Rasul 25:21 - Eipomek

²¹ Asipdesibuk, Paulus arye, “Roma mutuku weik ninye deiyoknye Kaisar elcuk bokeipnutue,” nyabuka morobukopura, narye yin talin nang ati nyapse. “Paulus bilyak ati, tuba melibuka kaliknamlulume. Aminyan talak, Kaisar dam dopkwetepnamne bukni, wini talak ara, aunamla talak ara, ‘Elce bilyak’ tenen, anggunce melibuka kaliklulume,” nyapse.

Rasul 25:21 ပူးပေါင်းရင်းမြစ်များ

Matius 22:17

Aning ati ara, asipdenukiyabe. Nun mutuku talisilirye, Roma mutuku weik ninye deiyoknye Kaisar arye, ‘Pemerintah ati, pajak yo bok arenamlume,’ nyasilya ara, arena teleb do, kum do? Apajak yo bok ara pemerintah nang ati arenamap do, bataknamap do?” nyabuka tenebuka arye asipdeyik. (Ara, ‘Yesus el yupu nyaptua deice arye malye uptue’ tenen, talye tenepce asipdeyik.)

Lukas 2:1

Atalak ara, Roma mutuku noutamai ulamik ninye nirya talyamuka weik deiyoknye, Roma mutukunye Kaisar Agustus arye, “Nun Roma mutuku nang arye talinyap ninye, ‘Yatato ubuka unyak do?’ tenen, si seknamabe,” nyapdeibuk.

Rasul 26:32

Nyabikce, Raja Ageripa arye, Festus ati ayupu nyabuk. “Paulus ara, ‘Kaisar aryuk na yupu lepsisikuka bokeipnutue,’ nyabuka kum moroyamtu toura, nunce anye biti talye lobuka bataktibye. Bukni, Paulus arye Kaisar si nyabuka, el si deice arye, kunum morobuka ati, Paulus kum lobuka batakloptibye,” nyabuk.

Rasul 28:19

‘Anye bira lopdongopnamabe’ tenepnik bukni, Yahudi yala nang arye, “Ara kumde!” nyabuka sekdongopnikura, ‘Adiparyuk yuk bisik kum bitinye,’ tenepsa ati, “Kaisar elcuk na ati yupu lepsikuka bokeipnutue,” nyabuka moropse. Amoropse bukni, ‘Yahudi yala nang malye winibik ning ara, anye, nyapnamne’ tenen, kum moropse.

2 Timotius 4:16

“Paulus malye winibuk ning ani,” nyabuka, ‘Yupu bokeipnamap’ tenen, yu nang arye na dobuka, yupu bokolina deiyok nang dam bobinik talak, minopce aning ara, na yupu melina ati, tonoknye babye, yupu nyabuka kum melipnuke. Sik nirya arye na batakuka bindopnik. Winipnik bukni, ‘Allah arye aninye na bataknik ning ati, kum weneplirye, talye namin kipnamle’ tenen, Allah moronune.