Rasul 23:23 - Eipomek

²³ Ayin talin nang sik weik deiyoknye birye nyabukura, el yin talin nang, ara deiyok nang atonun nang, bitinye nang ati nyabuk. “Nun yin talin nang yupa weik 200 nang ap, kuda balye tam bukuka banyak nang, 75 yin nang ap, yo dula mal bobalamak nang ap, yupa weik 200 nang ap kintinipnamlulume. Alukunyan akunum maplukice talak ara, Kaisarea mutuku binamlulume.

Rasul 23:23 ပူးပေါင်းရင်းမြစ်များ

Matius 14:25

Sik amekwen deice tuba banmeka ani, bereknamalya ati, tulik bisik yalamle talak ubukura, Yesus mekwen deice yanibuka, el mapu banmekak biyuk.

Lukas 12:38

Yata pil don nang do nirya, sik deiyoknye lukunyan yanamalye ning babye, elda upmalya ani, lukunyan dukduk alamle talak yanamalye ning babye, sikce ‘Nun deiyoknye dan talak yanamle do?’ tenen, kintinipdeibuka dinmakibuk yalyopura, teleb ulinamle.

Rasul 23:22

Nyabukura, ayin talin nang, sik weik deiyoknye birye nyabuk. “Ance ayupu lakak yanuka nyapmanilama ara, yuk nang dam ton kum nyapnalyame. Ati telebe dabilyame,” nyabuk.

Rasul 23:31

Aning ati ara, ayin talin nang, Lisias nyapdeibuk touk, Paulus doprobik akarye, alukunyan noutamak anyuk bobanmeka ani, Antipatis mutuku uk bobiyik.

Rasul 23:32

Binuka mapmeka berekukopura, sik kuda basam balye tam bukuka balamik nang aryuk, ‘Paulus dobuka bobinamak’ tenen, sik talye yin talin nang arye abana batakuka, sik aik tamubuka biyik.

Rasul 23:33

Ura kuda basam balye tam bukuka balamik nang banmeka ani, Kaisarea mutuku akunum biyikura, sikce Gubernur Feliks ati Lisias sekdeipmok surat ap, Paulus ap, ‘Elce dopdoplirye, dipdenamle’ tenen, arebik.

Rasul 8:40

Anye bira abisikuk banmok bukni, Pilipus ara, Asotus mutuku kutukuka tikilbiyuk. Kutukuka tikilbiyukura, yuk pera mutuku si ara, Asotus mutuku, laka teleb yupu ara, ‘Yesus arye ninye lyepnamsile,’ nyabuka peterebuk. Peterebukura, Kaisarea mutuku binamuka ati, bisik noutam balamuk talak ara, abisik noutamak asik dolamikak anyasik-anyasik weik laka teleb yupu ara, ‘Yesus arye ninye lyepnamsile,’ tenen, nyabuka peterepnin balamuka ani, Kaisarea mutuku biyuk.