Rasul 27:27 - Eipomek

²⁷ Pia balamubu ani, obarye nirya, 14 lukunyan akunum mabupu ura, mungna mikip arye tuba kekuka donmasuka ani, lukunyan noutam koprop arye kapal talin nang sik kanye aryuk, ‘E tuku noutam mening dam yanganmabe,’ tenebik.

Rasul 27:27 ပူးပေါင်းရင်းမြစ်များ

1 Raja-Raja 9:27

Salomo el laut mekwen deice bana ati kapal, el si kapal laut akunum memebukopura, el kwit Raja Hiram birye, el tam nang ara, mekwen deice kapal bobuka bana weik kel nang ton, wibuka dopdeibukba, Raja Salomo el tam nang ap, sik neika akapal bobalamik.

Yunus 1:6

Mek liya yo, laut mekwen akunum noutam wekmanto unmokopura, mekwen deice mek lia yo bobana deiyoknye birye, Yunus mapmokak biyuk. Asukum biyukce, nyabuk. “Mok piriripna arye, nun pirinmasil ning ara, kel bikmalamcuk, mapmalam ning ara, yata ati do? Wini talak aniryuk buklyame! Bukmince, an si erelyam Allah ati, moropminba, eipsilirye, ‘Na mapu oplyak’ tenen, bico tenepsuturye, melipsutuba, kum dipnuyap do, lyepnamsil do? Nun walwal bukni, utenenmaba ning ati, ance elti, adiparyuk moropnulyame,” nyabuk.

Rasul 27:26

Bukni, tonok ning ara, dib winipnamsile. Ara, mekwen dana-dana sekdongamlyak mutuku bum wamlyak mek diknilbinamabe,” Paulus arye kapal bon nang ati nyabuk.

Rasul 27:28

Utenebikce, ‘Asukum ara, mekwen kaurwe weik ubuk do, kum do?’ tenen, mekwen kaurwe ati kiklilen tapu arye, ‘Mekwen kaurwe weik ubuk do, kum do?’ tenen, mekwen kaurwe ati kiklilen tapu, mekwan pum tam dopkwetebuka, kiklipdeyikbuk, mekwan pum 40 meter atonun ubuk. Mitikanun ton baubu ani, tonap tuba kiklipdeyikba, (mekwan pum tam arye mutuku dup mitik anun belyamukak ati) mekwan dala mitikto 30 meteruk kibuk.

Rasul 27:30

Ara, weik kapal talin nang arye, ‘Anang ap, akapal ap batakuka, nun yuk binamabe,’ tenebik bukni, tapu der tam kirikuka dopkwetepmak touk, gisok tam babye, ‘Ikin ning kirikdongobuka tapu dopkwetepnamak ati tunmake, tenepnamak’ tenen, mitik kapal ara, weik kapal deice deiamik tapu kirikuka nimalye dopkwetebikce, batakdongopnin banmek. Wininmekce, laut mekwen deice deililbiyik. Ara, ‘Nuncuk weik kapal, batakibirye lyepdanamabe. Sik yuk nang ara, dauplye’ tenen, winibik.

Wahyu 18:17

Bukni, tonok keting deice aryuk, sik ap, sik dekna weik ning ap nirya ara, akunum kum danmale,” nyabuka engenamake. “Tonda aning atonun, sik laut mekwen deice, weik mek liya yo talibuka balamak deiyok nang ap, sik amu tam bukuka amek liya yo deice pil donyak nang ap, amek liya yo noutamak bukuka talye banyak ninye ap, laut mekwen noutam ning, mekin bal do, yuk ning do, dobuka dekenyaka deice arye unyak ninye ap, sik nirya winipnamake.