Rasul 25:1 - Eipomek

¹ Ara, Festus ara, el talipnamuk mutuku winiryuk yayuk talak ara, asik si Kaisarea mutuku yayukopura, winilye sum aunmoka ani, akunum ubukopura, Kaisarea mutuku arye Yerusalem mutuku welebuk.

Rasul 25:1 ပူးပေါင်းရင်းမြစ်များ

Rasul 18:22

Biyukce, yuk nang ap, mekwen deice pia banmeka ani, Kaisarea mutuku dam mekwen kup-kup mek bukna yo lukuka delilamikak binuka lukeibikopura, Paulus elda, Yerusalem mutuku welebukce, amutuku diba tenebik nang ati, “Telebe,” nyabuka, kisal dobukce, asukumuk uruna ati unmoka ani, adiparyuk Antiokia mutuku biyuk.

Rasul 21:15

Ara, anirya akunum winibukopura, nun nirya kintinibuburye, bisik balamubua ani, Yerusalem mutuku welebupu.

Rasul 23:34

Aribikura, Gubernur Feliks asurat dobuka yinipdeyukura, Paulus ati asipdeyuk. “Anda dan mutuku nang arye deipkik do?” nyabuka asipdeyuk. Asipdeyukura, Paulus arye tamubuka nyabuk. “Nara, Kilikia tam nang arye deipnik,” nyabuk. Nyabukura, Feliks kekebuk akarye, ‘E ara, Kilikia tamnye’ tenen, kel bikuk. Kel kibuk akarye nyabuk.

Rasul 24:27

Apia ulamdika ani, keting tamun bitinye akunum kibukopura, Feliks el pununa ati, yuknye el si ara, Perkius Festus, wipdeibik. Winibikura, Feliks arye, Yahudi yala nang yukuna ati, tonda sikce, ‘El telebnye, tenepnamniak,’ tenebukce, Feliks arye Paulus wenena aik adeiamuk touk batakukura, pia anyaikuk ulamuk.

Rasul 25:13

Ara, asum liki bitinye do, winilye do, akunum ubukopura, weik ninye deiyoknye, ‘Raja Agripa ap, el makal kil Bernike ap, epdabirye kipdanamap’ tenen, Festus damak Kaisarea mutuku yarik.

Rasul 25:4

Nyabikbuk, Festus arye tamubuka nyabuk. “Paulus ara, sik yin nang arye, ‘Paulus bilyak’ tenen, Kaisarea mutuku tuba melibuka unmake. Tonda, na babye pola umutuku uk binamanaryuke.

Rasul 25:5

Anggun du yapu tonok-tonok ap, Kaisarea mutuku binamabe. Bipyopura, Paulus dipkoprop malye wamlyopura, asukum arye ‘Paulus malye winibuk ning ani-ani,’ nyabuka, laka nyapnitinge,” Festus arye nyabuk.

Rasul 25:6

Ura, pin barye do, taku barye sumto, Yerusalem mutuku ulamika ani, Festus Kaisarea mutuku koulukukce mapmoka, berekuk. Berekukopura, Festus arye, ‘Yupu lipsisikuka bokeipnune,’ tenebukce, sik yupu lipsisikuka talilamikak bukukce, “Paulus boyalulume,” nyabuk.

Rasul 8:40

Anye bira abisikuk banmok bukni, Pilipus ara, Asotus mutuku kutukuka tikilbiyuk. Kutukuka tikilbiyukura, yuk pera mutuku si ara, Asotus mutuku, laka teleb yupu ara, ‘Yesus arye ninye lyepnamsile,’ nyabuka peterebuk. Peterebukura, Kaisarea mutuku binamuka ati, bisik noutam balamuk talak ara, abisik noutamak asik dolamikak anyasik-anyasik weik laka teleb yupu ara, ‘Yesus arye ninye lyepnamsile,’ tenen, nyabuka peterepnin balamuka ani, Kaisarea mutuku biyuk.