Rasul 26:2 - Eipomek

² Na ni Raja Ageripao, arup ara, an dam tiknarye, sik Yahudi yala nang nirya arye, “An malye ublume,” nyapdeipnik yupu sekeldana ati, na yupu laka nyapnune. Ati, na kanye deipne.

Rasul 26:2 ပူးပေါင်းရင်းမြစ်များ

Mazmur 119:46

Tonda ance, “Aning ara, wininalulume. Aning ara, pia kum wininamlulume. Teleb winina ara ani,” nyapdeiamsulum yupu dobuka, narye ninye deiyok talibuka wininyak nang, kekena ak nirya laka nyalbinamne. Ayupu bobuka, ninye deiyok nang, sisin nang kekena ati, laka nyalbinamne talak ara, alye ton pia kum dakanamne.

Matius 10:19

Yata talak do nirya, anggun tapu koubukapsikirye, yupu talina deiyok nang sik dam bobisikcopura, yupu kum nyapnumunyop talak ara, ‘Se, yata winibuka nyapnuyap do?’ tenen, mambul kanye kum bonamlulume. Allah El Dib Kanye arye anggun talima noutamak wini talak nyapsilye ninguk, kekepmunce nyapnamlulume.

Lukas 12:11

“Anggunda, ‘Yupu talina deiyok nang arye wenebuka opnamak’ tenen, tapu koubuka arel binamsiake. Tonda, Allah yupu peterena aik noutamak bobinamsiak ap ura, nati diba tenepmanuluma ati, ‘Anang arye opnamak’ tenen, weik ninye deiyok nang, Gubernur nang ap, sisinanye weik ninye deiyok nang, Raja nang ap, sik dam bobinamsiak ap ati, ilil una meme. Yata talak do nirya, anggun tapu koubukapsikirye, yupu bokolin nang dam bobisikcopura, yupu kabul nyapnumunye talak ara, ‘Yata ubuka nyapnuyap do?’ tenen, mambul kanye kum bopnamlulume.

Lukas 21:12

Aning ati ara, aning-aning winipnamle ning ara, moubuka bikmunce, tenenamlulume. Bukni, anyapmasin ning nirya min kum wi nyaplye talak ara, anggunda, ‘Yupu talina deiyok nang arye wenebuka opnamak’ tenen, tapu koubuka arilbanamsiyake. Ara, nati diba tenepluma ati, anggun nong deice ikin ning weik delinamsiake. Tonda, ‘Anang arye wenebuka opnamak’ tenen, Allah yupu peterena aik noutamak ap, talye wenena aik pum bisik ap, bobanamsiake. Nati, diba tenyamnumunya ati, ‘Anang arye opnamak’ tenen, weik ninye deiyok nang, Raja nang ap, Gubernur nang ap, sik dam bobanamsiake.

Rasul 25:26

Utenepse bukni, anye biti, “El malye winibuk ning ara, asukum, asukum,” nyabuka, nun ni Kaisar ati, laka nyabuka surat kum sekeiptinye. Ati ara, awekmalum ninye tonap, pia dipkoprop weik ning ara, nun ni Raja Ageripa ati, Paulus dopdeipsine. Ara, nunce ayupu lipdebirye, ‘E el malye winibuk ning ara, anye, aning sektinye’ tenen, el dobuka anggun damak deipsine.

Rasul 26:1

Festus el yupu akunum nyabukura, Raja Ageripa arye Paulus ati nyabuk. “Winira, ance, an binalam ati melina ati ara, yupu nyapsiminyeura, kekepnuyabe,” nyabuk. Nyabukura, Paulus arye, ‘Na aryuk yupu sekdanirye, sik yupu deice bisipnamne,’ tenebukce, el taruk moup deibuk akarye, ayupu nyabuk.

Rasul 26:19

Nyabukopura, Paulus arye ayupu ton dukdongobuka nyabuk. Aning ara, Paulus arye ayupu ton nyabuk. Aning ati ara, na ni Raja Ageripao, im deice arye lengdar atonun dopkwetepnukura, eipsirye nyapnuk ara, kum batakse. Yesus arye nyapnuk touk tuba wininune.

Rasul 26:26

“Nun ni Raja Ageripa ara, ayupu nirya el akunum kel kiyamuka ati, narye elti, talye tilila kum nyaptinye. Na dipkoprop kele. Aulamuk ning nirya kum duknubuka ati ara, anirya ulamuka ani, el walwal arye kum elilamuka kume. Anirya el elilamuka ati, el akunum kele kiayamuke.

Rasul 26:3

Na weik kanye deipman ning ara, ani. Ara, Yahudi yala nang arye, sik wininyak ning ap, sik yuk-yuk tenepdobikirye wapdanuka malye nyaldanyak yupu ap, ara akunum moubuka bita kel biklume. Ati ara, na nyapnaman yupu nirya min kum kekapminye talak ara, ‘Nimalye arye kekenamanilam’ tenen, moropkine.

Rasul 26:7

Nun Yahudi yala nang ara, 12 yala nang nirya arye, keting noutam babye, lukunyan babye, Allah el si erebuka el pil dobirye, Allah arye ayupu nyalilamsuk yupu uk, ‘Akunum diamice nang kam bukeipnamla ara, awinipnamle ning ara, nun babye, eiptibye’ tenen, dib tenebuka pia dinyabe. Na ni Raja Ageripao, sik Yahudi yala nang bukni, sikda Yahudi yala deiyok nang aryuk, adib tenebuka elinyap ning ati, “Paulus arye ayupu peterelya deice arye, el malye winilamuke,” nyabuka malye yupu nyalininyake.