Rasul 25:9 - Eipomek

⁹ Paulus nyabukura, Festus ara, ‘Yahudi yala nang ati, melipnyeura, elda telebnye, tenepnamniak’ tenen, Paulus ati nyabuk. “Ura an dan do? An ap, Yerusalem mutuku bipyopura, anang arye, ‘Paulus el malye winibuk ning ara, asukum,’ nyapkikceura, yuk yupu bokolin deiyok nang ton kekebikceura, narye yupu bokeipnamkin do? Kum do?” nyabuka asipdeyuk.

Rasul 25:9 ပူးပေါင်းရင်းမြစ်များ

Markus 15:15

Pilatus el kanye ara, ‘Awekmek nang nirya ati, sik pataplye ning narye arepnyopura, kanye deipnamniyake,’ tenebukce, Barabas lopdongobukura, talye biyuk. Barabas ara, talye biyuk bukni, Yesus eluk ara, Pilatus arye el yin talin nang ati nyapdeibukura, Yesus dobuka, ninye on ning arye onmek. Onmeka ani, yuk nang arye Yesus dobuka, ‘Yuk yin talin nang arye Yesus dobuka, wanwanun yo deice delilbinuyak’ tenen, arebik.

Rasul 12:3

Yakobus obikura, Yahudi yala nang eibikce, ‘Bita merekuka opmake’ tenen, kanye deibik. Yahudi yala nang, sik deiyok nang kanye deiamik ati ara, Gubernur Herodes arye el yin nang ati, “Peterus tapu kouplulume,” nyabuk. Ayupu nyabuk talak ara, sik Nena Kum Roti Kwalya yulamik sum uk.

Rasul 24:27

Apia ulamdika ani, keting tamun bitinye akunum kibukopura, Feliks el pununa ati, yuknye el si ara, Perkius Festus, wipdeibik. Winibikura, Feliks arye, Yahudi yala nang yukuna ati, tonda sikce, ‘El telebnye, tenepnamniak,’ tenebukce, Feliks arye Paulus wenena aik adeiamuk touk batakukura, pia anyaikuk ulamuk.

Rasul 25:20

Nyalanmekopura, nara ato yupu ati, ‘Yata wiribuka lipsisikuka asipdetinye do?’ tenen, kanye boktopnuk. Winipnuka ati, Paulus ati narye nyapse. “An yupu bokeipnamkina ati, an dan do? Yerusalem mutuku an ap bipyopura, sikce nyabkik yupu bokeipnamkin do? Kum do?” nyabuka asipdese.

Rasul 25:3

Winibukabikce, Festus ati pia palibuka moronauk unmekce, ayupu nyabik. “Naio, nunce Paulus wenepnamaba ati, nun melipsimince, Paulus Yerusalem mutuku dopkwetepsutume,” nyabuka moronmek. Sikce aning morobika deiyok ara, ‘Paulus ati bisik noutamak kalikmabya arye opnamap’ tenen, akunum kintinipmeka ati, Festus ati ayupu tilila ati kunusa dobuka nyabik.