Rasul 24:11 - Eipomek

¹¹ Ara, ‘Allah si erepnamne,’ tenepsirye, Yerusalem mutuku bise talak ara, do nirye, nukuka, amul arye utam nirya, pia upnin yangalamupa ani, obarye 12 sum ara, arup unmabe. Yuk sum tonap kume, akunuma. Aning ara, talye kum nyapne, anyapman ning ara, yuk nang ati, lipsisikuka asipdetumura, nyapkitingopura, an babye, kel biktume.

Rasul 24:11 ပူးပေါင်းရင်းမြစ်များ

Rasul 21:18

Mapmapua, berekukura, Paulus ap, nun nirya arye, Yakobus el ap, ‘Yupu talipnamap’ tenen, el dam binuka wekupu. Tonda Yerusalem mutuku Yesus dib tenyamik ninye, sik deiyok nang babye awekmek.

Rasul 22:30

Mapmeka, berekukura, ayin talin nang sik deiyoknye birye, “Sik Yahudi yala nang arye, ‘Paulus malye ubuk,’ nyanmeka ara, deiyok dipkoprop dan do?” nyabuka, ‘Asipdenamne’ tenen, patanmokura, el mapu ati, “Paulus lopdongoplulume,” nyabukura, batakdongobik. Tonda, elcuk sik Yahudi yala nang Allah ati arena nang, weik deiyok nang ap, Yahudi yala nang, sik yupu bokolina deiyok nang ara, Sandeheren nyalamik nang ap ati, “Anggun buluplulume,” nyabukura, bulubuka wekikbuk, ayin talin nang deiyoknye birye, Paulus dobukce awekmek nang urasin dam tikibukopura, Paulus asukumuk tikuk.

Rasul 23:11

Bobiyikura, inibukba, alukunyan aryuk nun ni kopropa Yesus Paulus dam tikilyayukce nyabuk. “Ilil kum arye mikip aryuk unamlame. Yerusalem mutuku ulalamce nati teleb kibuka lak nyalamnilam touk, Roma mutuku ababye bimince adiparyuk laka nyanamnilyame,” nyabuk.

Rasul 23:23

Ayin talin nang sik weik deiyoknye birye nyabukura, el yin talin nang, ara deiyok nang atonun nang, bitinye nang ati nyabuk. “Nun yin talin nang yupa weik 200 nang ap, kuda balye tam bukuka banyak nang, 75 yin nang ap, yo dula mal bobalamak nang ap, yupa weik 200 nang ap kintinipnamlulume. Alukunyan akunum maplukice talak ara, Kaisarea mutuku binamlulume.

Rasul 24:1

Anang arye Paulus dobuka Herodes aik dongobikce, kalikmekbuk, pamubarye sum akunum ubukopura, Ananias, ara sik Yahudi yala nang malye ulamik ning dekna ati, Allah arena weik ninye deiyoknye bira, Kaisarea mutuku kuluka yayuk. El ap neika yayik nang ara, Yahudi yala nang sik yupu bokolina deiyok nang wisi nang tonok-tonok ap, ton yupu bokolin tam melibuka yupu nyananye, el si ara, Tertulus ap, sik nirya yayikce, Gubernur Feliks kekenmokak, “Paulus ara, el malye winibuk ara ani-ani,” nyabuka lakak nyabik.

Rasul 24:17

Min arye Yerusalem mutuku winilamse bukni, amutuku batakuka yuk mutuku binuka ulamse ani, keting tamun weik tonun akunum mapsopura, tuba tamubuka Yerusalem mutuku tamubuka yase. Yasirye, na yala ninye bona utotoa talina kum ninye ara, Yahudi yala ninye ati, yo bok ap, yuk ning ap, ‘Talya melibuka arepnamne’ tenen, yase. Tonda, Allah el si erena ati, ‘Teleb ning arepnamne’ tenen, yase.