba tamubuka mekwen deice ara, pia nimalye arye asum-asum pia weik balamubu ani, ikin piluk pia weik dopropnin balamubu ani, Kenidus mutuku ara, tuku tam or diburye, nunda mekwen noutam tamuk banmapu. Balamupa ani, kumanya mikip arye anyapce lumuklamuk ati, ‘Nun binamap,’ tenebupu bisik ara, binmanto kum ati dengkebuka tamubuka, kwepdaburye, ‘Kerit mutuku, kumanya mikip kum dolamuk tam diksukumuk binamap’ tenen, Kerit mutuku donga tam beipu. Ara Salmone mutuku ara, tuku tam or diburye, nunda mekwen deice aryuk bisibupu.

Rasul 4:36

Awa tuku dekuka doprobuk yo bok ara, Yesus wipdeiamuk Rasul nang dam yanuka aribuk. Yusuf ara, Yesus elce wipdeiamuk Rasul nang arye, el si ati ton Barnabas nyalamik. Sik yupu deice arye ninye si ‘Barnabas’ nyalamika deiyok ara, Ninye Talima Kwadinanye ati nyalamik.