Rasul 25:19 - Eipomek

¹⁹ Aning kum bukni, sik nyabik yupu ara, yuke. Ara, sik ap, Paulus ap ansinibuka kum tenelamika ara, sik Yahudi yala nang diba tenebuka talinyak ning ap, tonda tonok diamuknye, el si ara, Yesus ati, Paulus arye, “El kam ulule,” nyabuka laka nyalye ning ara, neika bita kum tenenyaka anya arye, ayupu ati nyaldanmeke.

Rasul 25:19 ပူးပေါင်းရင်းမြစ်များ

Rasul 17:31

Ara, talye kume. Allah arye, ‘Atalakuk wibuka bokdeipnamne,’ tenebukce akunum kintinipdeibuka ati, aminyan talak ninye mutuku sirya im sirya nirya ati, malye unyak ning ap, teleb unyak ning ap, wibuka dipdelirye, “Aning malye, aning telebe,” nyabuka, teleb kibuka yuk-yuk wibuka bokuka deipnamle. Ara Allah arye nyaplibuk, el menopa arye wipdeibuk nang arye, ninye nirya ati, yuk-yuk wibuka bokuka deipnamake. Allah arye, ‘Ninye mutuku-mutuku nirya diba tenepnamak’ tenen, elce wipdeibuknye dipmokbuk, kam bukeibuka deice arye, aning nirya akunum lakak nyapmasile. Paulus arye ayupu nirya abulubuka wekmek nang, Arepagus nang ati, nyabuk.

Rasul 18:15

Bukni, anggunda, talye ninye si ap, sik yala yupu deiyoknye nirya ap, Allah arye anggun yuk nyalilamsuk yupu ap ati, nyaldanmaluma ati, anggunuk lipsisikdanamlulume. Nara, ato talye yupu ara, na kum lipsisiknusine,” Galio arye nyabuk.

Rasul 18:19

Mutuku si Siria mutuku binamik ati, mekwen deice banmeka ani, bisik noutamak Efesus mutuku obiyikopura, Paulus arye Pereskila ap, Akwila ap ati, “Anggunda asukum ururume,” nyapdeibukopura, eluk sik Yahudi yala nang Allah yupu peteren aik wekukabukce, ‘Sik Yahudi yala nang Yesus ati dib tenepnamak’ tenen, Yesus yupu laka nyabuka peterebuk.

Rasul 2:32

Yesus dibuk bukni, el li Allah arye Yesus erebuka kam bukibuk ak, nun nirya eibupe.

Rasul 23:29

Deipsirye, na lilibuka asipdesirye, sikce, “El malye ubuk,” nyanmeka deiyok ning ara, Musa sekamuk yupu, Yahudi yala nang sik mem yupu ara, bita kum tenelamika ati ara, weik yupu arye nyaldanmeka deice arye, Paulus ati ayupu nyabik. Ati, asipdesirye, aning kel kepsi. Aning kel kepsi bukni, elda amalye winibuka deice arye, nun ninye deiyok nang arye, yuk nang opnamtibya deiyok ning pia kum upmale. Tonda, ‘Nun ninye tapu koubuka wenena aik dongoptibya’ tenen ning ara, kum eipse.

Rasul 25:18

Paulus ati, “El malye winibuk,” nyabuka malye yupu nyapdeibik nang arye, ‘Yupu nyapnuyap’ tenen, tikikce, yupu nyanmekopura, na tenepse touk kum nyabik. ‘Elda apia malye ning winibuk, nyapnamake,’ tenepse bukni, sikce na tenepse yupu ato ning kum nyabik.

Rasul 25:7

Nyabukura, Paulus dobuka, Festus dam yanuka tikukopura, Yerusalem mutuku arye yanmek Yahudi yala nang arye, Paulus noutamak tikukura, anang dana-dana antanabuka denepdongopmek. Winipmikce, “Paulus el pia malye winibuk ning ara, ani,” nyabuka talye minina yupu nyalinmek bukni, deiyok ning ara, “Paulus arye winibuka malye winibuke,” nyabuka, asum arye nyabuka laka kum nyapmanto kibik.

Rasul 26:3

Na weik kanye deipman ning ara, ani. Ara, Yahudi yala nang arye, sik wininyak ning ap, sik yuk-yuk tenepdobikirye wapdanuka malye nyaldanyak yupu ap, ara akunum moubuka bita kel biklume. Ati ara, na nyapnaman yupu nirya min kum kekapminye talak ara, ‘Nimalye arye kekenamanilam’ tenen, moropkine.

Wahyu 1:18

Minop talak dipse bukni, wini talak ara, kam unye touk, pia kam unamne. Nara, pia Kam Una Deiyoknye ununa ati ara, aminyan doryanamle talak babye, pia kamuk unamne. Nara, Ninye Dibina deiyok ning ap, akunum diamice ninye unyakak ap, talibuka una deiyoknye ununa anya arye, aning nirya ara talibuka unune.