Rasul 27:16 - Eipomek

¹⁶ Bopdakuka bisukura, laut mekwen dana-dana sekdongamuk mutuku, Kauda mutuku damang, kumanya kum yanmanto tam, amutam, bisilbapu talak ara, mitik kapal tapu kirikdongobuka, weik kapal lilolamak tapu lildona ap, mitik kapal dobuka weik kapal deice delina ap, winipmanto kum upsuka ati, aminyan talak arye deibupu.

Rasul 27:16 ပူးပေါင်းရင်းမြစ်များ

Rasul 16:10

Paulus arye alengdar atonun ning deice aning eibukce, laka nyabukura, nun nirya arye tenebupe. ‘Kume, Allah arye Paulus lengdar eibuk deice arye akunum lak nyapmasile atia. Nunce Makedonia tam ninye, Yesus ninye lyen yupu peterepnamabe Allah arye aning akunum, tenepmasila ara, akunum kel kipmapa ati, adiparyuk, ‘Makedonia mutuku peterelbinuyap’ tenen, kintinibupe.’

Rasul 27:15

Opsukce nun kapal kumanya mikip arye wamlibuka yuk tam bobisuk ati, tamubuka kum binmanto ubupu. Winibupa ati, talye bataknauk upmapuba, mungnarye bopdakuka bisuk.

Rasul 27:17

Ara, weik kapal talin nang arye, mitik kapal tapu talibuka, libuka doprobikce, weik kapal deice tam balye deice deibik. Winibikopura, laut mekwen lonting-lonting anarye, ‘Nun kapal colopsilyak’ tenen, weik tapu arye doprobikce, weik kapal koupdongobik. Ura, Sirtis mutuku, mekwen sekdongamuk mutuku dam, mekwen pum keil wininga uamukak, ‘Dengkel bipyak’ tenen, ilil upsukura, ‘Kumanya mikip arye binamap’ tenen, cang weik kain kitibuka dipdongobuka, erepdeiamik kain ara, kisik kwetebik. Dakuka doprobikce, talye bataklobikura, kumanya mikip arye, nun kapal ara, talye wamlibuka bobisuk.

Rasul 27:30

Ara, weik kapal talin nang arye, ‘Anang ap, akapal ap batakuka, nun yuk binamabe,’ tenebik bukni, tapu der tam kirikuka dopkwetepmak touk, gisok tam babye, ‘Ikin ning kirikdongobuka tapu dopkwetepnamak ati tunmake, tenepnamak’ tenen, mitik kapal ara, weik kapal deice deiamik tapu kirikuka nimalye dopkwetebikce, batakdongopnin banmek. Wininmekce, laut mekwen deice deililbiyik. Ara, ‘Nuncuk weik kapal, batakibirye lyepdanamabe. Sik yuk nang ara, dauplye’ tenen, winibik.